IND-W vs AUS-W / આજથી શરૂ થઈ રહી છે પિંક બોલ ટેસ્ટ, કેપ્ટન હરમનપ્રીત અને સ્મૃતિ પર હશે બધાની નજર
છેલ્લું અપડેટ : 06 Mar 2026
ODI સિરીઝમાં કારમી હાર બાદ ભારતીય વિમેન્સ ટીમે લગભગ પાંચ વર્ષમાં પહેલીવાર આજથી (6 માર્ચ) શરૂ થઈ રહેલી એકમાત્ર ડે-નાઈટ ટેસ્ટ મેચમાં ઓસ્ટ્રેલિયા સામે ટકરાશે, આ મેચ ઓસ્ટ્રેલિયાના પર્થમાં રમાશે. આ મેચમાં જીત મેળવવા માટે ટીમની સિનીયર ખેલાડીઓએ સારું પ્રદર્શન કરવું પડશે.
આ મેચ ઓસ્ટ્રેલિયા સામેની મલ્ટી-ફોર્મેટ સિરીઝના સમાપનનું પણ ચિહ્ન છે, જેમાં ભારતે T20 સિરીઝ 2-1થી જીતી હતી, જ્યારે ઓસ્ટ્રેલિયાએ ODI સિરીઝ 3-0થી જીતી હતી. છેલ્લી પાંચ ટેસ્ટ મેચોમાં અજેય રહ્યા બાદ ભારતનો આત્મવિશ્વાસ વધુ હશે. હરમનપ્રીત કૌરની આગેવાની હેઠળની ટીમે ડિસેમ્બર 2023 અને જુલાઈ 2024 વચ્ચે સતત ત્રણ ટેસ્ટ મેચ જીતી હતી, જેમાં ઘરઆંગણે ઈંગ્લેન્ડ, ઓસ્ટ્રેલિયા અને સાઉથ આફ્રિકા સામેની જીનો સમાવેશ થાય છે.
ભારતની છેલ્લી બે વિદેશ ટેસ્ટ મેચ 2021માં ઈંગ્લેન્ડ અને ઓસ્ટ્રેલિયા સામે ડ્રો થઈ હતી. તેણે તે વર્ષના સપ્ટેમ્બર-ઓક્ટોબરમાં ઓસ્ટ્રેલિયા સામે ડે-નાઈટ ટેસ્ટ મેચ રમી હતી, જેમાં સ્મૃતિ મંધાનાએ સદી ફટકારી હતી. ઓસ્ટ્રેલિયા હાલમાં આ મલ્ટી-ફોર્મેટ સિરીઝમાં 8-4થી આગળ છે.
T20 સિરીઝ હાર્યા બાદ ઓસ્ટ્રેલિયા 2-4થી પાછળ હતું, પરંતુ તેણે શાનદાર વાપસી કરી અને ત્રણેય ODI જીતી લીધી. T20 અને ODI બંનેની મેચ જીતવા માટે બે પોઈન્ટ દાવ પર હતા, જ્યારે ટેસ્ટ મેચ જીતનારને ચાર પોઈન્ટ મળશે. જો ભારત જીતે છે, તો તેઓ ઓછામાં ઓછી સિરીઝ ડ્રો કરી શકે છે.
