સચિન તેંડુલકરને BCCI તરફથી મળશે લાઇફટાઇમ એચિવમેન્ટ એવોર્ડ

દિગ્ગજ બેટ્સમેન સચિન તેંડુલકરને શનિવારે મુંબઈમાં બોર્ડના વાર્ષિક સમારોહમાં ભારતીય ક્રિકેટ કંટ્રોલ બોર્ડ (BCCI) ના લાઇફટાઇમ એચિવમેન્ટ એવોર્ડથી સન્માનિત કરવામાં આવશે.

ક્રિકેટના ભગવાન તરીકે જાણીતા સચિન તેંડુલકરને BCCI લાઇફટાઇમ એચિવમેન્ટ એવોર્ડથી સન્માનિત કરવામાં આવશે. શનિવારે મુંબઈમાં બોર્ડના વાર્ષિક સમારંભમાં તેમને આ પ્રતિષ્ઠિત પુરસ્કાર આપવામાં આવશે.

ભારત માટે 664 આંતરરાષ્ટ્રીય મેચ રમનાર 51 વર્ષીય તેંડુલકર ક્રિકેટના ઇતિહાસમાં સૌથી વધુ ટેસ્ટ અને વનડે રન બનાવવાનો રેકોર્ડ ધરાવે છે. 

તેંડુલકરની 200 ટેસ્ટ અને 463 વનડે મેચ ક્રિકેટ ઇતિહાસમાં કોઈપણ ખેલાડી દ્વારા રમાયેલી સૌથી વધુ છે. તેમણે 15921 ટેસ્ટ રન બનાવ્યા અને વનડેમાં 18426 રન બનાવ્યા.

તેણે પોતાની શાનદાર કારકિર્દીમાં ફક્ત એક જ ટી20 આંતરરાષ્ટ્રીય મેચ રમી છે. ભૂતપૂર્વ ભારતીય મુખ્ય કોચ રવિ શાસ્ત્રી અને ભૂતપૂર્વ દિગ્ગજ વિકેટકીપર ફારૂક એન્જિનિયરને આ એવોર્ડ મળ્યો છે.