હિજબુલ્લાહની કબૂલાત, ઇઝરાયેલી હુમલામાં કમાન્ડર ઇબ્રાહિમ કુબૈસીનું થયું મોત

ગાઝા યુદ્ધની સાથે ઇઝરાયેલ હવે લેબેનોનમાં હિજબુલ્લાહ સાથે પણ મોરચો માંડ્યો છે. લેબનોન તરફી લેબનીઝ હિજબુલ્લાહ અને ઈઝરાયેલ વચ્ચે તણાવ ચરમસીમા પર છે. આંતરરાષ્ટ્રીય સમુદાયની ચેતવણીને અવગણીને બંનેએ એકબીજાની સરહદ પર હુમલા તેજ કર્યા છે. મંગળવારે, લેબનીઝ તરફી જૂથને મોટો ફટકો પડ્યો જ્યારે તેમ નો ટોચનો કમાન્ડર ઇબ્રાહિમ મુહમ્મદ કુબૈસીનું  ઇઝરાયેલના હવાઈ હુમલામાં મોત થયું છે. હિજબુલ્લાહે પુષ્ટિ કરી હતી કે કુબૈસી બેરૂત પર ઇઝરાયેલના હવાઈ હુમલામાં માર્યો ગયો હતો.

બેરૂત પર ઈઝરાયેલનો ત્રીજો હુમલો

આ હુમલો છ માળની ઈમારતના ત્રણ માળ પર કરવામાં આવ્યો હતો. એક અઠવાડિયાથી ઓછા સમયમાં બેરૂત પર ઈઝરાયેલનો આ ત્રીજો હુમલો છે. તે જ સમયે, ઇઝરાયેલ અને હિજબુલ્લાહ વચ્ચે સંઘર્ષ તીવ્ર બન્યા પછી ક્યુબૈસી જૂથનો પ્રથમ સભ્ય છે જેને મૃત જાહેર કરવામાં આવ્યો છે.

ઈઝરાયેલે પહેલા જ દાવો કર્યો હતો

ઇઝરાયેલની સેનાએ બેરૂત પર હુમલામાં હિજબુલ્લાહના મિસાઇલ અને રોકેટ યુનિટના ટોચના કમાન્ડરને માર્યા હોવાનો દાવો કર્યો છે. બેરૂતના દહિયાહ ઉપનગરમાં હુમલાનું લક્ષ્ય હિજબુલ્લાહના રોકેટ અને મિસાઇલ વિભાગના વડા ઇબ્રાહિમ કુબૈસી હતા. ઈઝરાયેલ ડિફેન્સ ફોર્સે કહ્યું કે હુમલામાં ઈબ્રાહિમ કુબૈસી અન્ય ટોચના કમાન્ડરો સાથે માર્યા ગયા.

ઇબ્રાહિમ કુબૈસી કોણ હતા?

ઈબ્રાહિમ રોકેટ અને મિસાઈલ યુનિટનો ટોચનો હિજબુલ્લાહ કમાન્ડર હતો. તે ઈઝરાયેલ પર અનેક હવાઈ હુમલા માટે જવાબદાર હતો. આ સિવાય તેણે 2000માં ત્રણ ઈઝરાયલી સૈનિકોનું અપહરણ કરીને નિર્દયતાથી હત્યા કરી નાખી હતી. હિજપણ કુબૈસીના મોતની પુષ્ટિ કરી છે.

કુબૈસી 1980ના દાયકામાં હિઝબુલ્લામાં જોડાયો હતો.
IDF અનુસાર, ઇબ્રાહિમ કુબૈસીએ હિજબુલ્લાહના કેટલાક રોકેટ અને મિસાઇલ યુનિટને કમાન્ડ કર્યા હતા, જેમાં તેના ચોકસાઇ-ગાઇડેડ મિસાઇલ યુનિટનો પણ સમાવેશ થાય છે. સૈન્યએ અહેવાલ આપ્યો હતો કે ઇબ્રાહિમ કુબૈસી 1980ના દાયકામાં હિઝબુલ્લામાં જોડાયો હતો અને હિઝબુલ્લાહના ઓપરેશન વિભાગમાં વરિષ્ઠ પદ અને બદર પ્રાદેશિક વિભાગના વડા સહિત અન્ય ઘણી મહત્ત્વપૂર્ણ ભૂમિકાઓ નિભાવી હતી.

શાળાઓમાં શિબિર, કાર અને પાર્કમાં સૂતા લોકો

ઇઝરાયેલના હુમલાએ માત્ર એક જ દિવસમાં લેબનીઝને ડરાવી દીધા છે. લોકોએ શાળાઓમાં શરણાર્થી છાવણીઓ બનાવી છે. તેમજ લોકો કાર અને પાર્કમાં  સૂઈ રહ્યા છે. સેંકડો લોકો દેશ છોડવાનો પ્રયાસ કરી રહ્યા છે. ઇઝરાયેલે મંગળવારે મોડી રાત્રે જણાવ્યું હતું કે તેના યુદ્ધ વિમાનોએ દક્ષિણ લેબનોન અને ઉત્તરમાં બેકા વિસ્તારમાં હિજબુલ્લાહ શસ્ત્રો અને રોકેટ લોન્ચર પર "મોટાપાયે સ્ટ્રાઈક કરી હતી.