એપસ્ટિન ફાઈલ્સમાં 169 વખત ઉછળ્યું દલાઈ લામાનું નામ, હંગામો થતા તિબેટીયન ધર્મગુરુની પ્રેસનોટ જાહેર

તમને જણાવી દઈએ કે, અમેરિકન ન્યાય વિભાગ દ્વારા જાહેર કરાયેલા દસ્તાવેજોમાં દલાઈ લામાના નામનો 169 વખત ઉલ્લેખ કરવામાં આવ્યો છે, જેનાથી અફવાહ તેજ બની છે. જ્યારે કેટલાક મેઈલ્સમાં વર્ષ 2012માં કોઈ ઈવેન્ટમાં બંનેના હોવાની વાત કહેવામાં આવી છે. જોકે, આ મામલે દલાઈ લામાના કાર્યાલય દ્વારા તાત્કાલિક પ્રેસનોટ બહાર પાડીને સ્પષ્ટતા કરી છે. જેમાં એપસ્ટિન ફાઈલમાં લગાયેલા આરોપોને નકારી કાઢવામાં આવ્યા છે. 

 'X' એકાઉન્ટ પર પ્રેસનોટ જાહેર

દલાઈ લામાના 'X' એકાઉન્ટ પર જાહેર કરાયેલી પ્રેસનોટમાં તેમના કાર્યાલયે એપસ્ટિન ફાઈલ્સના દાવાને ખોટા અને ભ્રામક અફવાહ ગણાવી છે. નિષ્ણાતોનું કહેવું છે કે, ફાઈલ્સમાં મોટાભાગે નામનો ઉલ્લેખ કરાયો છે. જેમાં કોઈ ફોટોગ્રાફ્સ નથી, કોઈ નાણાકીય વ્યવહારો નથી, સીધી મુલાકાતોના કોઈ પુરાવા નથી. 

"ગુરુજીનું જીવન સત્ય અને અહિંસા પર આધારિત"

એપસ્ટિનના દસ્તાવેજોમાં ઘણા સેલિબ્રિટીઓના નામનો ઉલ્લેખ છે. તેમના શિષ્યોએ કહ્યું કે, "દલાઈ લામા, કરુણા અને શાંતિના પ્રતીક છે. તેઓ આવી અફવાઓ પર ક્યારેય ધ્યાન આપતા નથી. ગુરુજીનું જીવન સત્ય અને અહિંસા પર આધારિત છે. અસત્યનો પડછાયો પણ તેમની સાથે રહી શકતો નથી. અફવાઓ વિશ્વમાં ઝડપથી ફેલાય છે, પરંતુ સત્ય સમય સાથે ખુદ ઉજાગર થાય છે."