હવે લંકા પણ ભગવાન રામના સહારે, પ્રવાસીઓને આકર્ષવા અપનાવ્યો અનોખો રસ્તો
શ્રીલંકન એરલાઇન્સની નવીનતમ જાહેરાત આ દિવસોમાં ભારતમાં ચર્ચાનો વિષય બની છે. શ્રીલંકાના પ્રવાસનન
શ્રીલંકન એરલાઇન્સની નવીનતમ જાહેરાત આ દિવસોમાં ભારતમાં ચર્ચાનો વિષય બની છે. શ્રીલંકાના પ્રવાસનને પ્રોત્સાહન આપવા માટે એરલાઇન કંપનીએ ખૂબ જ રસપ્રદ રીતે રામાયણની મદદ લીધી છે. આ જાહેરાતમાં દેશના સમૃદ્ધ સાંસ્કૃતિક વારસાને રામાયણ દ્વારા દર્શાવવામાં આવ્યો છે.
આ પણ વાંચો : ઓ બાપ રે! વિશ્વનો સૌથી મોંઘો 23 કરોડનો પાડો, રોજ ખાય છે કાજુ-બદામ
એરલાઇનના આ પાંચ મિનિટના વીડિયોમાં શ્રીલંકાના તે સ્થાનોનો ઉલ્લેખ કરવામાં આવ્યો છે જે રામાયણમાં છે. ભારતમાં આ જાહેરાતની ખૂબ પ્રશંસા થઈ રહી છે. આ જાહેરાતમાં રાવણની ગુફા, સીતા અમ્માન મંદિર સહિત શ્રીલંકાના ઘણા મોટા પ્રવાસન સ્થળોનો સમાવેશ કરવામાં આવ્યો છે.
આ જાહેરાતની શરૂઆતમાં એક દાદી તેમના પૌત્રને શ્રીલંકાના પ્રવાસન સ્થળો વિશે જણાવે છે. તે તેને રામાયણમાં ઉલ્લેખિત સ્થળો વિશે કહે છે. જેમાં રાવણની ગુફા પણ છે, જ્યાં રાવણે સીતાનું અપહરણ કર્યા બાદ રાખ્યા હતા. સીતા અમ્માન મંદિર જે અશોક વાટિકા તરીકે ઓળખાય છે. તે અંગે પણ જણાવવામાં આવ્યું છે. આ સાથે રામ સેતુનો પણ ઉલ્લેખ કરવામાં આવ્યો છે. રામાયણની કથા અનુસાર ભગવાન રામે વાનર સેનાની મદદથી આ પુલ તૈયાર કરાવ્યો હતો.
જાહેરાતના એક દ્રશ્યમાં બાળક તેની દાદીને પૂછે છે કે શું આ પુલ હજુ પણ છે? અને દાદી જવાબ આપે છે કે હા, તમે આજે પણ જોઈ શકો છો. તે કહે છે કે રામાયણમાં બતાવેલ તમામ સ્થાનો વાસ્તવિક છે. આજે આપણે લંકાને શ્રીલંકા તરીકે જાણીએ છીએ.
એવું કહેવામાં આવી રહ્યું છે કે ભારતીય પ્રવાસીઓ અને રામ ભક્તોને આકર્ષવાના ઉદ્દેશ્યથી આ જાહેરાત તૈયાર કરવામાં આવી છે.
સોશિયલ મીડિયા યુઝરે શું કહ્યું
આ જાહેરાતના જવાબમાં ભારતના એક સોશિયલ મીડિયા યુઝરે કહ્યું કે હું આવતા વર્ષે મારા મિત્રો સાથે ટોક્યો જવાની યોજના બનાવી રહ્યો હતો. પરંતુ આ જાહેરાતે હવે મને શ્રીલંકા જવાનું મન બનાવવા ફરજ પાડી છે. મને ખબર ન હતી કે શ્રીલંકાએ આજ સુધી આ ઐતિહાસિક સ્થળોને સાચવી રાખ્યા છે.
અન્ય એક ભારતીય સોશિયલ મીડિયા યુઝર મનજીત દાસે આ જાહેરાતની પ્રશંસા કરી અને કહ્યું કે આજે પણ રામાયણની ભાવનાને જીવંત રાખવા માટે શ્રીલંકાનો આભાર.
