સૂર્યાના T20 વર્લ્ડ કપ કેચને લઈને ફરી છેડાયો વિવાદ, હવે આ સ્ટાર ખેલાડીએ ઉઠાવ્યો અવાજ
ભારતે T20 વર્લ્ડ કપ 2024નો ખિતાબ જીત્યો હતો. દક્ષિણ આફ્રિકા સામે રમાયેલી ટૂર્નામેન્ટની
ભારતે T20 વર્લ્ડ કપ 2024નો ખિતાબ જીત્યો હતો. દક્ષિણ આફ્રિકા સામે રમાયેલી ટૂર્નામેન્ટની ફાઇનલમાં સૂર્યકુમાર યાદવે શાનદાર કેચ લઈને આખી રમત બદલી નાખી હતી. સુર્યાએ મેચની છેલ્લી ઓવરમાં આફ્રિકાના સ્ટાર બેટ્સમેન ડેવિડ મિલરનો લોંગ ઓફ પર કેચ પકડ્યો, જ્યારે આફ્રિકાને જીતવા માટે એક ઓવરમાં માત્ર 16 રનની જરૂર હતી. બાદમાં આ કેચ પર ઘણો વિવાદ થયો હતો. હવે સાઉથ આફ્રિકાના સ્ટારે આ કેચ પર પોતાનો અવાજ ઉઠાવીને નવો વિવાદ ઉભો કર્યો છે.
વાસ્તવમાં આફ્રિકાના સ્ટાર સ્પિનર તબરેઝ શમ્સીએ સોશિયલ મીડિયા દ્વારા સૂર્યાના કેચ વિશે વાત કરી હતી. એક વીડિયો શેર કરતા શમ્સીએ લખ્યું, "જો તેણે વર્લ્ડ કપ ફાઇનલમાં કેચ ચેક કરવા માટે આ પદ્ધતિનો ઉપયોગ કર્યો હોત તો કદાચ તેને નોટઆઉટ આપવામાં આવ્યો હોત." શમ્સી દ્વારા શેર કરવામાં આવેલા વીડિયોમાં કેટલાક લોકો સ્થાનિક ક્રિકેટ મેચ રમતા જોવા મળી રહ્યા છે. મેચમાં બાઉન્ડ્રી લાઇન પર કેચ લીધા બાદ તેને અલગ અલગ રીતે માપવામાં આવે છે.
શમ્સીએ રજૂ કરી હતી સ્પષ્ટતા
શમ્સીની પોસ્ટ વાઈરલ થતાં જ લોકોએ તેને ટ્રોલ કરવાનું શરૂ કર્યું, જે બાદ આફ્રિકન સ્ટારે સ્પષ્ટતા કરતા કહ્યું કે, આ માત્ર મજાક છે. તેમણે લખીને સ્પષ્ટતા કરી કે, "જો કેટલાક લોકો એ ન સમજતા હોય કે આ મજાક છે અને કોઈ રડતું નથી, તો ચાલો હું તમને 4 વર્ષના બાળકની જેમ સમજાવું. તે મજાક છે."
સૂર્યાના કેચથી મેચનો પલટો આવ્યો હતો
બાર્બાડોસમાં રમાયેલી ફાઇનલમાં દક્ષિણ આફ્રિકાને છેલ્લી ઓવરમાં જીતવા માટે 16 રનની જરૂર હતી. છેલ્લી ઓવરની જવાબદારી હાર્દિક પંડ્યાને સોંપવામાં આવી હતી. લેફ્ટ હેન્ડ બેટ્સમેન ડેવિડ મિલર ક્રિઝ પર હતો. મિલરે ઓવરના પહેલા ફુલ ટોસ બોલ પર બેટને સખત સ્વિંગ કર્યું. બોલ બાઉન્ડ્રીની બહાર લોંગ ઓફ તરફ જતો હતો ત્યારે સૂર્યા દોડીને ગયો અને બોલને બાઉન્ડ્રી ક્રોસ કરતા અટકાવ્યો. સૂર્યાએ કેચ લીધો અને બોલ બહારથી ફેંક્યો અને પછી ફરી દોડીને કેચ લીધો. મિલરના આઉટ થયા બાદ હાર્દિક માટે આ કામ ઘણું સરળ બની ગયું અને તેણે ટીમ ઈન્ડિયાને જીત તરફ દોરી.
