IND vs WI / ભારત સામેની ODI અને T20I સિરીઝ માટે વેસ્ટ ઈન્ડિઝ ટીમ જાહેર, નવા ચહેરાને મળી તક
છેલ્લું અપડેટ : 20 Sept 2026
ક્રિકેટ વેસ્ટ ઈન્ડિઝે ભારત સામેની ત્રણ ODI અને પાંચ T20I મેચની સિરીઝ માટે પોતાની ટીમની જાહેરાત કરી છે, જે 27 સપ્ટેમ્બરથી 18 ઓક્ટોબર સુધી આઠ શહેરોમાં રમાશે. શાઈ હોપની આગેવાની હેઠળની ટીમો બંને ફોર્મેટમાં ભારતનો સામનો કરશે.
જોન પરત ફર્યો
ODI ટીમમાં તાજેતરમાં શ્રીલંકા અને ન્યુઝીલેન્ડ સામેની ઘરઆંગણેની સિરીઝમાં રમનારા ખેલાડીઓને જાળવી રાખવામાં આવ્યા છે. હેમસ્ટ્રિંગ ઈજાને કારણે ન્યુઝીલેન્ડ સામેની છેલ્લી બે ODI મેચ ગુમાવ્યા બાદ જોન કેમ્પબેલ ટીમમાં પાછો ફર્યો છે.
ઓગસ્ટમાં સર્જરી બાદ રિહેબિલિટેશનમાંથી પસાર થઈ રહેલા અકીમ ઓગસ્ટેને પ્રવાસમાંથી બહાર કરવામાં આવ્યા છે. તેના સ્થાને જ્વેલ એન્ડ્રુને ટીમમાં સામેલ કરવામાં આવ્યો છે. તે ટોપ અને મિડલ ઓર્ડરમાં બેટિંગ વિકલ્પો પ્રદાન કરશે.
કામિલને પહેલી વખત તક મળી
પ્રભાવશાળી ઓપનિંગ બેટ્સમેન કામિલ પૂરનને પહેલીવાર T20I ટીમ માટે પસંદ કરવામાં આવ્યો છે. 2028 T20 વર્લ્ડ કપ પહેલા તેની તૈયારી કરવામાં આવી રહી છે. જમણા હાથના આ બેટ્સમેને આઠ ઈનિંગ્સમાં 159.64ના પ્રભાવશાળી સ્ટ્રાઇક રેટ અને 39ની એવરેજથી 273 રન બનાવ્યા.
આ વર્ષની શરૂઆતમાં ભારતમાં યોજાયેલી ICC T20 વર્લ્ડ કપ ટીમનો ભાગ રહેલા ક્વોન્ટિન સેમ્પસનને પણ ટીમમાં સામેલ કરવામાં આવ્યો છે. ઓલરાઉન્ડર જેસન હોલ્ડરને સિરીઝ માટે આરામ આપવામાં આવ્યો છે.
ODI સિરીઝનું શેડ્યૂલ
પહેલી ODI: 27 સપ્ટેમ્બર - ગ્રીનફિલ્ડ ઈન્ટરનેશનલ સ્ટેડિયમ, તિરુવનંતપુરમ
બીજી ODI: 30 સપ્ટેમ્બર - બરસાપારા ક્રિકેટ સ્ટેડિયમ, ગુવાહાટી
ત્રીજી ODI: 3 ઓક્ટોબર - મહારાજા યાદવિન્દ્ર સિંહ ઈન્ટરનેશનલ ક્રિકેટ સ્ટેડિયમ, મુલ્લાનપુર, ન્યુ ચંદીગઢ
T20 સિરીઝનું શેડ્યૂલ
પહેલી T20: 6 ઓક્ટોબર - ભારત રત્ન શ્રી અટલ બિહારી વાજપેયી એકાના ક્રિકેટ સ્ટેડિયમ, લખનૌ
બીજી T20: 9 ઓક્ટોબર - JSCA ઈન્ટરનેશનલ સ્ટેડિયમ કોમ્પ્લેક્સ, રાંચી
ત્રીજી T20: 11 ઓક્ટોબર - હોલકર સ્ટેડિયમ, ઈન્દોર
ચોથી T20: 14 ઓક્ટોબર - રાજીવ ગાંધી ઈન્ટરનેશનલ સ્ટેડિયમ, હૈદરાબાદ
પાંચમી T20: 17 ઓક્ટોબર - એમ. ચિન્નાસ્વામી સ્ટેડિયમ, બેંગલુરુ
વેસ્ટ ઈન્ડિઝ ODI ટીમ
શાઈ હોપ (કેપ્ટન), જ્વેલ એન્ડ્રુ, જોન કેમ્પબેલ, કેસી કાર્ટી, રોસ્ટન ચેઝ, મેથ્યુ ફોર્ડ, જસ્ટિન ગ્રીવ્સ, આમિર જાંગુ, અલ્ઝારી જોસેફ, શમર જોસેફ, વિટેલ લોજ, ગુડાકેશ મોતી, કીમો પોલ, શેરફેન રધરફોર્ડ, જેડેન સીલ્સ.
વેસ્ટ ઈન્ડિઝ T20I ટીમ
શાઈ હોપ (કેપ્ટન), જ્વેલ એન્ડ્રુ, રોસ્ટન ચેઝ, મેથ્યુ ફોર્ડે, શિમરોન હેટમાયર, અકેલ હોસેન, શમર જોસેફ, ગુડાકેશ મોતી, કીમો પોલ, કામિલ પૂરન, રોવમેન પોવેલ, શેરફેન રધરફોર્ડ, ક્વેન્ટિન સેમ્પસન, રોમારીયો શેફર્ડ, શમર સ્પ્રિંગર.