Vijay Hazare Trophy: વિરાટ કોહલી ફરી છવાયો, ગુજરાત સામે રમી 61 બોલમાં 77 રનની ઈનિંગ

ભારતીય ટીમનો સુપરસ્ટાર ખેલાડી વિરાટ કોહલી આજે ફરી વિજય હઝારે ટ્રોફીમાં છવાયો હતો. આજે બેંગલુરુમાં ગુજરાત અને દિલ્હી વચ્ચે મેચ રમાઈ હતી. જેમાં દિલ્હી તરફથી રમતો વિરાટ કોહલી સદી ચૂક્યો હતો. 

આ પણ વાંચો :

આ સ્ટાર ખેલાડી ભારતીય ટીમમાં કરી શકે છે વાપસી, સાજો થયા બાદ મુંબઈમાં કરી રહ્યો છે પ્રેક્ટિસ

માત્ર 14 વર્ષની ઉંમરે વૈભવ સૂર્યવંશીએ જીત્યું ભારતનું દિલ! રાષ્ટ્રપતિ દ્રૌપદી મુર્મૂના હસ્તે કરાયું ખાસ સન્માન

વિરાટ કોહલીની તાબડતોબ બેટિંગ 

આજની મેચમાં વિરાટ કોહલીએ ગુજરાત વિરુદ્ધ 61 બોલમાં 77 રન ફટકાર્યા હતા. તેની ઈનિંગમાં 13 ચોગ્ગા અને 1 છગ્ગો સામેલ હતો. જોકે, વિશાલ જયસ્વાલની ઓવરમાં ઉર્વિલ પટેલે સ્ટંપિંગ કરી વિરાટને આઉટ કર્યો. વિરાટ ક્રિઝ પર આવ્યો ત્યારે દિલ્હીનો સ્કોર માત્ર 2 રન હતો. તે આઉટ થયો ત્યારે સ્કોર 108 રને પહોંચી ગયો હતો. જે બાદ દિલ્હીનો કેપ્ટન રિષભ પંત મેદાને આવ્યો હતો. 

પંતે બાજી સંભાળી 

રિષભ પંતે આજની મેચમાં 79 બોલમાં આઠ ચોગ્ગા અને બે છગ્ગાની મદદથી 70 રન ફટકાર્યા હતા. દિલ્હીએ 50 ઓવરમાં કુલ 254 રન બનાવ્યા હતા. 

વિજય હઝારે ટ્રોફીમાં કોહલી અને રોહિતનું શાનદાર પ્રદર્શન

નોંધનીય છે કે, વિરાટ કોહલી અને રોહિત શર્મા બંને ખેલાડીઓની નજર આગામી વનડે વર્લ્ડ કપ પર છે. જે માટે તેઓ તૈયારી બતાવવા માટે ઘરેલુ ક્રિકેટ રમી રહ્યા છે. વિજય હઝારે ટ્રોફીમાં બંને ખેલાડીઓની ઉમદા બેટિંગ જોઈ ક્રિકેટ ફેન્સ પણ ખુશ-ખુશ થઈ ગયા છે.