VIDEO: ઈજિપ્તને પછાડી અર્જેન્ટિના ફિફા વિશ્વકપની ક્વાર્ટર ફાઈનલમાં
છેલ્લું અપડેટ : 08 Jul 2026
અર્જેન્ટીનાએ ઇજિપ્ત સામે શાનદાર રમત પ્રદર્શિત કરતા ૩-૨થી જીત મેળવીને ક્વાર્ટર ફાઇનલમાં જગ્યા બનાવી લીધી છે. ઉતાર-ચઢાવથી ભરેલી આ મેચમાં અર્જેન્ટીનાએ છેલ્લી ઘડીએ કમબેક કર્યું અને મેચ જીતવામાં સફળતા મેળવી. અર્જેન્ટીનાએ બીજા હાફમાં દમદાર પ્રદર્શન કરીને જીત નોંધાવી અને ક્વાર્ટર ફાઇનલમાં પ્રવેશ કર્યો. મેચ જીત્યા બાદ મેસ્સી ખૂબ જ ઇમોશનલ દેખાયો અને ટીમના ખેલાડીઓને ગળે લગાડીને રડતો જોવા મળ્યા. ઇજિપ્તે સૌથી પહેલા અર્જેન્ટીના પર શાનદાર લીડ મેળવી લીધી હતી, ૧૫મી મિનિટે યાસિર ઇબ્રાહિમે શાનદાર ગોલ કરીને ટીમને ૦-૧ની લીડ અપાવી. બીજા હાફમાં એકવાર ફરી ઇજિપ્તની ટીમે કમાલ કરી અને મોસ્તફા જીકોએ ૬૭મી મિનિટે બીજો ગોલ કરીને અર્જેન્ટીનાને મેચમાંથી લગભગ બહાર જ કરી દીધું હતું. અર્જેન્ટીના સામે ૨-૦ની લીડ મેળવીને ઇજિપ્ત ઇતિહાસ રચવાના આરે પહોંચી ગયું હતું. અર્જેન્ટીના માટે ક્રિસ્ટિયન રોમેરોએ ૭૯મી મિનિટે અને લિઓનલ મેસ્સીએ ૮૩મી મિનિટે ગોલ કરીને ટીમની શાનદાર વાપસી કરાવી હતી. આ પછી છેલ્લી ઘડીએ એન્ઝો ફર્નાન્ડીઝે હેડર વડે ગોલ કર્યો, જેનાથી ઇન્જરી ટાઇમમાં અર્જેન્ટીના ૩-૨થી આગળ થઈ ગયું અને અહીંથી જ અંતે અર્જેન્ટીનાની ટીમ મેચ જીતવામાં સફળ રહી.
