ગર્લફ્રેન્ડ સાથે OYO હોટેલમાં જતાં સાવધાન! આ ઘટના જાણી ચોંકી જશો 

ઓયો રૂમને લઈ તેલંગાણાના હૈદરાબાદથી આવા સમાચાર સામે આવ્યા છે, જે જાણીને તમારા હોશ ઉડી જશે. શમશાબાદ સ્થિત ઓયો હોટલમાં દરેક રૂમ અને ટોયલેટની અંદર ગુપ્ત કેમેરા લગાવવામાં આવ્યા હતા. જ્યારે પણ કોઈ કપલ અહીં રહેવા માટે આવતું ત્યારે હોટેલ સ્ટાફ તેમની અંગત પળોને કેમેરામાં કેદ કરી લેતો. ત્યારબાદ તેઓ વીડીયો અને ફોટોગ્રાફ દ્વારા કપલને બ્લેકમેલ કરતા અને તેમની પાસેથી મોટી રકમ પડાવી લેતા હતા.

આ ક્રમ ઘણા સમયથી ચાલતો હતો. સમાજમાં અને ઘરે ખબર પડી જવાના ડર વિશે વિચારીને, કપલ્સ હોટેલીયર્સને મોટી રકમ પણ ચૂકવતા હતા. જેથી તેઓ તેમના વીડિયો અને ફોટા લીક ન કરે. પરંતુ આ વખતે હોટલ માલિકોનું નસીબ ખરાબ હતું. આ વખતે અહીં રોકાવા આવેલા કપલની અંગત પળોને પણ હોટલના સ્ટાફે કેમેરામાં કેદ કરી હતી.

જેવુ કપલ ચેક આઉટ થયું અને બહાર નીકળ્યું, હોટેલ સ્ટાફે તેમના ફોન પર તેમના ખાનગી વીડિયો અને ફોટા મોકલ્યા. પછી  પૈસાની માંગણી કરી, સાથે પૈસા નહીં આપવા પર ઘરે કહી દઈશ તેવી ધમકી આપી હતી. આ બધું જોઈને કપલ ડરી ગયું. તેમના પગ નીચેથી જમીન સરકી ગઈ. પહેલા તેમણે હોટલ સ્ટાફને આ ફોટા અને વીડિયો ડિલીટ કરવા વિનંતી કરી. જ્યારે હોટેલ સ્ટાફ સહમત ન થયો, ત્યારે દંપતીએ તેમને પૂછ્યું કે તમે આ કેવી રીતે કરી શકો? આવું કરવું ગુનો છે. અમે અહીં અમારી પોતાની મરજીથી હોટેલમાં આવ્યા છીએ. રૂમની અંદર કેમેરા મૂકીને તમે અમારી ખાનગી પળો કેવી રીતે કેપ્ચર કરી?

હોટેલ મેનેજરે શું કહ્યું?

આ અંગે હોટલના મેનેજરે કહ્યું કે અમને આ બધું ખબર નથી. જો તમે પૈસા નહીં ચૂકવો તો તમારા વીડિયો અને ફોટા તમારા પરિવારના સભ્યો અને સોશિયલ મીડિયા પર વાયરલ કરવામાં આવશે. ત્યારબાદ દંપતીએ નક્કી કર્યું કે તેઓ પોલીસને જાણ કરશે. હોટલના મેનેજરે વિચાર્યું કે કપલ પૈસા ચૂકવશે, પરંતુ થયું તેનાથી વિપરીત.

દરોડો પાડીને આરોપી મેનેજરની ધરપકડ કરી હતી

દંપતી સીધા પોલીસ સ્ટેશન ગયા. અહીં દંપતીએ હોટલ મેનેજર વિરુદ્ધ પોલીસ સ્ટેશનમાં કેસ નોંધાવ્યો હતો. પોલીસે દંપતીની ફરિયાદ પર તાત્કાલિક કાર્યવાહી કરી હતી. હોટલ પર અચાનક દરોડો પાડ્યો હતો. અહીં પોલીસને ઘણા રૂમમાંથી સીસીટીવી કેમેરા મળ્યા, જે ગુપ્ત રીતે લગાવવામાં આવ્યા હતા. પોલીસે તરત જ હોટલ મેનેજરની ધરપકડ કરી હતી. આરોપીની ઓળખ ઓંગોલના રહેવાસી ગણેશ તરીકે થઈ છે. રાજીવ ગાંધી ઈન્ટરનેશનલ એરપોર્ટ પોલીસે તેની પાસેથી ઘણા અશ્લીલ વીડિયો પણ કબજે કર્યા છે. હાલ આ કેસમાં આગળની કાર્યવાહી ચાલી રહી છે.