2026 T20 WC: T20 વર્લ્ડ કપમાં ભારત સામે ટકરાશે આ ટીમ, થઈ ગઈ ક્વોલિફાય

આવતા 4 મહિનામાં એટલે કે 2026માં ભારત અને શ્રીલંકા સંયુક્ત રીતે ક્રિકેટના T20 વર્લ્ડ કપનું આયોજન કરવા જઈ રહ્યું છે. આ T20 વર્લ્ડ કપમાં રમવા માટે નામિબિયા ક્વોલિફાય થઈ ગયું છે. નામિબિયા T20 વર્લ્ડ કપ 2026 માટે ક્વોલિફાય થનારી 16મી ટીમ બની છે. નામિબિયાએ આફ્રિકા રિજનલ ક્વોલિફાયર્સની સેમિફાઇનલમાં તાંઝાનિયાને 63 રનથી હરાવીને વર્લ્ડ કપ ટુર્નામેન્ટમાં સ્થાન મેળવ્યું છે.

આ પણ વાંચો :

Women cricket wc: ટીમ ઇન્ડિયા બાંગ્લાદેશથી પાછળ, હાલની પોઈન્ટ ટેબલની સ્થિતિ

IND vs WI / શુભમન ગિલે અડધી સદી ફટકારી કર્યું મોટું કારનામું, 47 વર્ષ જૂના રેકોર્ડની કરી બરાબરી

T20 વર્લ્ડ કપમાં આફ્રિકન ટીમ માટે વધુ એક સ્થાન બાકી

હવે T20 વર્લ્ડ કપમાં આફ્રિકન ટીમ માટે વધુ એક સ્થાન બાકી છે. ઝિમ્બાબ્વે અને કેન્યામાંથી ફક્ત એક જ ટીમ વર્લ્ડ કપ માટે ક્વોલિફાય થશે. ઝિમ્બાબ્વે અને કેન્યા બીજા સેમિફાઇનલમાં એકબીજાનો સામનો કરશે, જેમાં વિજેતા 2026 T20 વર્લ્ડ કપ માટે ક્વોલિફાય થશે. T20 વર્લ્ડ કપ માટે નામિબિયાની આ ચોથી બિડ હશે. અગાઉ ટીમ 2021, 2022 અને 2024 વર્લ્ડ કપમાં ભાગ લઈ ચૂકી છે.

આ 16 ટીમો થઈ ક્વોલિફાય થઈ 

નામિબિયા પહેલા 15 ટીમો T20 વર્લ્ડ કપ માટે ક્વોલિફાય થઈ ચૂકી છે, અને કુલ 10 ટીમો ટુર્નામેન્ટમાં ભાગ લેશે. અંતિમ ત્રણ વર્લ્ડ કપ ટીમો એશિયા અને પૂર્વ પેસિફિક ક્વોલિફાયરમાંથી પસંદ કરવામાં આવશે. આ ક્વોલિફાયર ટુર્નામેન્ટ 8 ઓક્ટોબરથી શરૂ થવાની છે. જાપાન, કુવૈત, મલેશિયા, નેપાળ, ઓમાન, પાપુઆ ન્યુ ગિની, કતાર, સમોઆ અને UAE તેમાં ભાગ લેશે.

અત્યાર સુધી ક્વોલિફાય થયેલી બધી ટીમોની યાદી

ભારત, શ્રીલંકા, અફઘાનિસ્તાન, ઓસ્ટ્રેલિયા, બાંગ્લાદેશ, દક્ષિણ આફ્રિકા, ઇંગ્લેન્ડ, વેસ્ટ ઇન્ડીઝ, યુએસએ, પાકિસ્તાન, ન્યુઝીલેન્ડ, આયર્લેન્ડ, કેનેડા, નેધરલેન્ડ, ઇટાલી અને નામિબિયા. ઇટાલી પહેલીવાર T20 વર્લ્ડ કપમાં રમશે. આવતા વર્ષે T20 વર્લ્ડ કપ 7 ફેબ્રુઆરીથી 8 માર્ચ દરમિયાન રમાશે.