T20Iમાં સૌથી ઝડપી 100... વેલિંગ્ટનમાં આવ્યું અભિષેક શર્મા અને વૈભવ સૂર્યવંશીનું તોફાન; રચ્યો ઈતિહાસ

ટીમ ઈન્ડિયાએ વેલિંગ્ટનમાં ત્રીજી T20Iમાં ઇતિહાસ રચ્યો. ભારતીય ટીમે T20 આંતરરાષ્ટ્રીય મેચમાં સૌથી ઓછા બોલમાં 100 રન બનાવવાનો રેકોર્ડ બનાવ્યો. 199 રનનો ટાર્ગેટ ચેઝ કરતા અભિષેક શર્મા અને વૈભવ સૂર્યવંશીએ રેકોર્ડ 133 રનની ઓપનિંગ પાર્ટનરશિપ કરી. વૈભવ 19 બોલમાં 45 રન બનાવી આઉટ થયો, તેણે આ ઈનિંગમાં ચાર છગ્ગા અને ચાર ચોગ્ગા ફટકાર્યા.

અગાઉ T20I મેચમાં સૌથી ઓછા બોલમાં 100 રન બનાવનાર ટીમ રોમાનિયા હતી, જેણે 2021માં સર્બિયા સામે 32 બોલમાં 100 રન બનાવ્યા હતા. હવે આ રેકોર્ડ ભારતના નામે છે. વેલિંગ્ટનમાં ન્યુઝીલેન્ડ સામે ભારતના 100 રન ફક્ત 30 બોલમાં બન્યા હતા.

અભિષેક શર્માએ સદી ફટકારી

અભિષેક શર્માએ 15 બોલમાં પોતાની અડધી સદી પૂરી કરી અને 35 બોલમાં સદી ફટકારી. અભિષેક 113 રન બનાવી આઉટ થયો. આ ઐતિહાસિક ઈનિંગમાં, જે 38 બોલમાં આવી હતી, તેણે 11 છગ્ગા અને 9 ચોગ્ગા ફટકાર્યા હતા.

T20I મેચોમાં સૌથી ઓછા બોલમાં 100 રન

5 ઓવર - ભારત vs ન્યુઝીલેન્ડ, વેલિંગ્ટન, 2026
5.2 ઓવર - રોમાનિયા vs સર્બિયા, સોફિયા, 2021
5.3 ઓવર - સાઉથ આફ્રિકા vs વેસ્ટ ઈન્ડિઝ, સેન્ચુરિયન, 2023
5.3 ઓવર - ઓસ્ટ્રેલિયા vs સ્કોટલેન્ડ, એડિનબર્ગ, 2024
5.5 ઓવર - ઝિમ્બાબ્વે vs ગામ્બિયા, નૈરોબી, 2024
5.5 ઓવર - ઈંગ્લેન્ડ vs દક્ષિણ આફ્રિકા, ઓલ્ડ ટ્રેફોર્ડ, 2025