અશ્વિનની નિવૃત્તિ પર BCCIએ શેર કર્યો ખાસ VIDEO, ભારતીય સ્પિનરે કહ્યું- ' જીવન કોઈ રેસ નથી...'

રવિચંદ્રન અશ્વિને ઈન્ટરનેશનલ ક્રિકેટને અલવિદા કહી દીધું છે. ગાબા ટેસ્ટ સમાપ્ત થયા બાદ અશ્વિને નિવૃત્તિની જાહેરાત કરી હતી. હવે અશ્વિનની નિવૃત્તિ બાદ BCCI દ્વારા એક વીડિયો શેર કરવામાં આવ્યો છે, જેમાં તેણે જીવન વિશે વાત કરી છે. અશ્વિને કહ્યું કે જીવન કોઈ રેસ નથી.

આ પણ વાંચો: રવિચંદ્રન અશ્વિને ઈન્ટરનેશનલ ક્રિકેટને કહ્યું અલવિદા, ગાબા ટેસ્ટ પૂરી થતા જ કરી જાહેરાત

BCCI દ્વારા એક લાંબો વીડિયો શેર કરવામાં આવ્યો છે. વીડિયોમાં અશ્વિને જીવનના અનેક પાસાઓ વિશે વાત કરી હતી. વીડિયોની શરૂઆતમાં અશ્વિને કહ્યું, "મારા માટે જીવન અને ટેસ્ટ ક્રિકેટ ખૂબ સમાન છે. આર અશ્વિન ઓર્ગેનિક છે." તેણે આગળ કહ્યું, "શેન વોર્ને કહ્યું હતું કે સારા ક્રિકેટરો, ખૂબ જ સારા ક્રિકેટરોને તેમની આખી કારકિર્દીમાં 30-40 ટકા સફળતા મળે છે. હું કહીશ કે રમતમાં સૌથી મોટો બ્રેક રમત જ હતો."

X પર જુઓ

અશ્વિને વધુમાં કહ્યું, "જીવન ખરેખર કોઈ રેસ નથી. તે તમારી પોતાની શરતો પર જીવવા અને તમે જે હાંસલ કર્યું તેની સાથે ખુશ રહેવા વિશે છે. જ્યારે મેં મારી ઈન્ટરનેશનલ કારકિર્દીની શરૂઆત કરી ત્યારે મને ખબર નહોતી કે હું 100 ટેસ્ટ મેચ રમીશ." 

અશ્વિનની ઈન્ટરનેશનલ કારકિર્દી

તમને જણાવી દઈએ કે અશ્વિને 2010માં ઈન્ટરનેશનલ ડેબ્યુ કર્યું હતું. તેણે પોતાની કારકિર્દીમાં 106 ટેસ્ટ, 116 ODI અને 65 T20I મેચ રમી છે. 200 ટેસ્ટ ઈનિંગ્સમાં, અશ્વિને 24.00ની એવરેજથી 537 વિકેટ લીધી હતી અને 151 ઈનિંગ્સમાં 25.75ની એવરેજથી 3503 રન બનાવ્યા હતા. આ દરમિયાન તેણે 6 સદી અને 14 અડધી સદી ફટકારી હતી. આ સિવાય ODIની 114 ઈનિંગ્સમાં તેણે 33.20ની એવરેજથી 156 વિકેટ લીધી હતી અને 63 ઈનિંગ્સમાં 707 રન બનાવ્યા હતા. બોલિંગમાં તેનો બેસ્ટ ફિગર 4/25 હતો. T20Iની 65 ઈનિંગ્સમાં, ભારતીય સ્પિનરે 23.22ની એવરેજથી 72 વિકેટ લીધી અને 19 ઈનિંગ્સમાં બેટિંગ કરતાં કુલ 184 રન બનાવ્યા હતા.