T20 વર્લ્ડ કપ 2026 પહેલા ટીમ ઈન્ડિયાનો સંપૂર્ણ શેડ્યૂલ, ઘરઆંગણે આ મોટી ટીમે સામે ટકરાશે 'મેન ઈન બ્લૂ'
છેલ્લું અપડેટ : 08 Nov 2025
2026માં T20 વર્લ્ડ કપનું આયોજન ભારત અને શ્રીલંકા દ્વારા સંયુક્ત રીતે કરવામાં આવશે. જેમાં ભારત મુખ્ય યજમાની કરશે. ટીમ ઈન્ડિયા આ ટુર્નામેન્ટમાં ડિફેન્ડિંગ ચેમ્પિયન તરીકે પ્રવેશ કરશે, જેણે 2024માં ફાઇનલમાં દક્ષિણ આફ્રિકાને હરાવીને ટાઇટલ જીત્યું હતું.
સૂર્યકુમાર યાદવ હવે ટીમનું નેતૃત્વ કરી રહ્યા છે, તેથી ભારત સતત બે ટાઇટલ જીતવા પર નજર રાખશે. આ મોટી ઇવેન્ટ પહેલાં, મેન ઇન બ્લુ બે મોટી T20I સિરીઝ (દક્ષિણ આફ્રિકા અને ન્યુઝીલેન્ડ સામે) ઘરઆંગણે રમવા માટે તૈયાર છે.
ભારત vs દક્ષિણ આફ્રિકા: 5 મેચની T20I સિરીઝ (ડિસેમ્બર 2025)
ભારત 9 ડિસેમ્બર, 2025થી દક્ષિણ આફ્રિકા સામે પાંચ મેચની T20I સિરીઝ સાથે વર્લ્ડ કપની તૈયારીઓનો પ્રારંભ કરશે. જેની વિગતો નીચે મુજબની છે.
પહેલી T20I: 9 ડિસેમ્બર - કટક, બારાબતી સ્ટેડિયમ
બીજી T20I: 11 ડિસેમ્બર - મુલ્લાનપુર, મહારાજા યાદવિન્દ્ર સિંહ આંતરરાષ્ટ્રીય સ્ટેડિયમ
ત્રીજી T20I: 14 ડિસેમ્બર - ધર્મશાલા, HPCA સ્ટેડિયમ
ચોથી T20I: 17 ડિસેમ્બર - લખનૌ, એકાના સ્ટેડિયમ
5મી T20I: 19 ડિસેમ્બર - અમદાવાદ, નરેન્દ્ર મોદી સ્ટેડિયમ
ભારત vs ન્યુઝીલેન્ડ - 5 મેચની T20I સિરીઝ (જાન્યુઆરી 2026)
દક્ષિણ આફ્રિકા સામે રમ્યા બાદ ભારત જાન્યુઆરી 2026માં બીજી પાંચ મેચની T20I સિરીઝ માટે ન્યુઝીલેન્ડને આમંત્રણ આપશે, જેનાથી ટીમને વર્લ્ડ કપ પહેલા કુલ 10 T20I રમવા મળશે.
પહેલી T20I: 21 જાન્યુઆરી – નાગપુર, VCA સ્ટેડિયમ
બીજી T20I: 23 જાન્યુઆરી – રાયપુર, શહીદ વીર નારાયણ સિંહ સ્ટેડિયમ
ત્રીજી T20I: 25 જાન્યુઆરી – ગુવાહાટી, ACA સ્ટેડિયમ
ચોથી T20I: 28 જાન્યુઆરી – વિશાખાપટ્ટનમ, ડૉ. YSR ACA-VDCA સ્ટેડિયમ
5મી T20I: 31 જાન્યુઆરી – તિરુવનંતપુરમ, ગ્રીનફિલ્ડ સ્ટેડિયમ
2026 T20 વર્લ્ડ કપ પહેલા ભારતીય ટીમ ઘરેલું 10 T20I સિરીઝ રમશે, આમાં ભારતનું ધ્યાન યુવા ખેલાડીઓની પરીક્ષા લેવામાં અને ટીમને ઘરઆંગણે તેના તાજનો બચાવ કરવા માટે ખાસ કેન્દ્રિત રહેશે.
T20 વર્લ્ડ કપમાં ભારતનો રેકોર્ડ
ટીમ ઇન્ડિયાએ અત્યાર સુધી ICC મેન્સ T20 વર્લ્ડ કપમાં કુલ 44 મેચ રમી છે, જેમાં 27 જીતી છે અને 15માં હારનો સામનો કરવો પડ્યો છે, એક મેચ ટાઇ રહી હતી અને એક પરિણામ વિના સમાપ્ત થઈ ગઈ હતી. નોંધનીય છે કે, વર્ષોથી ભારતે આ ટુર્નામેન્ટમાં સૌથી મજબૂત રેકોર્ડ જાળવી રાખ્યો છે.
