IND vs SA / ODI સિરીઝમાંથી પણ બહાર થશે શુભમન ગિલ! તેની જગ્યાએ કોણ સંભાળશે ટીમ ઈન્ડિયાની કમાન?

ભારત અને સાઉથ આફ્રિકા વચ્ચે ટેસ્ટ સિરીઝ પછી ODI અને T20I સિરીઝ પણ રમાશે. ODI સિરીઝ 30 નવેમ્બરથી શરૂ થવાની છે, જ્યારે T20I સિરીઝ 9 ડિસેમ્બરથી શરૂ થશે. ODI અને T20I સિરીઝ માટે સાઉથ આફ્રિકાની સ્કવોડની જાહેરાત કરવામાં આવી છે, પરંતુ ભારતની સ્કવોડની જાહેરાત નથી થઈ. વ્હાઈટ બોલ સિરીઝ માટે ટીમ ઈન્ડિયાની પસંદગી ગુવાહાટી ટેસ્ટના બીજા દિવસ (23 નવેમ્બર) પછી થવાની ધારણા છે. ચીફ સિલેક્ટર અજિત અગરકર, સિલેક્ટર આરપી સિંહ અને દેવજીત સૈકિયા ગુવાહાટીમાં છે.

આ પણ વાંચો :

માહિકા શર્માએ હાર્દિક પંડ્યા સાથે સગાઈની ચર્ચા પર તોડ્યું મૌન, સોશિયલ મીડિયા પર લખ્યું- 'હું દરરોજ...'

AUS vs ENG / માત્ર બે દિવસમાં પહેલી ટેસ્ટ જીતી ગઈ ઓસ્ટ્રેલિયન ટીમ, ટ્રેવિસ હેડે ફટકારી તોફાની સદી

ટીમ ઈન્ડિયાની પસંદગી સિલેક્ટર્સ માટે સરળ નહીં હોય, કારણ કે ઘણા સિનિયર ખેલાડીઓ ઉપલબ્ધ નથી. હાર્દિક પંડ્યા હજુ પણ ફિટ નથી, જ્યારે ODI વાઈસ-કેપ્ટન શ્રેયસ અય્યર ઈજામાંથી સ્વસ્થ થઈ રહ્યો છે અને ઓછામાં ઓછા બે મહિના સુધી ક્રિકેટથી દૂર રહેશે. કેપ્ટન શુભમન ગિલ પણ સાઉથ આફ્રિકા સામેની ODI સિરીઝ ગુમાવી શકે છે. T20 સિરીઝમાં તેની ભાગીદારી પણ અનિશ્ચિત છે. કોલકાતા ટેસ્ટ મેચ દરમિયાન શુભમનને ગરદનમાં ઈજા થઈ હતી.

ડોક્ટરે શુભમન ગિલને હાલ આરામ કરવાની સલાહ આપી છે. જો શુભમન ODI સિરીઝમાંથી બહાર થઈ જાય છે, તો કેએલ રાહુલ ટીમ ઈન્ડિયાની કમાન સંભાળી શકે છે. અક્ષર પટેલ અને રિષભ પંત પણ દાવેદાર છે, પરંતુ સિલેક્ટર્સ રાહુલ પર વિશ્વાસ બતાવી શકે છે. અનુભવી બેટ્સમેન રોહિત શર્મા પણ આ ભૂમિકા નિભાવી શકે છે, પરંતુ અંતિમ નિર્ણય સિલેક્ટર્સે જ લેવાનો છે.

આ પણ વાંચો :

ઓસ્ટ્રેલિયન ઓપનની ફાઈનલમાં પહોંચ્યો લક્ષ્ય સેન, સેમીફાઈનલમાં વિશ્વના નંબર 6ના ખેલાડીને હરાવ્યો

ટેનિસ પ્રીમિયર લીગની 'રેસ ટુ ગોલ્ડ ગુજરાત માસ્ટર્સ'નું અમદાવાદમાં આયોજન 

કિંગ કોહલી ODI સિરીઝમાં રમશે

ઓસ્ટ્રેલિયા પ્રવાસ પહેલા, રોહિત શર્મા પાસેથી ODI કેપ્ટનશિપ છીનવી લેવામાં આવી હતી, અને શુભમન ગિલ નવો કેપ્ટન બન્યો હતો. વિરાટ કોહલી અને રોહિત શર્મા ODI ટીમમાં સામેલ હશે તે લગભગ નિશ્ચિત  છે. રિષભ પંત ટીમમાં બીજો વિકેટકીપર હોઈ શકે છે, આ સિવાય અર્શદીપ સિંહ, હર્ષિત રાણા અને મોહમ્મદ સિરાજ પેસ એટેકનો ભાગ હોવાની શક્યતા છે. ODI સિરીઝમાં જસપ્રીત બુમરાહની ભાગીદારી તેના વર્કલોડ મેનેજમેન્ટ પર નિર્ભર રહેશે.

T20I સ્કવોડમાં મોટાભાગે કોઈ ફેરફાર નહીં થાય અને તે ઓસ્ટ્રેલિયા સિરીઝ જેવી જ રહેવાની શક્યતા છે. સૂર્યકુમાર યાદવ કેપ્ટન રહેશે. સંજુ સેમસન અને જિતેશ શર્માને વિકેટકીપર તરીકે T20I સ્કવોડમાં સામેલ કરી શકાય છે. જો શુભમન ગિલ T20 સિરીઝ માટે ફિટ નહીં હોય, તો યશસ્વી જયસ્વાલને તક આપવામાં આવી શકે છે. આવી સ્થિતિમાં, સંજુ સેમસનને ઈનિંગ ઓપનિંગ કરવાની તક મળી શકે છે.

ભારત-સાઉથ આફ્રિકાની વ્હાઈટ બોલ સિરીઝનું શેડ્યૂલ

• પ્રથમ ODI - 30 નવેમ્બર, રાંચી
• બીજી ODI - 3 ડિસેમ્બર, રાયપુર
• ત્રીજી ODI - 6 ડિસેમ્બર, વિશાખાપટ્ટનમ
• પ્રથમ T20I - 9 ડિસેમ્બર, કટક
• બીજી T20I - 11 ડિસેમ્બર, મુલ્લાનપુર
• ત્રીજી T20I - 14 ડિસેમ્બર, ધર્મશાલા
• ચોથી T20I - 17 ડિસેમ્બર, લખનૌ
• પાંચમી T20I - 19 ડિસેમ્બર, અમદાવાદ