ENG vs PAK / 149 વર્ષના ટેસ્ટ ક્રિકેટ ઈતિહાસમાં પહેલીવાર થયું આવું, આખી સિરીઝમાં 20 ફિફ્ટી લાગવા છતાં ન બની એક પણ સદી
છેલ્લું અપડેટ : 13 Sept 2026
ઈંગ્લેન્ડ અને પાકિસ્તાન વચ્ચેની ત્રણ મેચની ટેસ્ટ સિરીઝ પૂર્ણ થઈ ગઈ છે. જો રૂટના નેતૃત્વ હેઠળની ઈંગ્લેન્ડની ટીમે પાકિસ્તાનને 3-0થી વ્હાઈટવોશ કર્યું હતું. બાબર આઝમના નેતૃત્વ હેઠળની પાકિસ્તાની ટીમ સિરીઝમાં એક પણ મેચ જીતી ન શકી અને ત્રણેય મેચમાં કારમી હારનો સામનો કરવો પડ્યો હતો. આ સિરીઝએ ટેસ્ટ ક્રિકેટ ઈતિહાસમાં અગાઉ ક્યારેય ન જોયેલો એક અનોખો રેકોર્ડ પણ બનાવ્યો હતો.
ઈંગ્લેન્ડ અને પાકિસ્તાન વચ્ચેની આ ત્રણ મેચની ટેસ્ટ સિરીઝમાં કુલ 20 અડધી સદી ફટકારવામાં આવી હતી, પરંતુ કોઈપણ બેટ્સમેન સદી સુધી નહતો પહોંચી શક્યો. ટેસ્ટ ક્રિકેટના 149 વર્ષના ઈતિહાસમાં આ પહેલીવાર છે કે ઓછામાં ઓછી ત્રણ મેચની ટેસ્ટ સિરીઝમાં આટલી બધી અડધી સદી ફટકારવામાં આવી હોય, પરંતુ એક પણ સદી ફટકારવામાં ન આવી હોય.
149 વર્ષના ટેસ્ટ ક્રિકેટ ઈતિહાસમાં આ પહેલીવાર છે
ઈંગ્લેન્ડે ત્રીજી ટેસ્ટમાં પાકિસ્તાનને 8 વિકેટથી હરાવીને 3-0થી સિરીઝ જીતી લીધી હતી. ત્રણ મેચની આ ટેસ્ટ સિરીઝમાં ઈંગ્લેન્ડના બેટ્સમેનોએ પ્રભુત્વ જમાવ્યું, પરંતુ એક પણ બેટ્સમેન સદી ન ફટકારી શક્યો. ટેસ્ટ ઈતિહાસમાં સચિન તેંડુલકરનો સૌથી વધુ અડધી સદી ફટકારવાનો વિશ્વ રેકોર્ડ તોડનાર દિગ્ગજ બેટ્સમેન જો રૂટ પણ સદી ફટકારવામાં નિષ્ફળ ગયો. તેણે પાંચ ઈનિંગ્સમાં બે અડધી સદી ફટકારી.
આ ટેસ્ટ સિરીઝમાં કુલ 20 અડધી સદી ફટકારવામાં આવી હતી, પરંતુ કોઈ બેટ્સમેન 100 રનના આંકડા સુધી નહતો પહોંચ્યો. ટેસ્ટ ક્રિકેટ ઈતિહાસમાં આ પહેલી વાર બન્યું છે કે આટલી બધી અડધી સદી ફટકારવા છતાં કોઈ બેટ્સમેન સદી ફટકારવામાં નિષ્ફળ ગયો હોય. અગાઉ, 1993માં પાકિસ્તાન અને ઝિમ્બાબ્વે વચ્ચેની ટેસ્ટ સિરીઝમાં 18 અડધી સદી ફટકારવામાં આવી હતી, પરંતુ એક પણ સદી ફટકારવામાં આવી નહતી. તેવી જ રીતે, 1969માં ભારત અને ન્યુઝીલેન્ડ વચ્ચેની ટેસ્ટ સિરીઝમાં 9 અડધી સદી ફટકારવામાં આવી હતી, પરંતુ એક પણ સદી ફટકારવામાં આવી ન હતી.
સઉદ શકીલે સૌથી મોટી ઈનિંગ રમી
પાકિસ્તાનના બેટ્સમેન સઉદ શકીલે આ ટેસ્ટ સિરીઝમાં સૌથી વધુ વ્યક્તિગત સ્કોર બનાવ્યો હતો. શકીલે લોર્ડ્સ ખાતેની બીજી ટેસ્ટમાં 97 રન બનાવ્યા, પરંતુ 3 રનથી સદી ચૂકી ગયો. જોકે, આ ઈનિંગ સાથે, તે લોર્ડ્સ ખાતેની ટેસ્ટ મેચની ચોથી ઈનિંગમાં સૌથી વધુ રન બનાવનાર પાકિસ્તાની બેટ્સમેન બન્યો. દરમિયાન, બર્મિંઘમમાં ત્રીજી ટેસ્ટની પહેલી ઈનિંગમાં પાકિસ્તાનના ભૂતપૂર્વ ટેસ્ટ કેપ્ટન શાન મસૂદે 95 રન બનાવ્યા. ઈંગ્લેન્ડના બેટ્સમેન હેરી બ્રુકે પણ 91 રન બનાવ્યા હતા.
પાકિસ્તાન 72 વર્ષ પછી ઈંગ્લેન્ડમાં ક્લીન સ્વીપ થયું
ઈંગ્લેન્ડ સામે 3-0થી સિરીઝની હારથી પાકિસ્તાનના નામે વધુ એક શરમજનક રેકોર્ડ ઉમેરાયો છે. બાબર આઝમની કેપ્ટનશિપ હેઠળ, પાકિસ્તાને 72 વર્ષમાં પહેલીવાર ઈંગ્લેન્ડમાં ક્લીન સ્વીપ હાંસલ કરી છે. પાકિસ્તાને 1954માં ઈંગ્લેન્ડમાં તેની પહેલી ટેસ્ટ સિરીઝ રમી હતી, પરંતુ ક્યારેય ટેસ્ટ સિરીઝની બધી મેચ નહતું હાર્યું.