Rohit sharma VIDEO: શ્રેયસ અય્યરે જમીન પર મૂકી ટ્રોફી, પછી રોહિતે કર્યું એવું કે લોકો ખુશ થયા
છેલ્લું અપડેટ : 14 Oct 2025
ભારતીય ટીમના ભૂતપૂર્વ કેપ્ટન રોહિત શર્માનો શ્રેયસ અય્યર સાથેનો એક વીડિયો હાલના દિવસોમાં ઘણો ચર્ચામાં છે. જેને લઈ લોકો સોશિયલ મીડિયામાં રોહિત શર્માના વખાણ કરવાનું બંધ કરી રહ્યા નથી. તેનું કારણ છે શ્રેયસ અય્યરની ટ્રોફી.
રોહિત શર્માનો વીડિયો વાઇરલ
અમુક દિવસો પહેલા જ મુંબઈમાં ક્રિકેટ એવોર્ડ્સનું આયોજન કરાયું હતું. આ એવોર્ડના કાર્યક્રમમાં રોહિત શર્મા, સંજૂ સેમસન સહિત ઘણા આંતરરાષ્ટ્રીય ખેલાડીઓને સન્માનિત કરવામાં આવ્યા હતા. જ્યારે શ્રેયસ અય્યરને ઍવોર્ડ અપાયો, ત્યારે તે ટ્રોફી લઈને સ્ટેજ પરથી ઉતર્યો. અય્યરે સીટ પર બેસતા ટ્રોફી નીચે રાખી દીધી. શ્રેયસની ઠીક પાછળ રોહિત શર્મા બેઠો હતો. રોહિતે ટ્રોફી હાથમાં લઈને ટેબલ પર રાખી. આ વીડિયો સોશિયલ મીડિયામાં વાઇરલ થયા બાદ ચાહકો રોહિતના ઘણા વખાણ કરી રહ્યા છે.
અગાઉ પણ રોહિતનો વીડિયો વાઇરલ થયો હતો
આ પહેલી વાર નથી જ્યારે રોહિત શર્માએ ટ્રોફીનું ખાસ ધ્યાન રાખ્યું હોય. 2024માં જ્યારે ટીમ ઈન્ડિયાએ T20 વર્લ્ડ કપ જીત્યો હતો, ત્યારે રોહિત હોટેલમાં ટ્રોફી સાફ કરતો જોવા મળ્યો હતો. તે વર્લ્ડકપ ટ્રોફીને કપડાથી સાફ કરતો જોવા મળ્યો હતો. તે સમયે પણ રોહિતની ઘણી પ્રશંસા થઈ હતી.
ઓસ્ટ્રેલિયા સામેની મેચ રમશે
નોંધનીય છે કે, રોહિત શર્મા અને શ્રેયસ અય્યર બંને જ ઓસ્ટ્રેલિયા સામેની વનડે સિરીઝમાં જોવા મળશે. રોહિતે ચેમ્પિયન્સ ટ્રોફી 2025ના ફાઈનલ બાદથી કોઈ મેચ રમી નથી. આવા સમયમાં આ સિરીઝ સાથે તેનું કમબેક થશે. ચાહકોની નજર હિટમેન પર ટકેલી છે. 2027 વર્લ્ડ કપ સુધી રોહિત 40 વર્ષનો થઈ જશે, જેના કારણે સવાલ ઉઠી રહ્યા છે કે શું તે સમય સુધી પોતાની ફોર્મ અને ફિટનેસ જાળવી શકશે એ તો સમય જ નક્કી કરશે.
