IND vs NZ / વેલિંગ્ટનમાં ભારત માટે વરસાદ બન્યો વરસાદ, નાનો ટાર્ગેટ ચેઝ કરવામાં સંઘર્ષ કરી રહેલી ટીમ 4 રનથી જીતી

વેલિંગ્ટનમાં વરસાદ ભારતીય ટીમ માટે વરદાન સાબિત થયો. 135 રનનો ટાર્ગેટ ચેઝ કરવા ઉતરેલી ભારતીય ટીમે 26 ઓવરમાં 113 રનમાં સાત વિકેટ ગુમાવી દીધી હતી. ત્યારબાદ મેદાન પર વરસાદ શરૂ થયો. DLS પદ્ધતિ દ્વારા ભારત 4 રન આગળ હતું. મેચ ફરી શરૂ ન થઈ શકી અને ભારતને વિજેતા જાહેર કરવામાં આવ્યું.

પ્રથમ બેટિંગ કરતા ન્યુઝીલેન્ડ ફક્ત 134 રનમાં સમેટાઈ ગયું વરસાદને કારણે મેચ 47-47 ઓવરની કરવામાં આવી હતી, પરંતુ ન્યુઝીલેન્ડ માત્ર 41 ઓવરમાં જ ઓલઆઉટ થઈ ગયું.

ટાર્ગેટ ચેઝ કરવા ઉતરેલી ભારતીય ટીમનો કોઈપણ બેટ્સમેન મોટી ઈનિંગ ન રમી શક્યો. ન્યુઝીલેન્ડના બોલર્સે મેચમાં ઉત્સાહ જાળવી રાખ્યો. એક સમયે ભારતને 22 રનની જરૂર હતી, અને ન્યુઝીલેન્ડને જીતવા માટે ત્રણ વિકેટની જરૂર હતી.

ત્યાંથી, કોઈપણ મેચ જીતી શકે તેમ હતું. પરંતુ પછી વરસાદ શરૂ થયો. વરસાદને કારણે મેચ ફરી શરૂ ન થઈ શકી અને ભારતે DLS પદ્ધતિનો ઉપયોગ કરીને 4 રનથી જીત મેળવી.

ભારતીય બોલર્સ ચમક્યા

મેચમાં કેપ્ટન શુભમન ગિલે ટોસ જીતીને પ્રથમ બોલિંગ કરવાનો નિર્ણય લીધો, જે નિર્ણય ભારતીય બોલર્સે સાચો સાબિત કર્યો. આકિબ નબીએ બીજી ઓવરમાં ટિમ સાઈફર્ટને આઉટ કર્યો. સાઈફર્ટ પોતાનું ખાતું ખોલવામાં નિષ્ફળ ગયો.

ત્યારબાદ નબીએ વિલ યંગને આઉટ કર્યો, જે ફક્ત 6 રન બનાવીને આઉટ થયો હતો. અંશુલ કંબોજે નવમી ઓવરમાં હેનરી નિકોલ્સને બોલ્ડ કર્યો, જે ફક્ત 11 રન બનાવી શક્યો.

ચોથા નંબર પર આવતા ડેરિલ મિચેલે એક છેડો પકડી રાખ્યો. જોકે, બીજા છેડે વિકેટ પડતી રહી. ગુરનુર બરારે એક જ ઓવરમાં ટોમ લાથમ અને ગ્લેન ફિલિપ્સને આઉટ કર્યા, જેનાથી ન્યુઝીલેન્ડનો સ્કોર 53/5 થઈ ગયો.

સાતમા નંબર પર આવતા કેપ્ટન મિચેલ સેન્ટનરે ડેરિલ મિચેલ સાથે ઈનિંગને સ્થિર કરી અને ટીમને 100 રનની પાર પહોંચાડી. બંનેએ 90 બોલમાં 59 રનની પાર્ટનરશિપ કરી.

અક્ષર પટેલે મિચેલને આઉટ કરીને પાર્ટનરશિપ તોડી. ન્યુઝીલેન્ડની ઈનિંગ ઝડપથી સમાપ્ત થયો. બરારે ચાર વિકેટ લીધી. કંબોજ, અક્ષર અને નબીએ બે-બે વિકેટ લીધી. આ જીત સાથે ભારતે સિરીઝ જીત તરફ વધુ એક પગલું ભર્યું.