IND vs ENG / ઈંગ્લેન્ડે જીત્યો ટોસ, પહેલા બોલિંગ કરવાનો લીધો નિર્ણય; ભારતની પ્લેઈંગ ઈલેવનમાં એક બદલાવ

ભારત અને ઈંગ્લેન્ડ વચ્ચે ચાલી રહેલી ત્રણ મેચની ODI સિરીઝની બીજી મેચ આજે (16 જુલાઈ) કાર્ડિફના સોફિયા ગાર્ડન્સ ખાતે રમાઈ રહી છે. ઈંગ્લેન્ડના કેપ્ટન હેરી બ્રુકે ટોસ જીતીને પહેલા બોલિંગ કરવાનો નિર્ણય લીધો. શુભમન ગિલની આગેવાની હેઠળની ટીમ ઈન્ડિયાએ પ્રથમ ODIમાં ઈંગ્લેન્ડને છ વિકેટથી હરાવીને સિરીઝમાં 1-0ની લીડ મેળવી હતી. હવે, ટીમ ઈન્ડિયા બીજી મેચ જીતીને સિરીઝ પર કબજો કરવાનો પ્રયાસ કરશે, જ્યારે ઈંગ્લેન્ડ વાપસી કરવાનો પ્રયાસ કરશે. બંને ટીમો વચ્ચે કટ્ટર સ્પર્ધાની અપેક્ષા છે. આ મેચમાં ભારતની પ્લેઈંગ ઈલેવનમાં એક બદલાવ કરવામાં આવ્યો છે. વિકેટ કીપર બેટ્સમેન કેએલ રાહુલ બીમાર હોવાના કારણે તેના સ્થાને ઈશાન કિશનને જગ્યા મળી છે.

બંને ટીમોની પ્લેઈંગ ઈલેવન

ભારત: શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ અય્યર, વોશિંગ્ટન સુંદર, ઈશાન કિશન (વિકેટકીપર), અક્ષર પટેલ, શિવમ દુબે, પ્રસિદ્ધ કૃષ્ણા, જસપ્રીત બુમરાહ, ગુરનુર બરાર.

ઈંગ્લેન્ડ: બેન ડકેટ, જેકબ બેથેલ, જો રૂટ, હેરી બ્રુક (કેપ્ટન), જોસ બટલર (વિકેટકીપર), સેમ કરન, વિલ જેક્સ, ગસ એટકિન્સન, જોફ્રા આર્ચર, સાકિબ મહમૂદ, આદિલ રશીદ.