IND vs SL / કોલંબો ટેસ્ટમાં ભારતે 503 રને ડિક્લેર કરી પહેલી ઈનિંગ, પડિક્કલ બાદ ધ્રુવ જુરેલે પણ ફટકારી સદી
છેલ્લું અપડેટ : 24 Aug 2026
ભારત અને શ્રીલંકા વચ્ચે ટેસ્ટ સિરીઝની બીજી મેચ કોલંબોના સિંહાલીઝ સ્પોર્ટ્સ ક્લબ (SSC) ખાતે રમાઈ રહી છે. આજે (24 ઓગસ્ટ) મેચનો બીજો દિવસ છે. ભારતીય ટીમ પોતાની પહેલી ઈનિંગમાં બેટિંગ કરી રહી હતી. ટી બ્રેક પછી પછી ધ્રુવ જુરેલે પોતાની ટેસ્ટ કારકિર્દીની બીજી સદી ફટકારી. તેણે 100 રન સુધી પહોંચવા માટે 171 બોલનો સામનો કર્યો. ભારતે 500નો આંકડો પાર કર્યો અને 503 રન પર પોતાની ઈનિંગ ડિક્લેર કરી.
આવું રહ્યું ભારતનું બેટિંગ પ્રદર્શન
કોલંબો ટેસ્ટનો પહેલો દિવસ ભારતની તરફેણમાં હતો. ટોસ જીતીને પ્રથમ બેટિંગ કરવાનો નિર્ણય લીધા બાદ, દેવદત્ત પડિક્કલે ભારતીય ટીમ માટે 117 રનની શાનદાર ઈનિંગ રમી. પડિક્કલે 193 બોલનો સામનો કર્યો અને 12 ચોગ્ગા ફટકાર્યા. પડિક્કલે પોતાની સતત બીજી ટેસ્ટ મેચમાં સદી ફટકારી. આ દરમિયાન, કેપ્ટન શુભમન ગિલે 108 બોલમાં છ ચોગ્ગા ફટકારીને 50 રન બનાવ્યા. યશસ્વી જયસ્વાલ (45 રન) અને રવિન્દ્ર જાડેજા (43 રન) એ પણ ઉપયોગી ઈનિંગ્સ રમી. પહેલા દિવસે રિષભ પંત રિટાયર્ડ હર્ટ થતાં ભારતનું ટેન્શન વધી ગયું હતું.
બીજા દિવસે, ભારતને શરૂઆતમાં જ ઝટકો લાગ્યો જ્યારે સારાંશ જૈન (6 રન) અસિતા ફર્નાન્ડોના હાથે આઉટ થયો. સારાંશના આઉટ થયા બાદ, રિષભ પંત બેટિંગમાં પાછો ફર્યો. પંત અને ધ્રુવ જુરેલે સાતમી વિકેટ માટે 112 રનની પાર્ટનરશિપ કરી. આ પાર્ટનરશિપ દરમિયાન, પંતે 81 બોલમાં પોતાની ફિફ્ટી પૂરી કરી, જ્યારે જુરેલે 97 બોલમાં આ સિદ્ધિ મેળવી.
केशरा नुवांथा ने ऋषभ पंत को आउट कर इस साझेदारी को ब्रेक किया. पंत ने 89 बॉल पर 63 रन बनाए, जिसमें 6 चौके और 2 छक्के शामिल रहे. मानव सुथार (18 रन) ज्यादा योगदान नहीं दे पाए और उन्हें प्रभात जयसूर्या ने अपनी फिरकी में फंसाया.
કેસરા નુવાંથાએ રિષભ પંતને આઉટ કરીને આ પાર્ટનરશિપ તોડી. પંતે 89 બોલમાં 63 રન બનાવ્યા, જેમાં છ ચોગ્ગા અને બે છગ્ગાનો સમાવેશ થાય છે. માનવ સુથાર (18 રન) ખાસ યોગદાન આપવામાં નિષ્ફળ ગયો અને પ્રભાત જયસૂર્યાના હાથે કેચ આઉટ થયો.
