VIDEO: ગુજરાત ટાઈટન્સને ખબર પડી ગઈ વૈભવ સૂર્યવંશીની નબળાઈ? આઉટ કરવા માટે બનાવ્યો ખાસ પ્લાન
છેલ્લું અપડેટ : 29 May 2026
ગુજરાત ટાઈટન્સના આસિસ્ટન્ટ કોચ પાર્થિવ પટેલે રાજસ્થાન રોયલ્સના આક્રમક ઓપનિંગ બેટ્સમેન વૈભવ સૂર્યવંશીના શાનદાર ફોર્મના વખાણ કર્યા છે. IPL 2026નો બીજો ક્વોલિફાયર મુકાબલો 29 મે શુક્રવારના રોજ ગુજરાત ટાઈટન્સ અને રાજસ્થાન રોયલ્સ વચ્ચે રમાશે. બંને ટીમો શાનદાર ફોર્મમાં છે અને ફેન્સને પૈસા વસૂલ મેચ જોવા મળી શકે છે. આ આગામી મુકાબલામાં એકવાર ફરી વૈભવ સૂર્યવંશીની બેટિંગ પર બધાની નજર રહેશે, જે આ સિઝનમાં સૌથી વધુ રન બનાવનાર બેટ્સમેન છે. આગામી મેચ પહેલા ગુજરાતના આસિસ્ટન્ટ કોચ પાર્થિવ પટેલે જણાવ્યું કે ગુજરાતની ટીમ વૈભવનો સામનો કરવા માટે કેટલીક વ્યૂહનીતિ બનાવી રહી છે.
...પ્લાન જ મેચનું પરિણામ નક્કી કરશે
પાર્થિવ પટેલે કહ્યું છે કે, ગુજરાત ટાઈટન્સની ટીમે યુવા બેટ્સમેનના વીડિયો જોયા છે અને અન્ય ટીમની જેમ તેઓ પણ તેને મેચમાં ઝડપથી આઉટ કરવાનો પ્રયાસ કરશે. જોકે પાર્થિવ પટેલે પોતાની સચોટ વ્યૂહનીતિઓને ગુપ્ત રાખી હતી. તેણે કહ્યું કે મેદાન પર આ પ્લાન કેટલા સારી રીતે લાગુ કરવામાં આવે છે, તે જ મેચનું પરિણામ નક્કી કરશે.
'એક અસાધારણ પ્રતિભા'
પાર્થિવ પટેલે મેચની પૂર્વ સંધ્યાએ કહ્યું, "વૈભવ જે રીતે બેટિંગ કરી રહ્યો છે, તેનાથી હું ખૂબ પ્રભાવિત છું. આશા છે કે અમે મેચની શરૂઆતમાં જ તેને આઉટ કરવાનો પ્રયાસ કરીશું. જે રીતે બાકીની તમામ ટીમો વ્યૂહનીતિ બનાવી રહી છે, અમે પણ વીડિયો જોયા છે. આશા છે કે અમે અમારી યોજનાને મેદાન પર લાગુ કરવામાં સફળ રહીશું. પરંતુ તે પ્લાન શું છે, તે તો અમે મેદાન પર ઉતરીને જ જણાવી શકીશું. તે એક અસાધારણ પ્રતિભા રહ્યો છે અને જે અંદાજમાં રમી રહ્યો છે તે શાનદાર છે. પરંતુ વિરોધી ટીમ તરીકે અમે કાલે આશા રાખીએ છીએ કે તેનું બેટ ન ચાલે."
'અમારે એ બાબતે વિચારવાની જરૂર નથી કે..'
રોયલ્સ પાસે સૂર્યવંશી અને જોફ્રા આર્ચરના રૂપમાં 'એક્સ ફેક્ટર' છે જ્યારે ટાઈટન્સની ટીમ નિરંતરતા પર નિર્ભર કરે છે. પાર્થિવે કહ્યું, 'જ્યાં સુધી અમને પરિણામ મળી રહ્યા છે ત્યાં સુધી અમારે એ બાબતે વિચારવાની જરૂર નથી કે અમારે એક્સ ફેક્ટર જોઈએ છે કે સાતત્ય. વાત બસ બધી વસ્તુઓને યોગ્ય જગ્યાએ લાવવાની અને પરિણામ મેળવવાની છે." ટાઈટન્સે 2022માં પોતાની ડેબ્યુ સિઝનમાં જ IPL જીત્યું હતું અને ફ્રેન્ચાઈઝીના ઈતિહાસમાં માત્ર એક જ વાર પ્લેઓફમાં જગ્યા નથી બનાવી શકી.
પાર્થિવે કહ્યું, "ગુજરાત ટાઈટન્સની શરૂઆતથી અત્યાર સુધી પાંચમાંથી ચાર વર્ષ અમે ક્વોલિફાય કર્યું છે. પરિણામ બધાની સામે છે. દરેકની રમવાની પોતાની અલગ રીત હોય છે. અમારે રમવાની પોતાની અલગ શૈલી છે. ટુર્નામેન્ટના ફર્સ્ટ હાફમાં પણ અમે બહુ સારું ન હતા કરી રહ્યા. અમે બસ ઠીક-ઠાક રમી રહ્યા હતા. પરંતુ તેમ છતાં અમે અમારી પ્રક્રિયા પર ટકેલા રહ્યા. અમને અમારી ક્ષમતા પર ભરોસો છે. અમે જાણીએ છીએ કે અમે શું કરી શકીએ છીએ. અને આ જ તે વસ્તુ છે જેને અમે કાલે (શુક્રવારે) પણ કરવાનો પ્રયાસ કરીશું.'