સાઉથ આફ્રિકાએ T20 વર્લ્ડ કપ 2026ની સ્કવોડમાં કર્યા મોટા ફેરફાર, આ બે ખેલાડીઓને અચાનક મળી જગ્યા
છેલ્લું અપડેટ : 23 Jan 2026
7 ફેબ્રુઆરીથી ભારત અને શ્રીલંકા દ્વારા યોજાનાર T20 વર્લ્ડ કપ 2026 માટે બધી ટીમો હવે તેમની તૈયારીઓને અંતિમ સ્વરૂપ આપી રહી છે. આ મોટી ઈવેન્ટમાં કુલ 20 ટીમો ભાગ લેશે. સાઉથ આફ્રિકાએ આ વર્લ્ડ કપ માટે તેની સ્કવોડ પહેલેથી જ જાહેર કરી દીધી છે, પરંતુ ટીમે હવે તેની સ્કવોડમાં બે મોટા ફેરફારો કર્યા છે. સાઉથ આફ્રિકાએ T20 વર્લ્ડ કપ 2024ની ફાઈનલ રમી હતી. જોકે તેમાં ભારતે સાઉથ આફ્રિકાને હરાવીને ટાઈટલ જીત્યું હતું.
બે ખેલાડીઓ બહાર થયા
22 જાન્યુઆરીના રોજ ક્રિકેટ સાઉથ આફ્રિકાએ એક મોટી જાહેરાત કરી, તેની સ્કવોડમાં બે મહત્ત્વપૂર્ણ ફેરફારો કર્યા છે. ટોની ડી જોર્જી અને ડોનોવન ફરેરા ઈજાને કારણે વેસ્ટ ઈન્ડિઝ સામેની આગામી ત્રણ મેચની T20I સિરીઝ અને ભારત અને શ્રીલંકામાં યોજાનાર ICC મેન્સ T20 વર્લ્ડ કપ 2026માંથી બહાર થઈ ગયા છે.
બોર્ડે તેની 15 સભ્યોની સ્કવોડમાં રિયન રિકેલ્ટન અને ટ્રિસ્ટન સ્ટબ્સને રિપ્લેસમેન્ટ તરીકે સામેલ કર્યા છે. ડી જોર્જી ભારત સામેની ODI સિરીઝ દરમિયાન જમણા હેમસ્ટ્રિંગના ખેંચાણ બાદથી સંઘર્ષ કરી રહ્યો છે. તેની રિકવરી અપેક્ષા મુજબ નથી રહી, જેના કારણે તેને વર્લ્ડ કપમાંથી બહાર થવું પડ્યું છે.
સાઉથ આફ્રિકાની અપડેટેડ સ્કવોડ
એડન માર્કરમ (કેપ્ટન), કોર્બિન બોશ, ડેવાલ્ડ બ્રેવિસ, ક્વિન્ટન ડી કોક, માર્કો યાનસન, જ્યોર્જ લિન્ડે, કેશવ મહારાજ, ક્વેના મ્ફાકા, ડેવિડ મિલર, લુંગી ન્ગીડી, એનરિચ નોર્કિયા કગીસો રબાડા, રિયન રિકેલ્ટન, જેસન સ્મિથ, ટ્રિસ્ટન સ્ટબ્સ.