Asian Games 2026 / સેમીફાઈનલમાં હાર્યું પાકિસ્તાન, શ્રીલંકાની મહિલા ટીમે ફાઈનલમાં સ્થાન મેળવ્યું
છેલ્લું અપડેટ : 20 Sept 2026
એશિયન ગેમ્સ 2026માં મહિલા ક્રિકેટ સ્પર્ધાની પહેલી સેમીફાઈનલ ખૂબ જ રોમાંચક રહી. પાકિસ્તાન અને શ્રીલંકા વચ્ચે કરોગી સ્પોર્ટ્સ પાર્ક ખાતે મેચ રમાઈ હતી. પાકિસ્તાન આ મેચ જીતવાની શક્યતા વધુ દેખાતી હતી. જોકે, શ્રીલંકાની મહિલા ટીમે શાનદાર પ્રદર્શન કર્યું, સરળતાથી જીતીને ફાઈનલમાં સ્થાન મેળવ્યું. હવે બે દિવસ પછી તે એશિયન ગેમ્સ 2026માં ગોલ્ડ મેડલ જીતવાના ઈરાદા સાથે ફાઈનલમાં પ્રવેશ કરશે.
શ્રીલંકાએ પાકિસ્તાનને હરાવ્યું
સેમીફાઈનલ મેચમાં પાકિસ્તાનની મહિલા ટીમે પ્રથમ બેટિંગ કરી. તેણે 20 ઓવરમાં 4 વિકેટ ગુમાવીને 177 રન બનાવ્યા. આયેશા ઝફરે 40 બોલમાં 71 રન બનાવ્યા અને શાવલ ઝુલ્ફીકારે 50 બોલમાં શાનદાર 54 રન બનાવ્યા. શ્રીલંકા તરફથી સુગંધિકા કુમારી, ચમારી અટાપટ્ટુ અને કાવ્યા કવિંદીએ 1-1 વિકેટ લીધી.
શ્રીલંકા સામે 178 રનનો ટાર્ગેટ હતો અને પાકિસ્તાન જીત માટે મજબૂત દાવેદાર લાગતું હતું. જોકે, શ્રીલંકાની ટીમે તેની આશાઓ પર પાણી ફેરવી દીધું. ઈમેશા દુલાનીએ 21 બોલમાં 27 રન બનાવ્યા. કેપ્ટન ચમારી અટાપટ્ટુએ 50 બોલમાં 7 ચોગ્ગા અને 6 છગ્ગા સાથે અણનમ 83 રન બનાવ્યા. હસિની પરેરાએ પણ 26 બોલમાં 42 રન બનાવ્યા. પાકિસ્તાન તરફથી કેપ્ટન ફાતિમા સનાએ 1 વિકેટ અને નશારા સંધુએ 1 વિકેટ લીધી. શ્રીલંકાએ 17.5 ઓવરમાં ટાર્ગેટ ચેઝ કર્યો અને 8 વિકેટથી મેચ જીતી લીધી.
આ મેચમાં કેપ્ટન ચમારી અટાપટ્ટુ શ્રીલંકાની જીતની હીરો રહી. તેણે માત્ર સારી બેટિંગ જ ન કરી, પરંતુ પ્રથમ ઈનિંગમાં પાકિસ્તાનની નંબર 3 બેટ્સમેન સાયરા જાબીનની વિકેટ પણ લીધી. તેની વિસ્ફોટક બેટિંગે શ્રીલંકાની જીતનો માર્ગ મોકળો કર્યો.
પાકિસ્તાનની ટીમ બ્રોન્ઝ મેડલ માટે સ્પર્ધા કરશે
એશિયન ગેમ્સ 2026માં શ્રીલંકા સામે સેમીફાઈનલમાં હાર છતાં, પાકિસ્તાન પાસે હજુ પણ મેડલ જીતવાની તક છે. તે ગોલ્ડ મેડલની રેસમાંથી બહાર થઈ ગયું છે, પરંતુ તે હજુ પણ બ્રોન્ઝ મેડલ જીતી શકે છે. 22 સપ્ટેમ્બરના રોજ ગોલ્ડ મેડલ મેચ પહેલા, બે સેમીફાઈનલ મેચમાં હારેલી ટીમો બ્રોન્ઝ મેડલ માટે ટકરાશે. પાકિસ્તાન પહેલી સેમીફાઈનલ હારી ગયું હતું અને હવે બાંગ્લાદેશ અને ભારત બીજી સેમીફાઈનલ રમાઈ રહી છે. આ મેચમાં હારનાર ટીમ પાકિસ્તાન સામે ટકરાશે. મેચ ભારતીય સમય મુજબ સવારે 5:30 વાગ્યે શરૂ થશે.
