T20 વર્લ્ડ કપ 2026 પહેલા ઓસ્ટ્રેલિયાને લાગ્યો મોટો ઝટકો, શરૂઆતની મેચોમાંથી બહાર થયો આ સ્ટાર ખેલાડી
છેલ્લું અપડેટ : 19 Jan 2026
T20 વર્લ્ડ કપ 2026ની શરૂઆત થવામાં હવે થોડા જ અઠવાડિયા જ બાકી રહ્યા છે અને બધી ટીમો આ માટે તૈયારી કરી રહી છે, પરંતુ આ પહેલા ઓસ્ટ્રેલિયાને મોટો ઝટકો લાગ્યો છે. ટીમનો ફાસ્ટ બોલર પેટ કમિન્સ ઈજાને કારણે વર્લ્ડ કપની શરૂઆતની મેચો ગુમાવશે. એવું માનવામાં આવે છે કે કમિન્સ ગ્રુપ સ્ટેજની મેચો ગુમાવશે. કમિન્સની ગેરહાજરી ઓસ્ટ્રેલિયન ટીમ માટે એક મોટો ઝટકો છે, કારણ કે તે બેટ તેમજ બોલ સાથે તેમના મહત્ત્વપૂર્ણ યોગદાન માટે જાણીતો છે. જોકે, ટીમ માટે સારા સમાચાર એ છે કે ટિમ ડેવિડ બેટથી પોતાની છાપ છોડવા માટે ફિટ છે. ઓસ્ટ્રેલિયા 11 ફેબ્રુઆરીએ તેની પહેલી મેચમાં આયર્લેન્ડનો સામનો કરશે.
કમિન્સને મોટો ફટકો પડ્યો છે
7 ફેબ્રુઆરીથી શરૂ થનારા T20 વર્લ્ડ કપ પહેલા ઓસ્ટ્રેલિયન ટીમનું ટેન્શન વધી ગયું છે. સ્ટાર ફાસ્ટ બોલર પેટ કમિન્સ ઈજાને કારણે પ્રથમ કેટલીક મેચો માટે ઉપલબ્ધ નહીં રહે. ઈજાને કારણે કમિન્સ એશિઝ સિરીઝમાં પણ ફક્ત એક જ મેચ રમી શક્યો હતો.
જોકે, કમિન્સ કેટલી મેચમાં પ્લેઈંગ ઈલેવનમાંથી બહાર રહેશે તે કહેવું મુશ્કેલ છે. ક્રિકેટના સૌથી ટૂંકા ફોર્મેટમાં કમિન્સનો રેકોર્ડ પ્રભાવશાળી છે. ઓસ્ટ્રેલિયા માટે કમિન્સે અત્યાર સુધી રમેલી 57 T20 મેચોમાં 66 વિકેટ લીધી છે, આ દરમિયાન તેની ઈકોનોમી 7.44ની રહી છે. ઓસ્ટ્રેલિયા માટે સારા સમાચાર એ છે કે ટિમ ડેવિડ ફિટ છે અને પહેલી મેચથી જ તે ધમાલ મચાવતો જોવા મળશે.
ઓસ્ટ્રેલિયાનું વર્લ્ડ કપ શેડ્યૂલ
T20 વર્લ્ડ કપ 2026માં ઓસ્ટ્રેલિયા 11 ફેબ્રુઆરીએ આયર્લેન્ડ સામે તેના અભિયાનની શરૂઆત કરશે. કાંગારૂ ટીમ તે પછી 13 ફેબ્રુઆરીએ બીજી મેચમાં ઝિમ્બાબ્વેનો સામનો કરશે. ઓસ્ટ્રેલિયા 16 ફેબ્રુઆરીએ ત્રીજી મેચમાં શ્રીલંકાનો સામનો કરશે. તેની અંતિમ ગ્રુપ સ્ટેજ મેચમાં ઓસ્ટ્રેલિયા 20 ફેબ્રુઆરીએ ઓમાનનો સામનો કરશે. ઓસ્ટ્રેલિયાએ 2021માં એરોન ફિન્ચની કેપ્ટનશિપ હેઠળ T20 વર્લ્ડ કપનો ખિતાબ જીત્યો હતો.
T20 વર્લ્ડ કપ માટે ઓસ્ટ્રેલિયન ટીમ
મિચેલ માર્શ (કેપ્ટન), ઝેવિયર બાર્ટલેટ, કૂપર કોનોલી, પેટ કમિન્સ, ટિમ ડેવિડ, કેમરન ગ્રીન, નાથન એલિસ, જોશ હેઝલવુડ, ટ્રેવિસ હેડ, જોશ ઈંગ્લિસ (વિકેટકીપર), મેથ્યુ કુહનેમેન, ગ્લેન મેક્સવેલ, મેથ્યુ શોર્ટ, માર્કસ સ્ટોઈનિસ અને એડમ ઝમ્પા.
