રવિચંદ્રન અશ્વિને ઈન્ટરનેશનલ ક્રિકેટને કહ્યું અલવિદા, ગાબા ટેસ્ટ પૂરી થતા જ કરી જાહેરાત

ભારતના ઓફ સ્પિનર રવિચંદ્રન  અશ્વિને ઈન્ટરનેશનલ ક્રિકેટમાંથી નિવૃત્તિ લઈ લીધી છે. ગાબા ટેસ્ટ પૂરી થતાં જ અશ્વિને નિવૃત્તિ જાહેર કરી દીધી હતી. રવિચંદ્રન અશ્વિન ભારતીય ટેસ્ટ ઈતિહાસમાં અત્યાર સુધીના સૌથી સફળ બોલરોમાંથી એક રહ્યો છે. આ પ્રવાસમાં તેને અત્યાર સુધી માત્ર એક જ મેચ રમવાની તક મળી છે. એડિલેડ બાદ તે ગાબા ટેસ્ટમાંથી બહાર થઈ ગયો હતો. ગાબા ટેસ્ટ દરમિયાન અશ્વિન ટીમ ઈન્ડિયાના ખેલાડીઓને ગળે લગાવતો જોવા મળ્યો હતો. તેણે કેપ્ટન રોહિત શર્મા અને વિરાટ કોહલીને ગળે લગાવ્યા. અશ્વિને હેડ કોચ ગંભીર સાથે પણ લાંબા સમય સુધી વાત કરી અને પછી પ્રેસ કોન્ફરન્સમાં આવીને નિવૃત્તિની જાહેરાત કરી.

X પર જુઓ

અશ્વિનની ઈન્ટરનેશનલ કારકિર્દી

રવિચંદ્રન અશ્વિને ટેસ્ટ ક્રિકેટમાં 106 મેચમાં 537 વિકેટ લીધી હતી. તેના નામે 37 ફાઈફર છે અને તેણે 8 વખત મેચમાં 10 વિકેટ લીધી છે. અશ્વિને 156 ODI વિકેટ પણ લીધી હતી. અશ્વિને T20Iમાં 72 વિકેટ લીધી હતી. તેણે તેની ઈન્ટરનેશનલ કારકિર્દીમાં કુલ 765 વિકેટ ઝડપી હતી. અશ્વિને બેટ્સમેન તરીકે પણ પોતાની છાપ છોડી હતી. ટેસ્ટ ક્રિકેટમાં તેના નામે 3503 રન છે અને તેણે કુલ 6 ટેસ્ટ સદી ફટકારી છે. ફર્સ્ટ ક્લાસ ક્રિકેટમાં તેની કુલ 8 સદી હતી.

X પર જુઓ

અશ્વિને તેની કારકિર્દીમાં શું મેળવ્યું?

• અશ્વિન ટેસ્ટ ક્રિકેટમાં સૌથી ઝડપી 250, 300 અને 350 વિકેટ લેનાર ખેલાડી છે.
• અશ્વિન ભારત માટે સૌથી ઝડપી 50, 100, 150, 200, 250, 300, 350, 400, 450 અને 500 ટેસ્ટ વિકેટ હાંસલ કરનાર ખેલાડી છે.
• અશ્વિને ચાર મેચમાં એક સદી અને પાંચ વિકેટ લેવાનો રેકોર્ડ બનાવ્યો છે. આ સિદ્ધિ મેળવનાર તે એકમાત્ર ભારતીય છે.
• અશ્વિન એક સિઝનમાં સૌથી વધુ 82 વિકેટ ઝડપનાર ખેલાડી છે.
• અશ્વિને ટેસ્ટ ક્રિકેટમાં સૌથી વધુ લેફ્ટી બેટ્સમેનોને આઉટ કર્યા હતા.
• અશ્વિને ભારતમાં સૌથી વધુ 383 વિકેટ ઝડપી છે.
• અશ્વિન ટેસ્ટ ક્રિકેટમાં સૌથી વધુ રેટિંગ પોઈન્ટ ધરાવતો ખેલાડી છે.

અશ્વિને તેની કારકિર્દીમાં શું જીત્યું?

• અશ્વિને બે વખત એશિયા કપ જીત્યો હતો, 2010 અને 2016માં તે ચેમ્પિયન ટીમ ઈન્ડિયાનો ભાગ હતો.
• 2011માં વર્લ્ડ કપ જીતનાર ટીમ ઈન્ડિયાનો ભાગ હતો.
• 2013માં અશ્વિન ચેમ્પિયન્સ ટ્રોફી જીતનારી ટીમ ઈન્ડિયામાં હતો.
• અશ્વિન 2016માં ICC મેન્સ ક્રિકેટર ઓફ ધ યર બન્યો હતો
• 2016માં જ અશ્વિન ICC મેન્સ ટેસ્ટ ક્રિકેટર ઓફ ધ યર પણ બન્યો હતો.
• અશ્વિનને 2015માં અર્જુન એવોર્ડ મળ્યો હતો.
• અશ્વિનને 2011થી 2020ના દાયકાની ટેસ્ટ ટીમમાં સ્થાન મળ્યું છે.