ક્રિકેટર યશ દયાલની થશે ધરપકડ? રાજસ્થાન હાઈકોર્ટે દુષ્કર્મના કેસમાં જામીન પર રોક લગાવવાનો કર્યો ઈનકાર
છેલ્લું અપડેટ : 07 Aug 2025
IPL ચેમ્પિયન રોયલ ચેલેન્જર બેંગલુરુ (RCB) ના ફાસ્ટ બોલર યશ દયાલને સગીર છોકરી પર દુષ્કર્મના કેસમાં રાજસ્થાન હાઈકોર્ટમાંથી રાહત નથી મળી. જજ સુદેશ બંસલની કોર્ટે કહ્યું કે પીડિતા સગીર છે, તેથી ધરપકડ અને પોલીસ કાર્યવાહી રોકી નથી શકાતી.
હાઈકોર્ટે યશ દયાલની ધરપકડ રોકવાનો ઈનકાર કર્યો
કોર્ટે કેસ ડાયરી મંગાવી છે અને આગામી સુનાવણી 22 ઓગસ્ટના રોજ નક્કી કરી છે. ક્રિકેટર યશ દયાલના વકીલ કુણાલ જૈમને કહ્યું કે, "ગાઝિયાબાદમાં એક છોકરીએ પણ દુષ્કર્મનો કેસ દાખલ કર્યો હતો, જેને અલ્હાબાદ હાઈકોર્ટે સ્ટે આપ્યો હતો. આના સાત દિવસ પછી, બીજી છોકરીએ જયપુરમાં કેસ દાખલ કર્યો છે."
આ કેસમાં આખી ગેંગ સક્રિય છે. આ ગેંગ આવા કેસ નોંધાવીને બ્લેકમેલ કરવા માંગે છે. સાંગાનેર પોલીસ સ્ટેશનના અધિકારી અનિલે કહ્યું કે જયપુરની છોકરી ક્રિકેટ રમતી વખતે યશ દયાલના સંપર્કમાં આવી હતી.
એવો આરોપ છે કે યશે લગભગ બે વર્ષ પહેલા જ્યારે તે સગીર હતી ત્યારે તેને ક્રિકેટમાં કારકિર્દી બનાવવાની લાલચ આપીને દુષ્કર્મ કર્યું હતું. IPL 2025 મેચ દરમિયાન પણ યશ પર જયપુરની એક હોટલમાં બોલાવીને એક છોકરી પર દુષ્કર્મ કરવાનો આરોપ છે. છોકરી સાથે પહેલીવાર દુષ્કર્મ થયું ત્યારે તે 17 વર્ષની હતી. આવી સ્થિતિમાં, પોલીસે POCSO એક્ટ હેઠળ કેસ નોંધ્યો હતો.
નોંધનીય છે કે દયાલ બે વર્ષ પહેલા તેના ઇન્સ્ટાગ્રામ એકાઉન્ટ પર કથિત રીતે સાંપ્રદાયિક સ્ટોરી પોસ્ટ કરવા બદલ વિવાદમાં હતો. જ્યારે વિવાદ વધ્યો ત્યારે તેણે સ્ટોરી દૂર કરી દીધી. બાદમાં, દયાલે સ્પષ્ટતા કરી કે, "મારા ઇન્સ્ટાગ્રામ એકાઉન્ટ પરથી બે સ્ટોરી પોસ્ટ કરવામાં આવી હતી. હું કહેવા માંગુ છું કે મેં આ સ્ટોરી નથી પોસ્ટ કરી."
