ઇઝરાયલ અને હમાસ યુદ્ધવિરામ પર સંમત થયા, 15 મહિના પછી યુદ્ધ થશે બંધ
છેલ્લું અપડેટ : 15 Jan 2025
ઇઝરાયલ અને હમાસ ગાઝામાં 15 મહિના માટે યુદ્ધ બંધ કરવા સંમત થયા છે. યુદ્ધવિરામ દરમિયાન, હમાસ ગાઝામાં બંધક બનાવેલા ઇઝરાયલી નાગરિકોને મુક્ત કરશે. બદલામાં ઇઝરાયલ હમાસના લોકોને પણ મુક્ત કરશે. જોકે, આ યુદ્ધવિરામ અંગે સત્તાવાર જાહેરાત હજુ બાકી છે.
ઇઝરાયલ અને પેલેસ્ટિનિયન સંગઠન હમાસ યુદ્ધવિરામ માટે સંમત થયા છે. બંને વચ્ચે કેટલાક દિવસોથી યુદ્ધવિરામ અને કેદીઓની આપ-લે અંગે વાતચીત ચાલી રહી હતી.
સૂત્રો પાસેથી મળેલી માહિતી અનુસાર, આ વાતચીતનું સકારાત્મક પરિણામ આવ્યું છે. ઇઝરાયલ અને હમાસ ગાઝામાં 15 મહિનાથી ચાલી રહેલા યુદ્ધને રોકવા માટે સંમત થયા છે. યુદ્ધવિરામ દરમિયાન, હમાસ ગાઝામાં બંધક બનાવેલા ઇઝરાયલી નાગરિકોને મુક્ત કરશે. બદલામાં, ઇઝરાયલ હમાસના લોકોને પણ મુક્ત કરશે. જોકે, આ યુદ્ધવિરામ અંગે સત્તાવાર જાહેરાત હજુ બાકી છે. તમને જણાવી દઈએ કે ઈઝરાયલ અને હમાસ વચ્ચે 7 ઓક્ટોબર 2023 થી યુદ્ધ ચાલી રહ્યું છે.
AFP એ સોમવારે પોતાના અહેવાલમાં જણાવ્યું હતું કે ઇઝરાયલ અને હમાસ વચ્ચે યુદ્ધવિરામનો પ્રથમ તબક્કો કુલ 42 દિવસ સુધી ચાલી શકે છે. યુદ્ધવિરામ કરારના પ્રથમ તબક્કામાં, હમાસ 5 મહિલાઓ સહિત 33 બંધકોને મુક્ત કરી શકે છે. જ્યારે ઇઝરાયલ બદલામાં 250 પેલેસ્ટિનિયન કેદીઓને મુક્ત કરશે. 15 દિવસ પછી, હમાસ બાકીના બંધકોને મુક્ત કરશે. આ દરમિયાન, બંને પક્ષો કાયમી યુદ્ધવિરામ અંગે વાત કરવાનું ચાલુ રાખશે.
એએફપી અનુસાર, યુદ્ધવિરામ કરાર અંગે ઇઝરાયલ અને હમાસ વચ્ચે છેલ્લી વાતચીત 14 જાન્યુઆરીએ કતારમાં થઈ હતી. કતારના વડાપ્રધાન શેખ મોહમ્મદ બિન અબ્દુલ અલ થાનીએ આ વાતચીતનું આયોજન કર્યું હતું. ઇઝરાયલ તરફથી, મોસાદ ગુપ્તચર એજન્સીના વડા ડેવિડ બાર્ની અને શિન બેટના વડા રોનેન બારે યુદ્ધવિરામ કરારમાં ભાગ લીધો હતો. અમેરિકા વતી, ટ્રમ્પના પ્રતિનિધિ સ્ટીવ વિટકોફ અને બિડેનના પ્રતિનિધિ બ્રેટ મેકગર્ક હાજર હતા.
આ ડીલ પછી ઉત્તર ગાઝાથી દક્ષિણ ગાઝા મોકલવામાં આવેલા લગભગ ૧૧ લાખ લોકોને તેમના જૂના સ્થળે જવાની પરવાનગી આપવામાં આવશે. યુદ્ધવિરામ કરાર અંગેની બાકીની વિગતો આગામી સમયમાં જાહેર કરવામાં આવશે.
