27 વર્ષ પછી ખબર પડી કે દીકરી ખરેખર એક છોકરો છે, સત્ય જાણીને દંગ રહી ગયા તેના માતા-પિતા

27 વર્ષની છોકરીના માતા-પિતા ચોંકી ગયા જ્યારે ડોક્ટરોએ તેમને કહ્યું કે તેમની દીકરી ખરેખર એક છોકરો છે. યુવતી મેડિકલ ચેકઅપ માટે હોસ્પિટલમાં ગઈ હતી ત્યારે આ ચોંકાવનારો ખુલાસો સામે આવ્યો હતો. ડોક્ટરોએ જણાવ્યું કે તેના પેટમાં ટેસ્ટીકલ્સ મળી આવ્યા છે. જેનો અર્થ છે કે તે જૈવિક રીતે પુરૂષ છે. આ ઘટસ્ફોટથી પુત્રી ચોંકી ગઈ, કારણ કે બાળપણથી લઈને અત્યાર સુધી તે આટલા વર્ષો એક છોકરી તરીકે જીવી છે. તે ટૂંક સમયમાં લગ્ન કરવા જઈ રહી છે.

આ ચોંકાવનારો મામલો ચીનના હુબેઈ પ્રાંતનો છે. લી યુઆન (નામ બદલ્યું છે) ના પેટમાં મળેલા ટેસ્ટીકલ્સ વાસ્તવમાં પુરૂષ હોર્મોન્સ છે અને શુક્રાણુ ઉત્પન્ન કરવામાં મદદ કરે છે. જો કે, એક હકીકત એ પણ છે કે અન્ય છોકરીઓની જેમ લીને ક્યારેય પીરિયડ્સ નહોતા આવ્યા અને ન તો બ્રેસ્ટ ડેવલપ થઈ.

દીકરીના ટૂંક સમયમાં લગ્ન થવાના હોવાથી માતા-પિતાએ તેનું મેડિકલ કરાવવાનું નક્કી કર્યું. પરંતુ તેમને ખબર ન હતી કે રિપોર્ટ તેમના જીવનમાં ઉથલપાથલ મચાવી દેશે. હવે તમે વિચારતા હશો કે માતા-પિતાને આટલા વર્ષો સુધી ખબર કેવી રીતે ન પડી.

પરિવારના સભ્યોએ આ ભૂલ કરી હતી

વાસ્તવમાં, જ્યારે લી 18 વર્ષની હતી, ત્યારે તેણે હોસ્પિટલમાં પોતાની તપાસ કરાવી હતી. ત્યારબાદ ડોક્ટરોએ તેના માતા-પિતાને કહ્યું કે તે ઓવેરિયન ફેલ્યર અને અસામાન્ય હોર્મોન સ્તરોથી પીડાઈ રહી છે. ડોક્ટરોએ તેને કેટલાક ટેસ્ટ કરાવવા માટે પણ કહ્યું હતું, પરંતુ તેના પરિવારે આ વાતને ગંભીરતાથી ન લીધી. હવે જ્યારે તે લગ્ન કરવા જઈ રહી હતી ત્યારે તેણે ફરીથી ટેસ્ટ કરાવવાનું નક્કી કર્યું અને પરિણામોએ બધાને ચોંકાવી દીધા.

આવું 50 હજારમાંથી એકને થાય છે

ગાયનેકોલોજિસ્ટે કહ્યું કે, લી એક છોકરી જેવી દેખાતી હોવા છતાં તેનામાં પુરૂષ જેવા રંગસૂત્રો છે. તે કોન્જેનિટલ એડ્રેનલ હાઈપરપ્લાસિયા (CAH) થી પીડિત છે. જ્યારે લીને આ સત્યની જાણ થઈ ત્યારે તે દંગ રહી ગઈ હતી. કારણ કે, જન્મથી જ તે છોકરી તરીકે જીવન જીવી રહી હતી. ડોક્ટરના મતે, આવું 50,000માંથી એકને થાય છે.