વૈભવ સૂર્યવંશીથી લઈને અનાહત સિંહ સુધી, 2026 એશિયન ગેમ્સમાં ભાગ લેનારા પાંચ સૌથી યુવા ભારતીય ખેલાડીઓ
છેલ્લું અપડેટ : 15 Sept 2026
એશિયન ગેમ્સ 2026 હવે થોડા દિવસો દૂર છે. ભારત આ વખતે ગયા વખત કરતાં વધુ મેડલ જીતવાનો પ્રયાસ કરશે. ઘણા સિનિયર અને અનુભવી ખેલાડીઓ આઈચી-નાગોયામાં યોજાનારી એશિયન ગેમ્સમાં ભાગ લેશે, પરંતુ કેટલાક યુવા ખેલાડીઓ પણ પોતાનું નસીબ અજમાવશે. અમે તમને 2026 એશિયન ગેમ્સમાં ભાગ લેનારા પાંચ સૌથી યુવા ભારતીય ખેલાડીઓ વિશે જણાવવા જઈ રહ્યા છીએ જે ચર્ચામાં રહેશે.
ભારતીય ટુકડીએ તાજેતરમાં કોમનવેલ્થ ગેમ્સમાં સારું પ્રદર્શન કર્યું હતું અને એવી અપેક્ષા રાખવામાં આવે છે કે ટીમ ઈન્ડિયા એશિયન ગેમ્સમાં પણ સારું પ્રદર્શન કરશે. ઘણી રમતો જેમાં ભારત મેડલનું દાવેદાર હતું તેને આ વખતે કોમનવેલ્થ ગેમ્સમાં સામેલ નહતી કરવામાં આવી, પરંતુ એશિયન ગેમ્સમાં આવું નથી. તેથી, અહીં વધુ સારા પ્રદર્શનની અપેક્ષા છે.
એશિયન ગેમ્સ 2026માં ભારતના પાંચ સૌથી યુવા એથ્લેટ
વૈભવ સૂર્યવંશી
આમાં એક નામ ખૂબ જ લોકપ્રિય છે. તે છે વૈભવ સૂર્યવંશી. ભારતીય ક્રિકેટ ટીમ આ વખતે પોતાના ગોલ્ડ મેડલને ડિફેન્ડ કરવા ઉતરશે અને બધાની નજર વૈભવ સૂર્યવંશી પર રહેશે. તે સૌથી વધુ ચર્ચામાં રહેલો ખેલાડી છે. વૈભવ ફક્ત 15 વર્ષનો છે અને તેણે દુનિયાને બતાવી દીધું છે કે તે શું કરવા માટે સક્ષમ છે. જો તેનું બેટ જાપાનમાં સારું પ્રદર્શન કરે છે, તો રેકોર્ડ તૂટશે તે ચોક્કસ છે.
અનાહત સિંહ
સ્ક્વોશ ખેલાડી અનાહત સિંહ ફક્ત 18 વર્ષની ઉંમરે જ દુનિયા સમક્ષ પોતાનું કૌશલ્ય બતાવી ચૂકી છે. તેણે વર્લ્ડ જુનિયર સ્ક્વોશ ચેમ્પિયનશિપ જીતીને ઈતિહાસ રચ્યો હતો. તેણે છેલ્લી એશિયન ગેમ્સમાં પણ ભાગ લીધો હતો જ્યારે તે 15 વર્ષની હતી અને બ્રોન્ઝ મેડલ જીત્યો હતો. આ વખતે, તે પોતાના મેડલનો રંગ બદલવાનો પ્રયાસ કરશે.
સિન્ડ્રેલા દાસ
ટેબલ ટેનિસ ખેલાડી સિન્ડ્રેલા દાસ ફક્ત 17 વર્ષની ઉંમરે એશિયન ગેમ્સમાં ભાગ લેશે. તે મહિલા સિંગલ્સમાં ભાગ લેશે, અને બધાની નજર તેના પર રહેશે. સિન્ડ્રેલા અનેક દિગ્ગજ વ્યક્તિઓનો સામનો કરશે, જેમને તે સરળતાથી હરાવી નહીં શકે, પરંતુ તે પડકાર માટે સંપૂર્ણપણે તૈયાર દેખાય છે.
દીપાંશી ફોગાટ
જૂનમાં એશિયન ગેમ્સના ટ્રાયલ્સમાં ચમકેલી દીપાંશી ફોગાટે 17 વર્ષની ઉંમરે પ્રતિભા દર્શાવી છે. તે એશિયન ગેમ્સમાં મહિલા વર્ગમાં 51 કિલો વજન વર્ગમાં ભાગ લેશે. રોહતકની આ વતની પાસેથી મેડલની અપેક્ષા છે.
ઉન્નતી હુડા
ઉન્નતી હુડા ભારતીય બેડમિન્ટનમાં એક ઉભરતું નામ છે. 18 વર્ષીય ખેલાડી મહિલા સિંગલ્સમાં પોતાની શક્તિનું પ્રદર્શન કરશે. મે 2026માં, તે વિશ્વ રેન્કિંગમાં 19મા સ્થાને પહોંચી. તે ટોચના 20માં સ્થાન મેળવનારી ત્રીજી ભારતીય મહિલા છે. બધાની નજર તેના પર રહેશે.
