Australia news: ભારતીય મૂળની વ્યકિત પર ચપ્પુથી જીવલેણ હુમલો, 4ની ધરપકડ
છેલ્લું અપડેટ : 27 Jul 2025
Australia news: ઓસ્ટ્રેલિયામાં એકવાર ફરી ભારતીય મૂળની વ્યકિત પર હુમલો થયો છે. આ હુમલો મેલબોર્ન શહેરમાં થયો છે. અહીં ભારતીય મૂળના વ્યકિત પર કેટલાક લોકોએ ચપ્પાથી હુમલો કર્યો હતો. આ હુમલો એ દરમ્યાન થયો જ્યારે ભારતીય મૂળની વ્યકિત દવાની દુકાનથી ઘરે પરત આવી રહ્યો હતો. આ વ્યકિતની ઓળખ સૌરભ આનંદ (33) તરીકે કરવામાં આવી છે. ચપ્પાથી કરાયેલા હુમલામાં સૌરભનો એક હાથ લગભગ કપાઈ ગયો. જેને ડૉકટરોએ સારવાર દરમ્યાન ખભાથી જોડયો હતો. જે વ્યકિત પર હુમલો થયો તે એક વિદ્યાર્થી છે.
શોધીને હુમલો કરવામાં આવ્યો
પોલીસે આ કેસમાં ચારેય આરોપીઓની ધરપકડ કરી છે. મળતી માહિતી મુજબ, સૌરભ 19 જુલાઈના રોજ સાંજે 7.30 વાગ્યે અલ્ટોના મીડોઝના સેન્ટ્રલ સ્ક્વેર શોપિંગ સેન્ટરમાં દવા લેવા માટે ગયો હતો. તે તેના મિત્ર સાથે વાત કરી રહ્યો હતો ત્યારે અચાનક પાંચ યુવાનોએ તેને ઘેરી લીધો. પહેલા હુમલાખોરોમાંથી એકે સૌરભની શોધ કરી અને પછી તેને માર મારવાનું શરૂ કર્યું.
ચપ્પાથી અનેક હુમલા
માર મારતી વખતે, એક આરોપીએ સૌરભ પર છરી વડે હુમલો કર્યો. પીડિતાનું કહેવું છે કે તેને મારવા માટે તેની ગરદન પર હુમલો કરવાનો પ્રયાસ કરવામાં આવ્યો હતો. સૌરભે જણાવ્યું કે તેણે પોતાનો હાથ ઊંચો કર્યો જેના કારણે તેની ગરદન પર હુમલો થઈ શક્યો નહીં. આ દરમિયાન, હુમલાખોરોએ તેના ખભા અને પીઠ પર પણ છરી વડે હુમલો કર્યો, જેના કારણે તેને કરોડરજ્જુમાં ગંભીર ઈજા થઈ હતી.
લોકોની મદદથી જીવ બચાવ્યો
હુમલા પીડિતા સૌરભે જણાવ્યું કે કેટલાક અજાણ્યા લોકોની મદદથી તેનો જીવ બચી ગયો. તેને તાત્કાલિક નજીકની હોસ્પિટલમાં લઈ જવામાં આવ્યો, જ્યાં ડોક્ટરોએ શરૂઆતમાં વિચાર્યું કે હાથ કાપી નાખવો પડશે. પરંતુ, તેઓ હાથ ફરીથી જોડવામાં સફળ રહ્યા. મળતી માહિતી અનુસાર, આ હુમલામાં સંડોવાયેલા પાંચમાંથી ચાર આરોપીઓની ધરપકડ કરવામાં આવી છે.
ભારતીયો પર પહેલા પણ હુમલો કરવામાં આવ્યો છે
આ દરમિયાન, અમે તમને એ પણ જણાવી દઈએ કે ગયા અઠવાડિયે ઓસ્ટ્રેલિયાના એડિલેડ શહેરમાં એક ભારતીય વ્યક્તિ પર પણ વંશીય હુમલો કરવામાં આવ્યો હતો. પાર્કિંગ વિવાદ દરમિયાન, ભારતીય વ્યક્તિ પર અજાણ્યા લોકોએ હુમલો કર્યો હતો. વંશીય હુમલામાં ભારતીય વિદ્યાર્થી ખરાબ રીતે ઘાયલ થયો હતો. વિદ્યાર્થીની ઓળખ ચરણપ્રીત સિંહ તરીકે થઈ હતી જેને હોસ્પિટલમાં દાખલ કરવામાં આવ્યો હતો. સ્થાનિક મીડિયાએ આ ઘટના વિશે માહિતી આપી હતી.
