રોનાલ્ડોએ ગર્લફ્રેન્ડ જ્યોર્જીના સાથે કરી સગાઈ, પહેરાવી ડાયમંડ રિંગ; કિંમત જાણીને તમે ચોંકી જશો
છેલ્લું અપડેટ : 12 Aug 2025
પોર્ટુગીઝ ફૂટબોલર ક્રિસ્ટિયાનો રોનાલ્ડોએ તેની લોંગ ટાઈમ ગર્લફ્રેન્ડ જ્યોર્જીના રોડ્રિગ્ઝ સાથે સગાઈ કરી છે. જ્યોર્જિનાએ સોશિયલ મીડિયા પર રિંગનો એક ફોટો શેર કર્યો છે. જેની સાથે રોનાલ્ડોએ તેને પ્રપોઝ કર્યું હતું. આર્જેન્ટિના-સ્પેનિશ મોડેલે ક્રિસ્ટિયાનો રોનાલ્ડોના પ્રપોઝલનો સ્વીકાર કર્યો. તમને જણાવી દઈએ કે રિંગનો ફોટો સોશિયલ મીડિયા પર આવતાની સાથે જ ફેન્સે તેની કિંમતનો અંદાજ લગાવવાનું શરૂ કરી દીધું. રિંગ 5 સેન્ટિમીટરથી વધુ લાંબી દેખાતી હતી, જેમાં વચ્ચે એક અંડાકાર ડાયમંડ અને તેમાં બે નાના રત્નો જડેલા હતા. જ્વેલરી નિષ્ણાતોએ રિંગની કિંમતનો અંદાજ લગાવવાનું શરૂ કરી દીધું છે.
રિંગની કિંમત જાણીને તમને આશ્ચર્ય થશે
ringની સત્તાવાર કિંમત વિશે કંઈ કહી ન શકાય, પરંતુ એવી અપેક્ષા છે કે આ ડાયમંડ રિંગની કિંમત 2 મિલિયનથી ડોલરથી 5 મિલિયન ડોલરની વચ્ચે હશે. જે ભારતીય રૂપિયામાં લગભગ 16.5 કરોડથી 41 કરોડ રૂપિયા હોઈ શકે છે.
બ્રિયોની રેમન્ડના મતે, આ ડાયમંડ 25-30 કેરેટની વચ્ચે હોઈ શકે છે, જ્યારે અન્ય નિષ્ણાતો સૂચવે છે કે તે ઓછામાં ઓછો 15 કેરેટનો હોવો જોઈએ. જ્વેલરી ફ્રેન્ક ડાર્લિંગના સ્થાપક કીગન ફિશરના મતે, બંને બાજુના હીરા લગભગ 1 કેરેટના લાગે છે. લોરિયલ ડાયમંડ્સના લૌરા ટેલરે કહ્યું કે આ રિંગની ઓછામાં ઓછી કિંમત 2 મિલિયન યુએસ ડોલર હશે, જ્યારે રેર કેરેટના CEO અજય આનંદે આ રિંગની કિંમત 5 મિલિયન યુએસ ડોલર સુધી આંકી છે.
જ્યોર્જીના રોડ્રિગ્ઝ કોણ છે?
જ્યોર્જીના રોડ્રિગ્ઝ એક મોડેલ છે, રોડ્રિગ્ઝે પ્રતિષ્ઠિત ફેશન હાઉસ સાથે કામ કર્યું છે, અને ગુચી, પ્રાડા અને ચાન સહિત લક્ઝરી બ્રાન્ડ્સ માટે ઝુંબેશમાં દેખાઈ છે. તેનું પ્રોફેશનલ કાર્યક્ષેત્ર મોડેલિંગથી આગળ ટેલિવિઝન મનોરંજન સુધી વિસ્તરે છે. રોડ્રિગ્ઝ તેની પોતાની નેટફ્લિક્સ રિયાલિટી સિરીઝ 'આઈ એમ જ્યોર્જીના' ની સ્ટાર પણ છે, જે દર્શકોને તેના અંગત અને પારિવારિક જીવનની ઝલક આપે છે. આ ખાસ શો તેના રોજિંદા અનુભવો અને ફૂટબોલના સૌથી પ્રખ્યાત ખેલાડીઓમાંના એક સાથેના તેના સંબંધોની ઝલક આપે છે.
રોનાલ્ડો અને જ્યોર્જીના પહેલીવાર 2016માં ગુચી સ્ટોરમાં મળ્યા હતા. જ્યોર્જીના ત્યાં કામ કરતી હતી. તેમની પહેલી મુલાકાત પછી, બંને મિત્રો બન્યા અને પછી સાથે સમય વિતાવવાનું નક્કી કર્યું.
