ICC T20 રેન્કિંગમાં ઈંગ્લેન્ડ નંબર વન બન્યું, ટીમ ઈન્ડિયા બીજા સ્થાને સરકી
છેલ્લું અપડેટ : 20 Sept 2026
T20 રેન્કિંગમાં ભારત હવે વિશ્વની નંબર-1 ટીમ નથી. તાજેતરની સિરીઝમાં અફઘાનિસ્તાનને 3-0થી હરાવવા છતાં, ટીમ ઈન્ડિયાએ તેનું રેન્કિંગ ગુમાવ્યું છે. ઈંગ્લેન્ડ T20માં નંબર-1 બન્યું છે. શ્રીલંકા સામે 3-0થી સિરીઝ જીત્યા બાદ ઈંગ્લેન્ડને આ ફાયદો મળ્યો. હાલમાં ઈંગ્લેન્ડ અને ભારત બંને પાસે 269 રેટિંગ પોઈન્ટ છે.
હેરી બ્રુક કેપ્ટન બન્યા પછી ઈંગ્લેન્ડનું T20 ફોર્મ ઉત્તમ રહ્યું છે. બ્રુકની કેપ્ટનશિપ હેઠળ, ઈંગ્લેન્ડે 26માંથી 23 મેચ જીતી છે. એક તરફ, ઈંગ્લેન્ડે તેની તાજેતરની સિરીઝમાં શ્રીલંકાને હરાવ્યું. બીજી તરફ, ટીમ ઈન્ડિયાએ ઝિમ્બાબ્વે અને અફઘાનિસ્તાનને હરાવ્યું છે. આમ છતાં, શ્રેયસ ઐયરની કેપ્ટનશિપ હેઠળની ભારતીય T20 ટીમ રેન્કિંગમાં બીજા સ્થાને સરકી ગઈ છે.
સમાન પોઈન્ટ હોવા છતાં ઈંગ્લેન્ડ આગળ કેમ છે?
ભારત હવે વિશ્વની નંબર-1 T20 ટીમ નથી. ઈંગ્લેન્ડ પ્રથમ ક્રમે છે, જ્યારે ટીમ ઈન્ડિયા બીજા ક્રમે છે. બંનેના 269 રેટિંગ પોઈન્ટ છે. જોકે, આ 269 એક રાઉન્ડ-ઓફ આંકડો છે. ભારતના રેટિંગ પોઈન્ટ 268.76 છે, જ્યારે ઈંગ્લેન્ડના 268.80 છે. ઈંગ્લેન્ડ રેન્કિંગમાં ફક્ત 0.04 પોઈન્ટથી આગળ નીકળી ગયું છે.
ઓસ્ટ્રેલિયા હાલમાં ત્રીજા ક્રમે છે, અને ન્યુઝીલેન્ડ T20Iમાં વિશ્વમાં ચોથા ક્રમે છે. સાઉથ આફ્રિકા પાંચમા ક્રમે છે, જ્યારે પાકિસ્તાન છઠ્ઠા ક્રમે છે. વેસ્ટ ઈન્ડિઝ હાલમાં સાતમા ક્રમે છે, પરંતુ જો તે આગામી T20I સિરીઝમાં ભારતને હરાવે છે, તો તે સંભવિત રીતે રેન્કિંગના ટોચના 5માં પ્રવેશ કરી શકે છે.
- ઈંગ્લેન્ડ - 269
- ભારત - 269
- ઓસ્ટ્રેલિયા - 260
- ન્યુઝીલેન્ડ - 247
- સાઉથ આફ્રિકા - 243
- પાકિસ્તાન - 240
- વેસ્ટ ઈન્ડિઝ - 234
- બાંગ્લાદેશ - 224
- શ્રીલંકા - 220
- અફઘાનિસ્તાન 220
ટીમ ઈન્ડિયા સતત બે વાર T20 વર્લ્ડ ચેમ્પિયન રહી છે. જોકે, કેપ્ટન તરીકે શ્રેયસ અય્યરની શરૂઆત સારી નહતી. તેનો પહેલો પડકાર બ્રિટનનો પ્રવાસ હતો, જ્યાં ટીમ ઈન્ડિયા આયર્લેન્ડ અને ઈંગ્લેન્ડ સામે હારી ગઈ હતી. જોકે, બાદમાં ભારતે ઝિમ્બાબ્વે અને અફઘાનિસ્તાન સામે T20 સિરીઝ જીતી હતી.
