VIDEO: IPL 2026 માટે સામે આવ્યા તમામ 10 ટીમોના કેપ્ટનના નામ, RRએ આ ખેલાડીને સોંપી કમાન

IPL 2026ની શરૂઆત 28 માર્ચથી થવાની છે. ટુર્નામેન્ટની પહેલી મેચ રોયલ ચેલેન્જર્સ બેંગલુરુ અને સનરાઈઝર્સ હૈદરાબાદ વચ્ચે રમાશે. ટુર્નામેન્ટ શરૂ થાય તે પહેલા અમે તમને જણાવીશું કે આ સિઝનમાં તમામ 10 ટીમોના કેપ્ટન કયા 10 ખેલાડીઓ હશે. આગામી સિઝન માટે તમામ ટીમોના કેપ્ટનની જાહેરાત થઈ ચૂકી છે. ટુર્નામેન્ટ શરૂ થાય તે પહેલા જાણો 19મી સિઝનમાં કઈ ટીમનું કેપ્ટન કોણ બનશે.

આ પણ વાંચો :

ઓસ્ટ્રેલિયાના પૂર્વ કેપ્ટને કરી જસપ્રીત બુમરાહની પ્રશંસા, કહ્યું- 'તેના જેવો યોર્કર દુનિયામાં કોઈ નથી ફેંકતું'

Naman Awards / રાહુલ દ્રવિડથી લઈને ગિલ-હર્ષિત સુધી આ ખેલાડીઓના થશે સન્માન, જાણો એવોર્ડ્સ વિજેતાઓની સંપૂર્ણ યાદી

મુંબઈ અને ચેન્નાઈનું કેપ્ટન કોણ?

આ પણ વાંચો :

VIDEO: લગ્નના બંધનમાં બંધાયા કુલદીપ અને વંશિકા, સોશિયલ મીડિયા પર વાયરલ થયા ફોટો અને વીડિયો

VIDEO: ટેસ્ટ ક્રિકેટના 149 વર્ષ પૂર્ણ, જાણો ક્યાં અને કઈ બે ટીમો વચ્ચે રમાઈ હતી પહેલી મેચ

મુંબઈ ઈન્ડિયન્સ અને ચેન્નાઈ સુપર કિંગ્સ IPL ઈતિહાસની બે સૌથી સફળ ટીમો છે. હાર્દિક પંડ્યા આ વખતે પણ મુંબઈ ઈન્ડિયન્સની કેપ્ટનશિપ કરશે. હાર્દિક છેલ્લી બે સિઝનથી MIની કેપ્ટનશિપ કરી રહ્યો છે. મુંબઈ ઈન્ડિયન્સે પાંચ વખત IPL ટાઈટલ જીત્યું છે, જ્યારે ચેન્નાઈ સુપર કિંગ્સ પણ પાંચ વખત ચેમ્પિયન રહી છે. આ સિઝનમાં CSK ફરી એકવાર ઋતુરાજ ગાયકવાડના નેતૃત્વમાં રમશે. ગઈ સિઝનમાં ઋતુરાજ ગાયકવાડે કેટલીક મેચોમાં કેપ્ટનશિપ કરી હતી. ગાયકવાડની ઈજા બાદ ધોનીએ કમાન સંભાળી હતી.

રાજસ્થાન રોયલ્સે યુવા કેપ્ટન પર વિશ્વાસ વ્યક્ત કર્યો છે

MI અને CSK પછી કોલકાતા નાઈટ રાઈડર્સ IPL ઈતિહાસમાં ત્રીજી સૌથી સફળ ટીમ છે. તેણે અત્યાર સુધીમાં ત્રણ IPL ટાઈટલ જીત્યું છે. આ વર્ષે, KKRનું નેતૃત્વ અજિંક્ય રહાણે કરશે. રહાણેએ ગયા વર્ષે પણ કોલકાતા નાઈટ રાઈડર્સની  કેપ્ટનશિપ કરી હતી, પરંતુ તેની ટીમ ટોપ ચારમાં પહોંચવામાં નિષ્ફળ રહી હતી. શરૂઆતના IPL ચેમ્પિયન રાજસ્થાન રોયલ્સનું નેતૃત્વ આ વર્ષે રિયાન પરાગ કરશે. રિયાને ગઈ સિઝનમાં સંજુ સેમસનની ગેરહાજરીમાં કેટલીક મેચોમાં કેપ્ટનશિપ કરી હતી, તેથી તેની પાસે કેપ્ટનશિપનો અનુભવ પણ છે.

રજત પાટીદાર RCBની કેપ્ટનશિપ કરશે

સનરાઈઝર્સ હૈદરાબાદ આ સિઝનમાં પેટ કમિન્સની કેપ્ટનશિપમાં રમશે. ગુજરાત ટાઈટન્સે ફરી એકવાર શુભમન ગિલ પર વિશ્વાસ વ્યક્ત કર્યો છે. ગિલ છેલ્લી બે સિઝનથી ટીમની કેપ્ટનશિપ કરી રહ્યો છે અને આ વખતે પણ કેપ્ટન રહેશે. જયારે ડિફેન્ડિંગ ચેમ્પિયન રોયલ ચેલેન્જર્સ બેંગલુરુ ફરી એકવાર રજત પાટીદારના નેતૃત્વમાં રમશે, તેણે ગઈ સિઝનમાં RCBને પ્રથમ IPL ટાઈટલ અપાવ્યું હતું. આ ત્રણેય ટીમો પાસે એક-એક ટ્રોફી છે.

ત્રણ કેપ્ટન પાસે તેમની ટીમને પ્રથમ IPL ટ્રોફી અપાવવાની તક

ગઈ સિઝનના રનર-અપ, પંજાબ કિંગ્સનું નેતૃત્વ ફરી એકવાર શ્રેયસ અય્યર કરશે. અય્યરની કેપ્ટનશિપ હેઠળ ટીમ ગઈ સિઝનમાં ફાઈનલમાં પહોંચી હતી. પંજાબ હજુ સુધી ટ્રોફી નથી જીતી શક્યું. દરમિયાન, દિલ્હી કેપિટલ્સ પણ તેની પ્રથમ IPL ટ્રોફીની રાહ જોઈ રહી છે. આ સિઝનમાં અક્ષર પટેલ DCનું નેતૃત્વ કરશે. રિષભ પંત ફરી એકવાર લખનૌ સુપર જાયન્ટ્સનું નેતૃત્વ કરશે. પંતે ગઈ સિઝનમાં પણ LSGનું નેતૃત્વ કર્યું હતું.