'માફ કરશો આ...' યુઝવેન્દ્ર ચહલ સાથેના અફેરની અફવાઓ પર આરજે મહવશે તોડ્યું મૌન

હાલમાં, ક્રિકેટ અને મનોરંજનની દુનિયામાં, એક કપલના અલગ થવાની ચર્ચા છે. આ કપલ છે 'ઝલક દિખલા જા' ફેમ ધનશ્રી વર્મા અને ક્રિકેટર યુઝવેન્દ્ર ચહલ. વર્ષ 2020માં, બંનેએ ખૂબ જ ધામધૂમથી લગ્ન કર્યા. પરંતુ માત્ર ચાર વર્ષ પછી, તેમના અલગ થવાના સમાચાર હેડલાઈન્સમાં આવી રહ્યા છે.

આ પણ વાંચો: Box Office Collection / રિલીઝ થતા જ છવાઈ ગઈ રામ ચરણની 'ગેમ ચેન્જર', ઓપનિંગ ડે પર છાપ્યા કરોડો

ધનશ્રી વર્મા અને યુઝવેન્દ્ર ચહલના અલગ થવાની અફવાઓ વચ્ચે, સોશિયલ મીડિયા પર વિવિધ અટકળો લગાવવામાં આવી રહી છે. કેટલાક લોકો ધનશ્રીનું નામ કોઈ બીજા સાથે જોડી રહ્યા હતા અને હવે યુઝવેન્દ્ર ચહલના અફેરની અફવાઓ પણ ઉડવા લાગી છે. યુઝવેન્દ્ર 2024 નાતાલની પાર્ટીમાં આરજે મહવશ સાથે જોવા મળ્યો હતો. ફોટો વાયરલ થતાં જ તેનું નામ તેની સાથે જોડાવા લાગ્યું.

મહવશે યુઝવેન્દ્ર ચહલ સાથે ડેટિંગ પર વાત કરી

હવે આરજે મહવશે યુઝવેન્દ્ર ચહલ સાથે પોતાનું નામ જોડાયા બાદ પ્રતિક્રિયા આપી છે. તેણે ઇન્સ્ટાગ્રામ પર સ્ટોરી શેર કરીને અફવાઓ પર પૂર્ણવિરામ લગાવી દીધું છે. આરજે મહવશે લખ્યું, "ઈન્ટરનેટ પર કેટલાક લેખો અને અટકળો વાયરલ થઈ રહી છે. આ અફવાઓ કેટલી પાયાવિહોણી છે. જો તમને કોઈ ઓપોઝીટ જેન્ડરની વ્યક્તિ સાથે જોવામાં આવે છે, તો શું તેનો અર્થ એ છે કે તમે તેનેડેટ કરી રહ્યાછો? માફ કરશો, આ કયું વર્ષ છે? અને તમે બધા કેટલા લોકોને ડેટ કરી રહ્યા છો?"

ચહલ સાથે ક્રિસમસ પાર્ટી કરી

Instagram પર જુઓ

25 ડિસેમ્બરના રોજ, આરજે મહવશે તેના ઇન્સ્ટાગ્રામ એકાઉન્ટ પર ક્રિસમસની પાર્ટીના ફોટા શેર કર્યા હતા. એક ફોટામાં, તે ચહલ સહિત કેટલાક મિત્રો સાથે ડાઈનીંગ ટેબલ પર બેઠેલી જોવા મળે છે. ફોટામાં, ચહલ મહવશની બાજુમાં બેઠો હતો. આ દરમિયાન તેણે બ્રાઉન જેકેટ પહેર્યું હતું અને મહવશે લાલ સ્વેટરમાં જોવા મળી હતી. ચહલના અલગ થવાની અફવાઓ સામે આવતાની સાથે જ આ તસવીરો વાયરલ થઈ ગઈ. લોકો અનુમાન કરવા લાગ્યા કે તેમની વચ્ચે કંઈક ચાલી રહ્યું છે. યુઝવેન્દ્ર ચહલ અને ધનશ્રી વર્માએ હજુ સુધી તેમના છૂટાછેડાના સમાચારની પુષ્ટિ નથી કરી અને ન તો તેમણે આ સમાચારોને નકારી કાઢ્યા છે.