પૂજા માટે લાવેલા નારિયેળનું બગડી જવું શુભ છે કે અશુભ? શું કહે છે શાસ્ત્રો જાણો

સનાતન ધર્મમાં પૂજા સિવાય નારિયેળનો ઉપયોગ મુખ્યત્વે શુભ અને માંગળિક કાર્યોમાં થાય છે. એટલું જ નહીં, નારિયેળને તમામ ફળોમાં શ્રેષ્ઠ માનવામાં આવે છે, તેથી તેને શ્રીફળ પણ કહેવામાં આવે છે. પૂજા દરમિયાન નાળિયેર પણ ચઢાવવામાં આવે છે અને તેને તોડીને પ્રસાદ તરીકે ખવાય છે. પરંતુ ઘણી વખત એવું બને છે કે, પૂજાનું નાળિયેર ખરાબ નીકળે છે.  આવી સ્થિતિમાં ઘણી વખત લોકોના મનમાં શંકાઓ જન્મે છે. તે શુકન અને અપશુકન તરીકે પણ જોવામાં આવે છે. ચાલો આજે જાણીએ કે પૂજાનું નાળિયેર ખરાબ નીકળે છે ત્યારે તે શું સૂચવે છે. 

ખરાબ નારિયેળનો અર્થ 

જો પૂજા દરમિયાન નાળિયેર ખરાબ નીકળે તો ગભરાશો નહીં. આ અશુભ સંકેત નથી. બલ્કે ભગવાને પ્રસાદ ગ્રહણ કર્યો હોવાનું માનવામાં આવે છે. તેથી નાળિયેર સુકાઈ ગયું છે અથવા ખરાબ થઈ ગયું છે. એવું પણ માનવામાં આવે છે કે, ભગવાને તમારી પૂજા સ્વીકારી લીધી છે અને તે તમારી મનોકામના પૂર્ણ કરશે. 

દરેકને પ્રસાદનું વિતરણ કરવું

જો ભગવાનને પ્રસાદ તરીકે ચઢાવવામાં આવેલ નાળિયેર ખરાબ નીકળે કે સ્વચ્છ અને સારું નીકળે તો આ પ્રસાદ તમામ લોકોમાં વહેંચવો જોઈએ. જેટલા લોકોને ભગવાનના પ્રસાદનું વિતરણ કરવામાં આવે છે, તેટલું વધુ પુણ્ય પ્રાપ્ત થાય છે. પરંતુ ધ્યાનમાં રાખો કે પ્રસાદને ગંદા હાથથી ન અડવું અને ગંદા હાથથી સ્વીકારવો નહીં. જેના કારણે દેવી-દેવતાઓ નારાજ થાય છે. જો પ્રસાદ સંપૂર્ણ રીતે પૂરો ન થયો હોય તો તેને સ્વચ્છ વાસણમાં સ્વચ્છ જગ્યાએ આદરપૂર્વક રાખો. પ્રસાદને ક્યારેય ગંદા વાસણમાં ગંદી જગ્યાએ ન રાખવો. જો પ્રસાદ આકસ્મિક રીતે જમીન પર પડી જાય તો તેને પક્ષીઓ વગેરે ને ફેંકી દો. 

નાળિયેરમાં દેવી લક્ષ્મીનો વાસ

હિંદુ શાસ્ત્રોમાં નારિયેળને શ્રીફળ કહેવામાં આવે છે કારણ કે, તેને દેવી લક્ષ્મીનો વાસ માનવામાં આવે છે. નારિયેળ ખાસ કરીને ધનની દેવી લક્ષ્મી અથવા શ્રીની પૂજામાં ચઢાવવામાં આવે છે. આ સાથે નારિયેળમાં ભગવાન બ્રહ્મા, વિષ્ણુ અને મહેશનો વાસ પણ માનવામાં આવે છે.

નોંધ:- આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.