T20Iમાં સૌથી વધુ અર્ધસદી ફટકારનારા ટોપ-5 બેટ્સમેનો, વિરાટ-રોહિત સહિત આ ખેલાડીઓ છે લિસ્ટમાં

બાબર આઝમે ઝિમ્બાબ્વે સામે ટ્રાઈ સીરિઝની ચોથી મેચમાં પોતાના T20I કરિયરની 38મી અર્ધસદી ફટકારી છે. આ સાથે જ તેણે વિરાટ કોહલીના વર્લ્ડ રેકોર્ડની બરાબરી કરી લીધી છે. તો ચાલો જાણીએ T20Iમાં સૌથી વધુ અર્ધસદી ફટકારનારા ટોપ-5 બેટ્સમેનો કોણ-કોણ છે.

આ પણ વાંચો :

સ્મૃતિ મંધાનાના પિતા બાદ હવે પલાશ મુછલની પણ તબિયત બગડી! તેમને ખાનગી હોસ્પીટલ લઈ જવાયા

Ashes 2025 / બીજી ટેસ્ટમાંથી બહાર થયો ઓસ્ટ્રેલિયન બોલર, કેપ્ટનની વાપસી પર આવ્યું અપડેટ

બાબર આઝમ

બાબર આઝમે ઝિમ્બાબ્વે સામે 74 શાનદાર ઈનિંગ રમીને પાકિસ્તાનને ફાઈનલમાં પહોંચાડવામાં મહત્વપૂર્ણ ભૂમિકા ભજવી હતી. બાબરની T20I ઈન્ટરનેશનલમાં આ 38મી અર્ધસદી હતી. આ સાથે જ તેણે વિરાટ કોહલીના વર્લ્ડ રેકોર્ડની બરાબરી કરી લીધી છે.

વિરાટ કોહલી

T20 વર્લ્ડ કપ 2024નો ખિતાબ જીત્યા બાદ ક્રિકેટના સૌથી નાના ફોર્મેટમાંથી નિવૃત્તિ લઈ ચૂકેલા વિરાટ કોહલીએ પોતાના T20 કરિયરમાં સૌથી વધુ 38 અર્ધસદી ફટકારી હતી. પરંતુ હવે બાબર આઝમ તેની પાસેથી આ તાજ છીનવી લેવાની કગાર પર છે.

રોહિત શર્મા

પૂર્વ ભારતીય કેપ્ટન રોહિત શર્મા આ લિસ્ટમાં 32 અર્ધસદી સાથે ત્રીજા ક્રમ પર છે. તેણે પોતાના T20I ઈન્ટરનેશનલ કરિયરમાં 151 ઈનિંગ્સમાં આ 32 અર્ધસદી ફટકારી હતી.

મોહમ્મદ રિઝવાન

પાકિસ્તાનના વિકેટકીપર-બેટ્સમેન મોહમ્મદ રિઝવાનનું નામ પણ આ લિસ્ટમાં સામેલ છે. રિઝવાને અત્યાર સુધીમાં પોતાના T20I કરિયરમાં 30 અર્ધસદી ફટકારી છે.

ડેવિડ વોર્નર

ઈન્ટરનેશનલ ક્રિકેટમાંથી નિવૃત્તિ લઈ ચૂકેલા ડેવિડ વોર્નર હજુ પણ ટોપ-5 બેટ્સમેનોના લિસ્ટમાં સામેલ છે. વોર્નરે પોતાના T20I ઈન્ટરનેશનલ કરિયરમાં 28 અર્ધસદી ફટકારી હતી. આ ઉપરાંત ઈંગ્લેન્ડના પૂર્વ કેપ્ટન જોસ બટલરના નામે પણ આ ફોર્મેટમાં 28 અર્ધસદી ફટકારવાનો રેકોર્ડ છે.