Asia Cupમાં પાણી પીવડાવતા રહી જશે 4 ખેલાડીઓ! આ પ્લેઈંગ ઈલેવન સાથે મેદાનમાં ઉતરી શકે છે ભારતીય ટીમ

આતુરતાનો અંત આવ્યો છે. એશિયા કપ 2025 માટે આખરે ભારતીય ટીમની જાહેરાત કરવામાં આવી છે. મંગળવારે BCCI હેડક્વાર્ટરમાં યોજાયેલી મીટિંગ બાદ, ચીફ સિલેક્ટર અજિત અગરકર અને કેપ્ટન સૂર્યકુમાર યાદવે પ્રેસ કોન્ફરન્સ યોજી હતી.

આ પણ વાંચો :

રિષભ પંતના ઈજાગ્રસ્ત થયા બાદ હવે BCCI એ લીધો મોટો નિર્ણય, લાગુ કર્યો નવો નિયમ

'રોહિત 45 વર્ષની ઉંમર સુધી રમી શકે છે', યોગરાજે ODI કેપ્ટનને પાંચ વર્ષ વધુ રમવાનું કર્યું સમર્થન

આ દરમિયાન, આ જોડીએ ટીમની જાહેરાત કરી અને મીડિયાના પ્રશ્નોના જવાબ પણ આપ્યા. અજિત અગરકરે જણાવ્યું કે શુભમન ગિલને વાઈસ કેપ્ટનની જવાબદારી સોંપવામાં આવી છે. ટીમની જાહેરાત બાદ, ફેન્સના મનમાં પ્રશ્નો ઉભા થવા લાગ્યા છે કે UAEમાં યોજાનારી મેચોમાં ભારતીય ટીમ કઈ પ્લેઈંગ ઈલેવન સાથે રમી શકે છે.

ઓપનિંગ માટે 3 વિકલ્પો

ઓપનિંગ કોમ્બિનેશન વિશે અજિત અગરકરે પ્રેસ કોન્ફરન્સમાં કહ્યું, "શુભમન ગિલ અને સંજુ સેમસન બે ઉત્તમ ઓપનિંગ વિકલ્પો છે. અભિષેક શર્મા પણ ટીમમાં છે. કેપ્ટન અને કોચ દુબઈ પહોંચ્યા પછી ઓપનિંગ જોડી અંગે નિર્ણય લેશે."

આ પણ વાંચો :

મેન્સ બાદ હવે ભારતની વિમેન્સ ટીમની પણ થઈ જાહેરાત, હરમનપ્રીત કૌર કેપ્ટન તો સ્મૃતિ મંધાના બની ઉપ-કપ્તાન

શ્રેયસ અને યશસ્વીને એશિયા કપની ટીમમાં કેમ ન મળ્યું સ્થાન? ચીફ સિલેક્ટર અજિત અગરકરે આપ્યો જવાબ

આવી સ્થિતિમાં, અભિષેક શર્મા અને શુભમન ગિલ ઈનિંગ ઓપન કરી શકે તેવી શક્યતા વધુ છે. તિલક વર્માને નંબર 3 પર તક મળી શકે છે. જ્યારે કેપ્ટન સૂર્યકુમાર યાદવ નંબર 4 પર બેટિંગ કરવા આવી શકે છે.

જિતેશ શર્મા વિકેટ કીપિંગ હોઈ શકે છે

વિકેટ કીપિંગની જવાબદારી જીતેશ શર્માને સોંપવામાં આવી શકે છે. તે ટીમમાં ફિનિશરની ભૂમિકા પણ ભજવશે. ભારતીય ટીમ પ્લેઈંગ ઈલેવનમાં 2 ઓલરાઉન્ડરને અજમાવી શકે છે. હાર્દિક પંડ્યા અને અક્ષર પટેલ બોલિંગની સાથે બેટિંગ કરવામાં પણ સક્ષમ છે.

આ ઉપરાંત, કેપ્ટન અને હેડ કોચ ગૌતમ ગંભીર 2 સ્પિનર અને 2 પેસર પર વિશ્વાસ કરી શકે છે. કુલદીપ યાદવ અને વરુણ ચક્રવર્તી સ્પિન વિભાગ સંભાળી શકે છે. જ્યારે ફાસ્ટ બોલિંગની જવાબદારી જસપ્રીત બુમરાહ અને અર્શદીપ સિંહના ખભા પર હોઈ શકે છે.

ભારતની સંભવિત પ્લેઈંગ ઈલેવન

અભિષેક શર્મા, શુભમન ગિલ, તિલક વર્મા, સૂર્યકુમાર યાદવ, જીતેશ શર્મા, હાર્દિક પંડ્યા, અક્ષર પટેલ, કુલદીપ યાદવ, વરુણ ચક્રવર્તી, જસપ્રીત બુમરાહ, અર્શદીપ સિંહ.

એશિયા કપ 2025 માટે ભારતીય ટીમ

સૂર્યકુમાર યાદવ (કેપ્ટન), શુભમન ગિલ (વાઈસ કેપ્ટન), અભિષેક શર્મા, તિલક વર્મા, હાર્દિક પંડ્યા, શિવમ દુબે, અક્ષર પટેલ, જીતેશ શર્મા, જસપ્રીત બુમરાહ, વરુણ ચક્રવર્તી, અર્શદીપ સિંહ, કુલદીપ યાદવ, સંજુ સેમસન, હર્ષિત રાણા, રિંકુ સિંહ.

સ્ટેન્ડબાય ખેલાડી

પ્રસિદ્ધ કૃષ્ણા, યશસ્વી જયસ્વાલ, વોશિંગ્ટન સુંદર, રિયાન પરાગ અને ધ્રુવ જુરેલ.