છૂટાછેડાની અફવાઓ વચ્ચે 'બિગ બોસ'ના સેટ પર પહોંચ્યો યુઝવેન્દ્ર ચહલ, શ્રેયસ ઐયર પણ સાથે જોવા મળ્યો

ભારતીય ક્રિકેટર યુઝવેન્દ્ર ચહલ આ દિવસોમાં સમાચારમાં છે. ચહલ અને તેની પત્ની ધનશ્રી વર્માએ અલગ થવાનો નિર્ણય લીધો છે, તેવા સમાચારે સોશિયલ મીડિયા પર હલચલ મચાવી દીધી છે. દરમિયાન, ભારતીય ક્રિકેટ ટીમનો લેગ-સ્પિનર '​​બિગ બોસ 18'ના સેટ પર સાથી ભારતીય ક્રિકેટર શ્રેયસ ઐયર અને પંજાબ કિંગ્સના બેટ્સમેન શશાંક સિંહ સાથે જોવા મળ્યો હતો.

આ પણ વાંચો: 'માફ કરશો આ...' યુઝવેન્દ્ર ચહલ સાથેના અફેરની અફવાઓ પર આરજે મહવશે તોડ્યું મૌન

આ ત્રણેયને જોઈને ફેન્સ ખૂબ જ ઉત્સાહિત થઈ ગયા અને વિચારવા લાગ્યા કે શું તેઓ સલમાન ખાનના આ શોમાં ભાગ લેવાના છે? જોકે, શોમાં જવા પાછળનું ચોક્કસ કારણ હજુ સુધી નથી જાણી શકાયું. સોશિયલ મીડિયા પર વાયરલ થઈ રહેલા આ ફોટા દ્વારા સમજી શકાય છે કે તે ત્રણેય 'બિગ બોસ'ના સેટ પર પહોંચ્યા હતા. એવું પણ જાણવા મળ્યું છે કે ત્રણેય આગામી વીકેન્ડ કા વોર સ્પેશિયલ એપિસોડમાં જોવા મળી શકે છે.

ઐયરને ટીમ ઈન્ડિયામાં સ્થાન મળી શકે છે

શ્રેયસ ઐયરે તાજેતરમાં વિજય હજારે ટ્રોફી અને સૈયદ અલી મુશ્તાક ટ્રોફીમાં શાનદાર પ્રદર્શન કર્યું છે. જો અહેવાલો પર વિશ્વાસ કરવામાં આવે તો, ચેમ્પિયન્સ ટ્રોફીમાં ચોથા નંબરે રમવા માટે તે સિલેક્ટર્સની પહેલી પસંદગી હોઈ શકે છે. ટીમની જાહેરાત 12 જાન્યુઆરી સુધીમાં થવાની હતી પરંતુ BCCIએ તારીખ મુલતવી રાખી છે. એવું કહેવામાં આવી રહ્યું છે કે ટીમની જાહેરાત 18-19 જાન્યુઆરીએ થઈ શકે છે.

છૂટાછેડાની અફવાઓ વચ્ચે ધનશ્રીની પ્રતિક્રિયા

છૂટાછેડાની અફવાઓ વચ્ચે સોશિયલ મીડિયા પર તેના વિરુદ્ધ થઈ રહેલી ટિપ્પણીઓથી ધનશ્રી ખુશ નથી. તેણે તાજેતરમાં સોશિયલ મીડિયા પર લખ્યું હતું, 'છેલ્લા કેટલાક દિવસો મારા અને મારા પરિવાર માટે સારા નથી રહ્યા. આ ચિંતાજનક છે. મારા ચરિત્ર પર સવાલ ઉઠાવવામાં આવી રહ્યા છે. તેને ખરાબ રીતે રજૂ કરવામાં આવી રહ્યું છે.'