હાર્દિક પંડ્યા સામે ષડયંત્ર? દરેક સ્ટેડિયમમાં કરાયો ટ્રોલ, હવે મુંબઈ ઈન્ડિયન્સનું આખું રહસ્ય ખુલ્યું
હાલ મુંબઈ ઈન્ડિયન્સના કેમ્પમાં કંઈ સારું નથી ચાલી રહ્યું.
હાલ મુંબઈ ઈન્ડિયન્સના કેમ્પમાં કંઈ સારું નથી ચાલી રહ્યું. IPL 2025 પહેલા ટીમમાં ઘણા મોટા ફેરફાર થઈ શકે છે. આમાં સૌથી મોટો ફેરફાર કેપ્ટનશિપને લઈને થઈ શકે છે. એક રિપોર્ટ અનુસાર હાર્દિક પંડ્યાને કેપ્ટન્સીથી હટાવવામાં આવી શકે છે. આ મામલે વધુ એક મહત્ત્વની માહિતી સામે આવી છે. રિપોર્ટ અનુસાર પાછલી સિઝનમાં પંડ્યા વિરુદ્ધ ષડયંત્ર રચવામાં આવ્યું હતું. નેગેટિવ PR દ્વારા તેને ટ્રોલ કરવામાં આવ્યો હતો. આ કેસમાં રોહિત શર્માનું નામ પણ સામે આવ્યું છે.
એક વીડિયોમાં હાર્દિક અને મુંબઈ ઈન્ડિયન્સ વિશે દાવો કરવામાં આવ્યો છે. આ મુજબ, રોહિત સહિત ઘણા ખેલાડીઓ હાર્દિકને ટીમનો કેપ્ટન બનાવવા માગતા નથી. આ સાથે જ વધુ એક દાવો કરવામાં આવ્યો છે. IPL 2024માં પંડ્યાને ઘણો ટ્રોલ કરવામાં આવ્યો હતો. આ એક કાવતરાના ભાગરૂપે આયોજન કરવામાં આવ્યું હતું. હાર્દિક માટે નેગેટિવ પીઆરનો ઉપયોગ કરવામાં આવ્યો હતો. નેગેટિવ પીઆર એટલે સોશિયલ મીડિયા દ્વારા કોઈ વ્યક્તિની ઈમેજ નેગેટિવ બનાવવી. પંડ્યા સાથે આવું જ થયું.
પંડ્યા વિરૂદ્ધ ષડયંત્ર કોણે ઘડ્યું હતું?
મુંબઈ ઈન્ડિયન્સમાં સચિન તેંડુલકરનો ઘણો દબદબો છે. તે અને રોહિત બંને આગામી સિઝનમાં પંડ્યાને કેપ્ટનશિપ આપવા માગતા નથી. પંડ્યા સામેના ષડયંત્રમાં રોહિતનું નામ પણ સામે આવી રહ્યું છે. જોકે, આમાં કેટલું સત્ય છે તે અંગે કોઈ ઓફિશિયલ માહિતી સામે આવી નથી. ઈરફાન પઠાણે પંડ્યાને લઈને X પર એક પોસ્ટ પણ શેર કરી હતી. તેણે પંડ્યા વિશે નકારાત્મક વાતો શેર કરી હતી.
આગામી સિઝનમાં સૂર્યા બની શકે છે કેપ્ટન
રોહિત અને સચિન સૂર્યાકુમાર યાદવને ટીમનો નવો કેપ્ટન બનાવવા માગે છે. સૂર્યા ટી20માં ટીમ ઈન્ડિયાનો કેપ્ટન પણ બની ગયો છે. રિપોર્ટ અનુસાર, હાર્દિક સૂર્યાની જગ્યાએ કેપ્ટન બનવા જઈ રહ્યો હતો. પરંતુ આ કરવામાં આવ્યું ન હતું. ઘણા ખેલાડીઓએ પંડ્યા વિરુદ્ધ પોતાનો અભિપ્રાય વ્યક્ત કર્યો છે.
