શા માટે પ્લેનને ફૂલ ટેંક સાથે લેન્ડ નથી કરી શકાતું? જાણો તેની પાછળનું કારણ

આજકાલ મોટાભાગના લોકો સમય બચાવવા માટે પ્લેનમાં જવાનું પસંદ કરે છે. આ સમય દરમિયાન તમે એરપોર્ટ પર ઘણી વાર જોયું હશે કે ટેકઓફ પહેલા ફ્લાઈટમાં ફયુલ ભરવામાં આવે છે. પરંતુ શું તમે જાણો છો કે ફ્લાઈટમાં ક્યારેય પણ વધારે ફયુલ ભરવામાં આવતું નથી. આ સિવાય પ્લેનને ક્યારેય ફૂલ ટેંક સાથે લેન્ડ નથી કરી શકાતું. શું તમે આની પાછળનું કારણ જાણો છો? જો નહીં, તો આજે અમે તમને આ વિશે જણાવીશું.

ફ્લાઈટમાં ફયુલ ટેંક

ફ્લાઈટમાં ફયુલ વિશે, એવિએશન એક્સપર્ટે જણાવ્યું હતું કે ફૂલ ટેંક સાથે પ્લેનને લેન્ડ ન કરવા પાછળનું મુખ્ય કારણ તેનું વજન છે. તેમણે કહ્યું કે દરેક પ્લેનનું મેક્સીમમ ટેકઓફ વેઇટ (MTOW) અને મેક્સીમમ લેન્ડિંગ વેઇટ (MLW) હોય છે. આ પ્લેનની ડિઝાઇન દ્વારા નક્કી કરવામાં આવે છે. ટેકઓફ વેઇટ તે મેક્સીમમ વજન છે જેના વડે પ્લેન સુરક્ષિત રીતે ટેકઓફ કરી શકે છે. જ્યારે લેન્ડિંગ વેઇટ તે વેઇટ છે જેના વડે પ્લેન સુરક્ષિત રીતે જમીન પર ઉતરી શકે છે.

લેન્ડિંગ દરમિયાન વધુ તણાવ

તમને જણાવી દઈએ કે સામાન્ય રીતે મેક્સીમમ લેન્ડિંગ વેઇટ મેક્સીમમ ટેકઓફ વેઇટ કરતા ઓછું હોય છે. કારણ કે એરોપ્લેન પર લેન્ડિંગ દરમિયાન વધુ પ્રેશર રહે છે. આ સમયગાળા દરમિયાન જો વજન વધારે હોય તો વિમાનને નુકસાન થઈ શકે છે. એટલું જ નહીં, તેની પાંખો વાંકી વળી શકે છે. આ સિવાય લેન્ડિંગ ગિયરને નુકસાન થઈ શકે છે. તે જ સમયે, વિમાનમાં ફયુલનું વજન ખૂબ વધારે હોય છે. બોઇંગમાં એક સમયે 1.30 લાખ લિટર ફયુલ ભરવામાં આવે છે. આ સિવાય જો તે આટલા વજન સાથે જમીન પર ઉતરશે તો ગુરુત્વાકર્ષણને કારણે તેનું વજન વધુ થઈ જશે. આ લેન્ડિંગ દરમિયાન વિમાન માટે ખૂબ જ ખતરનાક સાબિત થઈ શકે છે.

માહિતી અનુસાર, પ્લેનનું લેન્ડિંગ કરતી વખતે, પ્લેન કંટ્રોલિંગ યુનિટ સૌથી પહેલા ફ્યુલ, પેલોડ, હવામાન અને સ્ટોર્સ જેવા પરિબળોની ગણતરી કરે છે. આ પછી, કેટલીકવાર થોડું ફયુલ બાળી નાખવામાં આવે છે, જેથી વિમાનનું વજન MLW કરતા ઓછું થઈ જાય છે, જો કે કેટલીકવાર આ શક્ય નથી. આવી સ્થિતિમાં ફયુલ ડમ્પિંગ કરવામાં આવે છે. તમને જણાવી દઈએ કે ફ્યુલ ડમ્પિંગ એક એવી પ્રક્રિયા છે જેના દ્વારા પ્લેનમાંથી થોડું ફયુલ હવામાં છોડવામાં આવી છે. માહિતી અનુસાર, આ સામાન્ય રીતે મોટા પ્લેન દ્વારા કરવામાં આવે છે. આ સિવાય કોઈપણ રીતે નાના પ્લેનમાં ફયુલ ખૂબ જ ઓછું રાખવામાં આવે છે, જેથી આવી સ્થિતિ ઊભી ન થઈ શકે.