IND vs SA / 'હું WTC ફાઈનલ...', સાઉથ આફ્રિકા સામે ટોસ હારતા ભારતીય કેપ્ટને કહી મોટી વાત
છેલ્લું અપડેટ : 14 Nov 2025
ભારત અને સાઉથ આફ્રિકા વચ્ચેની પહેલી ટેસ્ટ મેચ ઈડન ગાર્ડન્સ ખાતે રમાઈ રહી છે. ટીમ ઈન્ડિયાનો કેપ્ટન શુભમન ગિલ આ મેચમાં ટોસ હારી ગયો છે. ગિલ કેપ્ટન બન્યા પછી ટોસમાં તેનું નસીબ સારું નથી રહ્યું. સાઉથ આફ્રિકા સામે પણ આવું જ બન્યું અને ત્યારબાદ, તેણે એક રમૂજી નિવેદન આપ્યું. તેણે એક મોટી જાહેરાત કરતા કહ્યું કે તે હવે સીધો વર્લ્ડ ટેસ્ટ ચેમ્પિયનશિપ (WTC) ફાઈનલમાં જ ટોસ જીતશે. ગિલે પછી દાવો કર્યો કે તે ચોક્કસપણે WTC ફાઈનલમાં પહોંચશે.
ટોસ હાર્યા બાદ શુભમન ગિલનું મોટું નિવેદન
સાઉથ આફ્રિકાના કેપ્ટન ટેમ્બા બાવુમાએ ટોસ જીતીને પહેલા બેટિંગ કરવાનો નિર્ણય લીધો. ગિલે ફરી એકવાર ટોસ હારી ગયો અને તેણે આવી પર પ્રતિક્રિયા આપી. શુભમન ગિલે મજાકમાં દાવો કર્યો કે તે વર્લ્ડ ટેસ્ટ ચેમ્પિયનશિપ ફાઈનલનો ભાગ બનશે અને ત્યાં ટોસ જીતવામાં સફળ થશે. તેણે કહ્યું, "આશા છે કે હું વર્લ્ડ ટેસ્ટ ચેમ્પિયનશિપ (WTC) ફાઈનલમાં જ ટોસ જીતીશ." ભારતીય ટીમ હાલમાં WTC પોઈન્ટ્સ ટેબલમાં ત્રીજા સ્થાને છે. જો તે બે મેચ જીતશે, તો તે ટોપ-2માં સ્થાન મેળવશે.
ગિલે ટીમમાં મોટા ફેરફારો કર્યા
ઈડન ગાર્ડન્સની પિચ પહેલા દિવસથી જ તિરાડો દેખાઈ રહી છે અને આનાથી સ્પિનર્સને ઘણો ફાયદો થશે. આ કારણોસર, ભારતીય કેપ્ટન શુભમન ગિલે ટીમમાં ચાર સ્પિનર્સનો સમાવેશ કરવાનો નિર્ણય લીધો છે. અક્ષર પટેલ, કુલદીપ યાદવ, વોશિંગ્ટન સુંદર અને રવિન્દ્ર જાડેજા પ્લેઈંગ ઈલેવનનો ભાગ છે. ભારતીય ટીમ મોહમ્મદ સિરાજ અને જસપ્રીત બુમરાહ સહિત છ બોલિંગ ઓપ્શન સાથે મેદાનમાં ઉતરી છે. રિષભ પંતની વાપસી છતાં ધ્રુવ જુરેલ પણ પ્લેઈંગ ઈલેવનનો ભાગ છે.
પ્રથમ ટેસ્ટ માટે ભારતની પ્લેઈંગ ઈલેવન
યશસ્વી જયસ્વાલ, કેએલ રાહુલ, વોશિંગ્ટન સુંદર, શુભમન ગિલ, રિષભ પંત, રવિન્દ્ર જાડેજા, ધ્રુવ જુરેલ, અક્ષર પટેલ, કુલદીપ યાદવ, જસપ્રિત બુમરાહ, મોહમ્મદ સિરાજ.
મેચની સ્થિતિની વાત કરીએ તો પહેલા બેટિંગ કરવા ઉતરેલી સાઉથ આફ્રિકાની ટીમ આ લખાય છે ત્યાં સુધીમાં બીજા સેશનમાં 4 વિકેટ ગુમાવીને 115ના સ્કોર પણ રમી રહી છે, ભારત માટે જસપ્રીત બુમરાહ કુલદીપ યાદવે 2-2 વિકેટ લીધી છે.
