જ્યારે બેન્ક કર્મચારીની એક ભૂલને કારણે ટ્રાન્સફર થઇ ગયા 2000 કરોડ, જાણો પછી શું થયું?

2012માં એક જર્મન બેંકના ક્લાર્કની નાની ભૂલને કારણે 2000 કરોડ રૂપિયા ટ્રાન્સફર થવાના હતા. આ જર્મન બેંક ક્લાર્ક કામ કરતી વખતે ઊંઘી ગયો. તે દરમિયાન તેનો હાથ કીબોર્ડ પર ગયો અને ભૂલથી તેણે 222,222,222.22 યુરો ટ્રાન્સફર કરી દીધા. આ ભૂલ કેટલી મોટી હતી તેનો અંદાજ એ વાત પરથી લગાવી શકાય છે કે આ રકમ 2000 કરોડ રૂપિયા જેટલી હતી. જો કે, આ વ્યવહાર એક કર્મચારીના ધ્યાનમાં આવ્યો અને તેણે સમયસર તેને સુધારી લીધો. આ ઘટના એક વખતથી ઓનલાઈન ચર્ચાઈ રહી છે.

હવે આ ચર્ચા શા માટે થઈ રહી છે?

આ ભૂલ કરનાર ક્લાર્કના સુપરવાઈઝરે પણ યોગ્ય રીતે દસ્તાવેજો તપાસ્યા વગર જ રકમ મંજૂર કરી દીધી હતી, આ ભૂલના કારણે સુપરવાઈઝરને બેંક દ્વારા નોકરીમાંથી કાઢી મૂકવામાં આવ્યો હતો. બેંકે તે કર્મચારીને ટ્રાન્ઝેક્શન યોગ્ય રીતે ચેક ન કરવા બદલ નોકરીમાંથી કાઢી મૂક્યો હતો. પરંતુ આ સમગ્ર મામલે સુપરવાઈઝર કોર્ટમાં ગયા હતા. જેના પર જર્મનીની કોર્ટે પોતાનો ચુકાદો આપ્યો છે.

આ પણ વાંચો : બ્રિટનની યુનિવર્સિટીના VC ભારતીય મહિલા સાથે અફેરમાં થયાં સસ્પેન્ડ, પત્નીએ ફોડ્યો ભાંડો

કોર્ટે સુપરવાઈઝરની તરફેણમાં ચુકાદો આપ્યો હતો

જર્મન કોર્ટે સુપરવાઈઝરની તરફેણમાં ચુકાદો આપ્યો છે. કોર્ટે કહ્યું કે સુપરવાઈઝરને હટાવવાનો આ નિર્ણય વ્યાજબી નથી. કોર્ટે પોતાના નિર્ણયમાં કહ્યું કે એક દિવસમાં 100થી વધુ ટ્રાન્ઝેક્શનની સમીક્ષા કરવી પડશે. જેમાં સમયનું દબાણ પણ હોય છે. તે દિવસે સુપરવાઈઝરે 812 દસ્તાવેજોની સમીક્ષા કરી. આટલા કામની વચ્ચે સાવધાનીથી કામ કરવા માટે બહુ ઓછી જગ્યા બચી હતી.

આ પણ વાંચો : ભારતીય મૂળના આ બાળકનો IQ આલ્બર્ટ આઈન્સ્ટાઈન કરતા પણ વધું

કોર્ટે કહ્યું કે સુપરવાઈઝર દ્વારા લેવામાં આવેલી આ કાર્યવાહી દુર્ભાવનાપૂર્ણ નથી. તેમજ ઘોર બેદરકારીનો કિસ્સો જણાતો નથી. બેંકે કહ્યું કે બરતરફીને બદલે ચેતવણી પૂરતી હોત. તમને જણાવી દઈએ કે, કોર્ટે તે કર્મચારીને ફરીથી નોકરી પર રાખવાનો આદેશ આપ્યો છે.

ઑનલાઇન શું ચર્ચા થઈ રહી છે

આ ઘટના પર ઓનલાઈન ઘણી પ્રતિક્રિયાઓ આવી રહી છે. ઘણા લોકોએ કહ્યું કે આ ઘટના બેંકની આંતરિક ખામીઓ દર્શાવે છે. બેંકના માત્ર સુપરવાઈઝરને ખોટો ગણાવવાના નિર્ણય પર પણ લોકોએ સવાલો ઉઠાવ્યા છે. તે જ સમયે, કેટલાક લોકોએ સુપરવાઇઝરને દોષ આપ્યો છે. તે કહે છે કે આ સુપરવાઈઝરનું કામ છે. અને તેઓએ તે બરાબર કરવું જોઈએ.