Chaitra Navratri 2024 / આજથી ચૈત્ર નવરાત્રિ શરૂ, 9 દિવસ સુધી આ નિયમોનું કરો પાલન

ચૈત્ર મહિનાના શુક્લ પક્ષની પ્રતિપદા તિથિ એટલે કે આજથી ચૈત્ર નવરાત્રિનો પ્રારંભ થયો છે. આજથી હિન્દુ નવું વર્ષ પણ શરૂ થયું છે. આ ચૈત્ર નવરાત્રિના 9 દિવસ માતા દુર્ગાની પૂજા વિધિ-વિધાનથી પૂજા કરવામાં આવે છે. માતા દુર્ગાની કૃપાથી ઘરમાં સુખ-સમૃદ્ધિનો વાસ રહે છે અને મનોકામના પૂર્ણ થાય છે. ચૈત્ર નવરાત્રિ દરમિયાન કેટલાક નિયમોનું પાલન કરવું ખૂબ જ જરૂરી માનવામાં આવે છે. આ નિયમોનું પાલન કરવાથી પૂજાનું પૂર્ણ ફળ મળે છે અને માતાના આશીર્વાદ બની રહે છે. ચાલો જાણીએ આ નિયમો વિશે.

આ વસ્તુઓનું સેવન ન કરવું

નવરાત્રિના 9 દિવસ દરમિયાન ભૂલથી પણ તામસિક અને માંસાહારી ભોજન ન લેવું જોઈએ. આ ઉપરાંત કોઈ પણ પ્રકારના નશાથી દૂર રહેવું જોઈએ. તમે આ 9 દિવસો દરમિયાન સાત્વિક આહારનું સેવન કરી શકો છો. શિંગોડાનો લોટ, દૂધ, સાબુદાણા તેમજ ફળોનું સેવન કરી શકો છો.

નવરાત્રિમાં વાળ અને નખ કાપવાનું ટાળવું

નવરાત્રિમાં વાળ અને નખ કાપવાનું ટાળવું જોઈએ. આવું કરવું અશુભ માનવામાં આવે છે. નવરાત્રિ પૂરી થયા બાદ તમે વાળ, દાઢી અને નખ કાપી શકો છો. ચૈત્ર નવરાત્રિ દરમિયાન આ વાતનું ધ્યાન રાખો કે 9 દિવસ સુધી કાળા કપડા ન પહેરવા કે ન ઉપયોગમાં લેવા. તેને અશુભ માનવામાં આવે છે. તમે લાલ કપડાનો ઉપયોગ કરી શકો છો. આ ઉપરાંત ચામડાની બનેલી વસ્તુઓનો ઉપયોગ કરવાનું પણ ટાળવું જોઈએ.

ડિસક્લેમર:- આ લેખમાં આપવામાં આવેલી તમામ માહિતી વિવિધ જ્યોતિષીઓ/ પંચાંગો/ ઉપદેશો/ ધાર્મિક માન્યતાઓ/ શાસ્ત્રોના વિવિધ સ્ત્રોતોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.