IPL 2026ના ઓક્શનમાં આ 5 ફાસ્ટ બોલર્સને મળી શકે છે મોટી રકમ, ભારતના 2 પેસર પણ સામેલ
છેલ્લું અપડેટ : 12 Dec 2025
IPL 2026નું ઓક્શન 16 ડિસેમ્બરે અબુ ધાબીમાં યોજાશે. આ ઓક્શનમાં દસ ટીમો 77 સ્લોટ ભરવા માટે બોલી લગાવશે. T20 ફોર્મેટ બેટ્સમેનોને પસંદ કરે છે, પરંતુ એક સારો બોલર હારેલી મેચને તેની ટીમના પક્ષમાં ફેરવી શકે છે. એટલા માટે મિચેલ સ્ટાર્ક અને પેટ કમિન્સ પહેલા બે ખેલાડી બન્યા, જેમને ઓક્શનમાં 20 કરોડ રૂપિયાથી વધુમાં ખરીદવામાં આવ્યા. આજે અમે તમને એવા 5 પેસર વિશે જણાવીશું જેમને આગામી ઓક્શનમાં મોટી રકમ મળી શકે છે.
આકાશ દીપ
ભારતીય ફાસ્ટ બોલર આકાશ દીપ 2022થી IPLમાં રમી રહ્યો છે, પરંતુ તેને કોઈપણ સિઝનમાં વધુ તકો નથી મળી. તેણે ચાર સિઝનમાં ફક્ત 14 મેચ રમી છે, જેમાં તેણે 10 વિકેટ લીધી છે. આકાશે રોયલ ચેલેન્જર્સ બેંગલુરુ (RCB) માટે ત્રણ સિઝન અને લખનૌ સુપર જાયન્ટ્સ (LSG) માટે એક સિઝન રમી હતી, ઓક્શન પહેલા LSG દ્વારા તેને રિલીઝ કરવામાં આવ્યો છે. IPL ઓક્શનમાં આકાશની બેઝ પ્રાઈસ 1 કરોડ રૂપિયા છે, પરંતુ CSK અને SRH તેના માટે મોટી બોલી લગાવી શકે છે.
લુંગી ન્ગીડી
29 વર્ષીય આફ્રિકન ફાસ્ટ બોલર લુંગી ન્ગીડી ગયા વર્ષની ચેમ્પિયન ટીમ (RCB) નો ભાગ હતો, પરંતુ રોયલ ચેલેન્જર્સ બેંગલુરુએ તેને રિલીઝ કર્યો છે. ન્ગીડીની બેઝ પ્રાઈસ 2 કરોડ રૂપિયા છે, પરંતુ તેના તાજેતરના ફોર્મને જોતા આ રકમ ઘણી વધી શકે છે.
લુંગી ન્ગીડીએ ભારત સામેની પ્રથમ બે T20I મેચમાં શાનદાર બોલિંગ કરી હતી, બંને મેચની પ્રથમ ઓવરમાં શુભમન ગિલને આઉટ કર્યો હતો. તેણે 2 મેચમાં કુલ 5 વિકેટ લીધી છે. તેણે ગયા વર્ષે RCB માટે ફક્ત બે મેચ રમી હતી, જેમાં 4 વિકેટ લીધી હતી.
મથિશા પથિરાના
શ્રીલંકાના ફાસ્ટ બોલર મથિશા પથિરાના, જે છેલ્લી ચાર એડિશનમાં ચેન્નાઈ સુપર કિંગ્સ (CSK) માટે રમી ચૂક્યો છે, ઘણી ટીમોની નજર તેના પર રહેશે. તેણે 32 IPL મેચોમાં 47 વિકેટ લીધી છે, તે પાવરપ્લે અને ડેથ ઓવરમાં તેની ઉત્તમ બોલિંગમાં નિષ્ણાત છે.
ઓક્શનમાં મથીશા પથિરાનાની બેઝ પ્રાઈસ 2 કરોડ રૂપિયા છે. T20I મેચોમાં તેનો રેકોર્ડ દર્શાવે છે કે તેણે 21 મેચોમાં 31 વિકેટ લીધી છે. CSK તેને તેની ટીમમાં પાછો લાવી શકે છે.
એનરિચ નોર્કિયા
સાઉથ આફ્રિકાના વધુ એક બોલર એનરિચ નોર્કિયા પણ પણ મોટી બોલી લાગી શકે છે. 32 વર્ષીય નોર્કિયા ગયા વર્ષે KKR ટીમનો ભાગ હતો, પરંતુ ટીમે તેને રિલીઝ કર્યો છે. જોકે, તેણે પાછલી એડિશનમાં ફક્ત બે મેચ રમી હતી, જેમાં ફક્ત એક વિકેટ લીધી હતી. તેણે દિલ્હી કેપિટલ્સ (DC) માટે 46 મેચોમાં 60 વિકેટ લીધી છે.
ચેતન સાકરિયા
27 વર્ષીય ચેતન સાકરિયા આ વર્ષે KKRનો ભાગ હતો, તેણે છેલ્લી સિઝનમાં ફક્ત એક જ મેચ રમી હતી. સાકરિયા એક સારો બોલર છે, જોકે તેને પોતાને સાબિત કરવાની પૂરતી તકો નથી મળી. તેણે 20 IPL મેચોમાં 20 વિકેટ લીધી છે. ચેતન સાકરિયાની બેઝ પ્રાઈસ 75 લાખ રૂપિયા છે, પરંતુ તે કરોડો કમાઈ શકે છે.
