VIDEO: CSK vs PBKS / શ્રેયસ અય્યરે મેદાન પર કરી મોટી ભૂલ, આખી ટીમને ફટકારવામાં આવ્યો દંડ
છેલ્લું અપડેટ : 04 Apr 2026
IPL 2026ની સાતમી મેચમાં પંજાબ કિંગ્સે શુક્રવારે રાત્રે ચેપોક ખાતે ચેન્નાઈ સુપર કિંગ્સને 5 વિકેટથી હરાવ્યું અને આ સિઝનમાં સતત બીજી જીત મેળવી. જોકે, પંજાબ કિંગ્સના કેપ્ટન શ્રેયસ અય્યરે મેચમાં એક મોટી ભૂલ કરી, જેનું પરિણામ તેની આખી ટીમને ભોગવવું પડશે.
પહેલી મેચમાં સજા
શ્રેયસ અય્યરે IPL આચારસંહિતાનું ઉલ્લંઘન કરવાનો દોષી ઠેરવવામાં આવ્યો છે. પાછલી મેચમાં અય્યરે ગુજરાત ટાઈટન્સ સામે સ્લો ઓવર-રેટ જાળવવા બદલ સજા ભોગવી હતી. તેણે ચેન્નાઈ સુપર કિંગ્સ સામે પણ આ જ ભૂલ કરી. પરિણામે IPL ગવર્નિંગ કાઉન્સિલે પંજાબના કેપ્ટનને કડક સજા ફટકારી છે. પંજાબ કિંગ્સના તમામ ખેલાડીઓ પણ પ્રભાવિત થયા છે, જેમાં ઈમ્પેક્ટ પ્લેયરનો પણ સમાવેશ થાય છે.
અય્યરને 24 લાખ રૂપિયાનો દંડ
IPL દ્વારા જારી કરાયેલા એક નિવેદન અનુસાર, "પંજાબ કિંગ્સના કેપ્ટન શ્રેયસ અય્યરને IPL 2026ની મેચ સાતમીમાં ચેન્નાઈ સુપર કિંગ્સ સામે ચેન્નાઈમાં સ્લો ઓવર-રેટ જાળવવા બદલ દંડ ફટકારવામાં આવ્યો છે. IPL આચારસંહિતાની કલમ 2.22 હેઠળ આ સિઝનમાં તેની ટીમનો આ બીજો ઉલ્લંઘન હતો, જે ન્યૂનતમ ઓવર-રેટ સાથે સંબંધિત છે. તેથી, અય્યરને 24 લાખ રૂપિયાનો દંડ ફટકારવામાં આવ્યો છે. પ્લેઈંગ ઈલેવનના બાકીના સભ્યો અને ઈમ્પેક્ટ પ્લેયરને 6 લાખ અથવા તેમની મેચ ફીના 25 ટકા, જે ઓછું હોય તે દંડ કરવામાં આવશે."
મેચની સ્થિતિ
- મેચ અંગે વાત કરીએ તો ચેન્નાઈ સુપર કિંગ્સ 200થી વધુ રન બનાવવા છતાં મેચ ન બચાવી શક્યું.
- ટોસ હારીને બેટિંગ કરવા ઉતરેલી ચેન્નાઈની ટીમે 20 ઓવરમાં 5 વિકેટ ગુમાવીને 209 રન બનાવ્યા હતા.
- યુવાન આયુષ મ્હાત્રેએ 43 બોલમાં 73 રનની શાનદાર ઈનિંગ રમી હતી.
- શિવમ દુબેએ પણ 27 બોલમાં અણનમ 45 રન બનાવ્યા હતા.
- સફરાઝ ખાને 12 બોલમાં 32 રનનું યોગદાન આપ્યું.
- જવાબમાં ટોપ ઓર્ડરના શાનદાર પ્રદર્શનને કારણે, પંજાબ કિંગ્સે 8 બોલ બાકી રહેતા મેચ જીતી લીધી.
- કેપ્ટન શ્રેયસ ઐયરે અડધી સદી ફટકારી.
- પ્રિયાંશ આર્ય (39) અને પ્રભસિમરન સિંહ (43) એ ટીમને ઝડપી શરૂઆત અપાવી.
