લાઇવ દરમિયાન બ્યુટી ફિલ્ટર હટતા ઇન્ફ્લુએન્સરનો અસલી ચહેરો દેખાયો, જાણો પછી શું થયું
એલ્ગોરિધમના યુગમાં, જ્યાં ભૂલો માટે અવકાશ ઓછો થતો જાય છે, ત્યાં ફિલ્ટર વગરની એક
એલ્ગોરિધમના યુગમાં, જ્યાં ભૂલો માટે અવકાશ ઓછો થતો જાય છે, ત્યાં ફિલ્ટર વગરની એક ઝલક પણ ચોંકાવનારી લાગી શકે છે. એક ચીની કન્ટેન્ટ ક્રિએટરે આ વાત ત્યારે અનુભવી, જ્યારે તેના લાઇવ બ્રોડકાસ્ટ દરમિયાન બ્યુટી ફિલ્ટરે અચાનક કામ કરવાનું બંધ કરી દીધું.
આ ક્ષણની ક્લિપ્સ સોશિયલ મીડિયા પર વાયરલ થઈ ગઈ છે અને ડિજિટલ બ્યુટી સ્ટાન્ડર્ડ્સ તેમજ ઓનલાઇન પરફોર્મન્સના દબાણ પર નવી ચર્ચા શરૂ થઈ છે. વીડિયોમાં ઇન્ફ્લુએન્સર એક સામાન્ય લાઈવ સેશન હોસ્ટ કરતી જોવા મળે છે. બધું સામાન્ય ચાલી રહ્યું હોય છે, ત્યાં જ અચાનક ફિલ્ટર હટી જાય છે. વ્યુઅર્સને આ ફેરફાર સ્પષ્ટ દેખાય છે. સ્મૂધ અને પોર્સિલીન જેવી ત્વચાની જગ્યાએ ચહેરાની કુદરતી બનાવટ દેખાવા લાગે છે. રંગત થોડી ઓછી દેખાય છે, આંખો પહેલા કરતા નાની અને જૉલાઇન (Jawline) થોડી સોફ્ટ લાગે છે. ચહેરો હવે તે સ્ટાઇલાઇઝ્ડ, ડોલ (ઢીંગલી) જેવા રૂપ કરતા વધુ વાસ્તવિક લાગે છે, જેને દર્શકો જોઈ રહ્યા હતા.
ગણતરીની સેકન્ડોમાં ફિલ્ટર ફરી સક્રિય થઈ જાય છે અને આંખો ફરી મોટી દેખાવા લાગે છે, ચહેરાની બનાવટ નિખરી જાય છે અને હળવી ચમક પાછી આવી જાય છે. આ દરમિયાન મહિલા સંપૂર્ણપણે સંયમિત રહે છે. તે પોતાના વાળ ઠીક કરે છે, કેમેરા તરફ સ્મિત આપે છે અને જાણે કંઈ થયું જ ન હોય તેમ આગળ વધે છે.
સોશિયલ મીડિયા પ્લેટફોર્મ X અને Instagram પર પ્રસારિત પોસ્ટ્સમાં દાવો કરવામાં આવ્યો હતો કે આ ગરબડના તરત જ બાદ તેણે લગભગ 1.4 લાખ ફોલોઅર્સ ગુમાવ્યા. જોકે આ સંખ્યાની સ્વતંત્ર રીતે પુષ્ટિ થઈ નથી, પરંતુ આ દાવો ઝડપથી ફેલાઈ રહ્યો છે અને વિવાદને વધુ વધારી રહ્યો છે.
આ ઘટનાએ ચીનની ઝડપથી વધતી જતી લાઈવસ્ટ્રીમિંગ ઈન્ડસ્ટ્રીમાં બ્યુટી ફિલ્ટર્સના વ્યાપક ઉપયોગ પર ફરીથી ચર્ચા છેડી દીધી છે. ઘણા ક્રિએટર્સ Douyin જેવા પ્લેટફોર્મ પર કલાકો સુધી લાઈવ રહે છે, જ્યાં તેઓ દર્શકો સાથે વાતચીત કરે છે, પર્ફોર્મ કરે છે અથવા પ્રોડક્ટ્સનો પ્રચાર કરે છે.
આ ડિજિટલ સ્પેસ અત્યંત સ્પર્ધાત્મક છે. આંખો મોટી બતાવવી, સ્કીનને સ્મૂધ કરવી અને ચહેરાના આકારને વધુ શાર્પ કરતા ફિલ્ટર્સ સામાન્ય સાધનો બની ગયા છે અને ઘણીવાર એન્ગેજમેન્ટ મેળવવા માટે જરૂરી માનવામાં આવે છે.
લોકોએ શું કહ્યું?
આ ઘટના માત્ર એક ટેકનિકલ ખામી નથી, પરંતુ ઓનલાઇન દુનિયામાં પરફેક્શનના દબાણની ઝલક પણ છે. એક નાનકડી ભૂલે ડિજિટલ છબી અને વાસ્તવિકતા વચ્ચેના તફાવતને સામે લાવી દીધો, અને આ જ કારણ છે કે આ વીડિયો આટલી ઝડપથી ચર્ચાનો વિષય બન્યો.
સોશિયલ મીડિયા પર આ વાયરલ વીડિયોમાં અનેક કોમેન્ટ્સ આવી, જેમાં કોઈએ કહ્યું કે, "બ્યુટી ફિલ્ટર્સના આવા ઉપયોગને ગુનો જાહેર કરી દેવો જોઈએ. તો કોઈએ કહ્યું કે, "મહિલાનો રિયલ ફોટો ફિલ્ટર વાળા ફોટા કરતા વધુ સુંદર છે, તેણે પોતાની જાત પર વિશ્વાસ રાખવો જોઈએ. તો કોઈએ બ્યુટી સ્ટાન્ડર્ડ્સને બદલે પોતાની જાતને સુંદર સમજવાની વાત કરી.
