WPL Mega Auction / કઈ ટીમ પાસે છે કેટલા પૈસા, ક્યારે અને ક્યાં લાઈવ જોઈ શકશો ઓક્શન? અહીં જાણો વિગતો

વિમેન્સ વર્લ્ડ કપ 2025 જીત્યા પછી વિમેન્સ ક્રિકેટની લોકપ્રિયતા આસમાને પહોંચી ગઈ છે. આ વધતા ક્રેઝ વચ્ચે, વિમેન્સ ક્રિકેટ ફેન્સનું ધ્યાન હવે WPL 2026 મેગા ઓક્શન તરફ છે. 27 નવેમ્બરે દિલ્હીમાં યોજાનારું આ મેગા ઓક્શન ફક્ત ટીમોની વ્યૂહરચનાઓનું કેન્દ્ર જ નહીં, પરંતુ લાખો ફેન્સની નજર પણ તેના પર છે.

આ વખતે, ઓક્શનમાં 277 ખેલાડીઓ ભાગ લઈ રહી છે, જેમાં 194 ભારતીય અને 83 વિદેશી ખેલાડીઓનો સમાવેશ થાય છે. જોકે, તેમાંથી ફક્ત 73 ખેલાડીઓ જ અલગ અલગ ટીમોમાં સ્થાન મેળવી શકશે. તેથી, આજનું ઓક્શન રોમાંચક બનવાનું છે. ચાલો તમને આ મેગા ઓક્શન પહેલા તેને સંબંધિત દરેક વિગતો જણાવીએ.

દરેક ટીમ પાસે કેટલા પૈસા બાકી છે?

ઓક્શન પહેલા ટીમોના પર્સની સ્થિતિ આવી છે.

• યુપી વોરિયર્સ - 14.5 કરોડ રૂપિયા (સૌથી વધુ)
• ગુજરાત જાયન્ટ્સ - 9 કરોડ રૂપિયા
• રોયલ ચેલેન્જર્સ બેંગલુરુ - 6.15 કરોડ રૂપિયા
• મુંબઈ ઈન્ડિયન્સ - 5.75 કરોડ રૂપિયા
• દિલ્હી કેપિટલ્સ - 5.70 કરોડ રૂપિયા

આનો અર્થ એ છે કે યુપીની ટીમ સૌથી વધુ ખર્ચ કરી શકે છે, જ્યારે મુંબઈ અને દિલ્હીની ટીમોએ વધુ કાળજીપૂર્વક ખરીદી કરવી પડશે.

દરેક ટીમ કેટલા ખેલાડીઓ ખરીદી શકે છે?

દરેક ટીમે 18 ખેલાડીઓની સ્કવોડ બનાવવી પડશે. તેના આધારે દરેક ટીમની ખરીદીની આવશ્યકતાઓ નીચે મુજબ છે.

• યુપી વોરિયર્સ - 17 ખેલાડીઓ (સૌથી વધુ)
• ગુજરાત જાયન્ટ્સ - 16 ખેલાડીઓ
• રોયલ ચેલેન્જર્સ બેંગલુરુ - 14 ખેલાડીઓ
• મુંબઈ ઇન્ડિયન્સ - 13 ખેલાડીઓ
• દિલ્હી કેપિટલ્સ - 13 ખેલાડીઓ

યુપી અને ગુજરાત પાસે તેમના ટેબલ પર સૌથી વધુ કામ છે. દરમિયાન, મુંબઈ, દિલ્હી અને બેંગલુરુએ સંતુલન જાળવવા માટે સ્માર્ટ બિડિંગ કરવી પડશે.

પહેલીવાર RTM કાર્ડનો ઉપયોગ થશે

આ વર્ષના ઓક્શનમાં સૌથી મોટો ટ્વિસ્ટ RTM (રાઈટ ટુ મેચ)  કાર્ડ નો ઉપયોગ છે. જે ટીમોએ ઓછા ખેલાડીઓને રિટેન કર્યા છે તેમને વધુ RTM મળ્યા છે.

• યુપી વોરિયર્સ - 4 RTM (સૌથી વધુ)
• ગુજરાત જાયન્ટ્સ - 3 RTM
• રોયલ ચેલેન્જર્સ બેંગલુરુ - 1 RTM
• મુંબઈ ઇન્ડિયન્સ - 0
• દિલ્હી કેપિટલ્સ - 0

યુપી પાસે તેના મનપસંદ ખેલાડીઓને પાછા લાવવાની એક સારી તક છે.

WPL ઓક્શન ક્યારે અને ક્યાં થશે?

WPL 2026 મેગા ઓક્શન આજે એટલે કે 27 નવેમ્બરે દિલ્હીમાં થશે. જેમાં ખેલાડીઓ પર બિડિંગ બપોરે 3:30 વાગ્યે શરૂ થશે.

લાઇવ સ્ટ્રીમિંગ ક્યાં જોવું?

• ટીવી પર: સ્ટાર સ્પોર્ટ્સ ચેનલ
• મોબાઇલ પર: JioHotstar એપ

કવરેજ બપોરે 2:30 વાગ્યે શરૂ થશે.