T20 World Cup Final: ન્યૂઝીલેન્ડને હરાવીને ભારત ઐતિહાસિક ત્રીજીવાર વિશ્વ વિજેતા બન્યું
છેલ્લું અપડેટ : 08 Mar 2026
T20 World Cup Final: વિશ્વના સૌથી મોટા ક્રિકેટ સ્ટેડિયમ એવા અમદાવાદના નરેન્દ્ર મોદી સ્ટેડિયમમાં આજે ઈતિહાસ રચાઈ ગયો હતો. T20 ક્રિકેટ વર્લ્ડ કપ 2026ની ફાઈનલ મેચમાં આજે ભારત અને ન્યૂઝીલેન્ડ આમને-સામને ટકરાઈ હતી. જેમાં ભારતે ન્યૂઝીલેન્ડને જીતવા 256 રનનો ટાર્ગટ આપ્યો હતો. જે બાદ ન્યૂઝીલેન્ડ માત્ર 96 રનમાં સમેટાઈ ગઈ હતી. ભારત ત્રીજીવાર ટી-20 વર્લ્ડ કપમાં વિજેતા બન્યું છે. આ મેચને લઈને માત્ર અમદાવાદ જ નહીં, પણ સમગ્ર દેશમાં ઉત્સાહનું પૂર આવ્યું છે.
આજે રવિવાર અમદાવાદના નામે રહ્યો હતો. કારણ કે, મોટેરામાં આવેલા નરેન્દ્ર મોદી સ્ટેડિયમમાં ભારત ટી-20 વર્લ્ડ કપમાં ભવ્ય જીત બાદ અમદાવાદવાસીઓ જીતની ખુશી વિવિધ સ્થળે ફટાકડા ફોડીને વધાવી હતી. ચારેબાજુ દિવાળી જેવો માહોલ સર્જાયો હતો.
સ્ટેડિયમ બહાર ચાહકોનો જોવા મળ્યો હતો અદભુત ઉત્સાહ જોવા મળ્યો હતો
મેચ ભલે સાંજે શરૂ થવાની હતી, પરંતુ વહેલી સવારથી જ સ્ટેડિયમની બહાર ક્રિકેટ પ્રેમીઓનું કિડીયારું ઉભરાયું હતુ. 'ઈન્ડિયા-ઈન્ડિયા'ના નારા અને તિરંગા સાથે ચાહકોનો જોશ જોવા જેવો હતો. મોટેરા વિસ્તારમાં ચારે-બાજુ કેસરી-સફેદ-લીલા રંગનો માહોલ છવાયો હતો. સ્ટેડિયમની ક્ષમતા 1.32 લાખ હોવા છતાં, લાખો અન્ય ચાહકો પણ સ્ટેડિયમની બહાર રહીને પોતાની ટીમનો ઉત્સાહ વધારી રહ્યા હતા.
