નથી બેઠા, નથી સૂતા! 12 વર્ષથી ઊભા રહીને તપસ્યા કરતા સાધુનો Video Viral
છેલ્લું અપડેટ : 19 Jun 2026
શું આજના સમયમાં કોઈ વ્યક્તિ સતત 12 વર્ષ સુધી ઊભા રહીને તપસ્યા કરી શકે? સોશિયલ મીડિયા પર વાયરલ થઈ રહેલા આ દ્રશ્યો તમને આશ્ચર્યમાં મૂકી દેશે! આ છે સાધુ 'દુલાલ ગિરી જી મહારાજ'. ભગવાન શિવની ભક્તિમાં લીન આ સાધુ વિશે એવો દાવો કરાઈ રહ્યો છે કે તેઓ છેલ્લા ૧૨ વર્ષથી નથી ક્યારેય બેઠા કે નથી ક્યારેય સૂતા! તેઓ છત પરથી લટકાવેલા એક લાકડાના પાટિયાનો સહારો લઈને જ આરામ કરે છે. સતત ઊભા રહેવાને કારણે તેમના પગમાં ભારે સોજા આવી ગયા છે. કેટલાક લોકો તેને અજોડ અગ્નિતપસ્યા અને અતૂટ આસ્થા કહી રહ્યા છે, તો કેટલાક લોકો સ્વાસ્થ્યને લઈને ચિંતા વ્યક્ત કરી રહ્યા છે. આ અદ્ભુત સાધના વિશે તમારું શું કહેવું છે?
આજથી હજારો વર્ષ પહેલાં સાધુઓની તપસ્યાની વાર્તાઓ તમે પણ સાંભળી જ હશે. એ પણ સાંભળ્યું હશે કે કેવી રીતે આ સાધુઓ વર્ષો સુધી તપસ્યા કરીને ભગવાનને પ્રસન્ન કરતા હતા અને અંતે તેમને ભગવાનના દર્શન પણ થતા હતા. પરંતુ જો તમને ખબર પડે કે આજના યુગમાં પણ એક એવી વ્યક્તિ છે જે ભગવાનને પ્રસન્ન કરવા માટે વર્ષોથી તપસ્યા કરી રહી છે, તો? આ સાધુ છેલ્લા 12 વર્ષથી નથી ક્યારેય બેઠી કે નથી ક્યારેય સૂતા, તે સતત ઊભા રહીને જ તપસ્યા કરી રહ્યા છે. આ ગાથા છે 'દુલાલ ગિરી જી મહારાજ’ નામના એક સાધુની.
વાસ્તવમાં છેલ્લા કેટલાક દિવસોથી આ સાધુની તસવીરો સોશિયલ મીડિયા પ્લેટફોર્મ પર ખૂબ વાયરલ થઈ રહી છે. વિડિયોમાં તેમની લાંબી જટાઓ અને સાધુ જેવો પહેરવેશ જોઈ શકાય છે. જ્યાં કેટલાક લોકો તેમની આ સાધના જોઈને આશ્ચર્યચકિત અને અચંબિત છે, તો બીજી તરફ કેટલાક લોકો તેમના શરીર અને પગની હાલત જોઈને ઊંડી ચિંતા પણ વ્યક્ત કરી રહ્યા છે.
શું છે દુલાલ ગિરી જી મહારાજની ગાથા?
મીડિયા અહેવાલો અનુસાર, દુલાલ ગિરી જી મહારાજે નાની ઉંમરે જ યુનિવર્સિટી છોડી દીધી હતી અને પોતાનું આખું જીવન ભગવાન શિવની આરાધનામાં સમર્પિત કરી દીધું હતું. એક રિપોર્ટ અનુસાર, તેઓ ત્યારથી સતત સાધના કરી રહ્યા છે. કેટલાક દાવાઓમાં કહેવામાં આવી રહ્યું છે કે તેઓ છેલ્લા ૫ વર્ષથી ઊભા છે, જ્યારે કેટલીક સોશિયલ મીડિયા પોસ્ટ્સમાં દાવો કરાઈ રહ્યો છે કે તેઓ છેલ્લા 12 વર્ષથી બેઠા નથી. (જોકે, સત્તાવાર રીતે આ દાવાઓની પુષ્ટિ થઈ નથી.)
વાયરલ તસવીરોમાં તેમના પગની સ્થિતિ ખૂબ જ ચિંતાજનક અને ભયાનક લાગી રહી છે. કદાચ સતત ઊભા રહેવાના કારણે પગમાં સોજા આવી ગયા છે અને તે કાળા પડી ગયા છે. વિડિયો ક્લિપ્સમાં જોઈ શકાય છે કે તેઓ પોતાના શરીરના ઉપરના ભાગને લાકડાના એક પાટિયાના સહારે ટેકવીને આરામ આપે છે. આ લાકડાનું પાટિયું છત પરથી લોખંડની સાંકળો દ્વારા લટકાવેલું છે. લોકોનું કહેવું છે કે તેઓ આ રીતે જ આરામ કરે છે. કેટલાક લોકો તેમના પગ પર મલમ લગાવતા પણ જોવા મળી રહ્યા છે.
