Video: આખરે ધોનીની આઈપીએલમાંથી નિવૃત્તિ, CSKમાં મેન્ટરની ભૂમિકા નિભાવશે

ક્રિકેટ જગતના મહાન કપ્તાનોમાં સ્થાન ધરાવતા એમ.એસ. ધોનીએ આખરે આઈપીએલમાંથી પણ સંન્યાસ લઈ લીધો છે. હવે તેઓ ચેન્નઈ સુપર કિંગ્સ ટીમ માટે ખેલાડી તરીકે નહીં, પરંતુ મેન્ટરની નવી ભૂમિકામાં નજરે પડશે. પાંચ વખતની ચેમ્પિયન ફ્રેન્ચાઈઝીએ સોશિયલ મીડિયા પર પોસ્ટ કરીને આ મોટી માહિતી આપી છે. ઉલ્લેખનીય છે કે ધોનીએ વર્ષ ૨૦૨૦માં જ આંતરરાષ્ટ્રીય ક્રિકેટમાંથી નિવૃત્તિ લીધી હતી. પણ આઈપીએલમાં રમવાનું ચાલુ રાખ્યું. જોકે, તે આઈપીએલની અંતિમ સિઝનમાં એક પણ મુકાબલો રમ્યો ન હતો. વર્ષ ૨૦૦૮માં આઈપીએલની શરૂઆતથી જ ધોની ચેન્નઈની ફ્રેન્ચાઈઝી સાથે જોડાયેલો હતો અને તેમની આગેવાનીમાં ટીમ પાંચ વખત ચેમ્પિયન બની હતી. ધોનીની કપ્તાની હેઠળ ચેન્નઈએ વર્ષ ૨૦૧૯ સુધી રમેલી દરેક સિઝનમાં પ્લે-ઓફમાં પ્રવેશ કર્યો હતો. આઈપીએલ ઇતિહાસના સૌથી સફળ કપ્તાનોમાં ગણાતા ધોનીના આ નિર્ણયથી તેના ફેન્સમાં નિરાશા છે.









